mOmbelewa yandje kamu na, na inamu longwa uulingilingi, Kashuupulwa ta ti

G AVENA yoshitopolwa sha Shana omusamane Klemens Kashuupulwa ota ti kutya omapopyo ngoka ge li po kutya mOmbelelwa ye omwa longwa uulingilingi, kage shi goshili, ye mOmbelewa ye inamu longwa iilongayuulingilingi ngashi yamwe ya hala okutya.

Ombapila ya shangelwa kOkomissi ndjoka hayi ungaunga nOmaulingilingi komukwashigwana gwontumba momasiku 24 Juni nuumvo, otayi indile kokomissi ndjoka yi kuthe onkatu ya dhigininina yokukonaakona uulingilingi tau ningwa mOmbelewa ya Gavena gwa Shana mOshakati, unene tuu kukonaakonwe Gavena ye mwene. Ombapila tayi ti kutya mOmbelewa ya Gavena moka omwa langekwa Omunambelewakwatheli gwa Gavena noshowo omuhingi gwohauto ya Gavena inashi pitila momatseyitho pambelewa ko wo inaku ningwa okaintaviu, ano omapulaapulokonaakono gopailonga mbyoka.Ombapila tayi ti wo kutya mOombelewa dhOkaansela ya Shana omwa yakwa iimaliwa yi vulithe pOoN$2000 ndele inayi lopotwa kOpolisi, ye ngoka naku yi ya ka shivalelwe a holoke komeho gewilikongundu li mu pulaapule noku mu pa egeelo lyOpambelewa.Omunambelewa ngoka a li Omuyaluli, pehala mpoka opo ashike a kuthwa nokufalwa kOshikondo shimwe mElelo tuu moka.Ombapila tayi ti wo kutya ohauto yoCamry ya Gavena oya li ya pumwa musha uusiku wontumba nokumbonyoka, ashike oshiponga shoka inashi lopotwa kOpolisi.Ombapila tayi ti wo kutya nonando kwa ningwa nale etokolo kutya Oogavena inaya kala niihauto iyali, Gavena Kashuupulwa onkee e na iihauto ye iyali, Otoyota camry noshowo Otoyota Prado.A li ku pulwa a galule iipatululo yoCamry, okwe yi tindile aniwa nota tuku aanambelewa mboka haya yi ku ye ye taye mu indile a gal;ule iipatululo mbyoka.Ombapila tayi tsikile ko tayi ti kutya Gavena Kashuupulwa ota thiminike Elelo lya Shana li langeke Omupehawiliki gwOshikondo shAaniilonga mElelo moka mOshikokondo shEwiliko lyAaniilonga, Iimaliwa nElelo mOshitopolwa sha Shana.Omukwashigwana ngoka a shanga ombapila ndjika ta ti kutya opwa li aantu 9 ya ninga eindilo lyOpoosa ndjoka nomwa kuthwa nee yane mboka ye shi enditha nawa, mwa kwatelwa naangoka a halika ku Gavena.Ashike sho kwa ningwa omapulaapulokonaakono, Okomissi yAaniilonga, oya ti kutya omapulaapulokonaakono ngoka inaga enda pauyuki, naga shunwe mo.Ashike nande ongaaka, ombapila tayi ti, Gavena onkee ta thiminike Elelo li taambe tuu nngoka a hala.Ombapila tayi ti kutya ngoka a halika ku Gavena ke na ndjokonona ombwanawa yiilonga mEpangelo molwashoka okwa li a tidhwa nale mUuministeli wIinima yOmeni lyOshilongo moluulingilingi e wu longo moka.Ombapila tayi ti wo kutya Elelo lya Shana nali konaakonwe muule shi na sha netungo lyOkapale kOmaudhano kkkUukwangula, hoka ke li ashike oshinanona shOokilometa ntano lwaampoka muuninginino wa Shakati, hoka ka tungwa kOomilioyna omulongonane (N$14, 000, 000.00), nonando pu na hoka ka Shakati, kaka longithwa unene na oke li ashike ookilometa ntano lwampoka okuya pUukwangula.Ta ti okapale kopUukwangula okashona nayi oku ka elekanitha naahoka ka Shakati, na hako ke na okutungithwa koshimaliowa shi thike mpoka.Naku popiwe ashike kutya oshimaliwa osha ya peni.Ombapila otayi ti wo kutya aathaneki yetungo lyOpakale hoka kopUukwangula oya li yaali.Gumwe okwa li ta ti ote ka thaneke ashike kOoN$250,000 namukwawo okwa li ta ti kutya ote ka thaneke nOodola dha Namibia omiliona yimwe oshinkwanu mbali nasha, ano nOoN$1,270,000.00.Elelo lya Shana aniwa olya ka kutha po ngoka gwondilo, gwOoN$1,270,000.00 nokuthiga po ngoka gwombiliha gwOoN$250,000.Gavena Kashuupulwa okwa yamukula ko nee kiinima mbika ta ti kutya ye onga Gavena oku na uuthemba, paveta, okuulika kuye mwene Omunambelewakwatheli gwe, oshowo Omuhingi gwe.Kombinga yiimaliwa ya yakwa yOoN$2000 nasha, Kashuupulwa okwa ti kutya omunambelewa ngoka okwa ungaungiwa naye nale.Okwa li a falwa kOpolisi nOpolisi oya ti kutya molwashoka iimaliwa okwe yi futila po nale, ita yi mu landula we.Kombinga yOhauto ya pumwa mo sha, Kashuupulwa okwa ti kutya kapu na oshinima shatya ngawo na ye ishewe ka longitha iihauto iyali, oku na ashike Oprado ye opuwo.Kombinga yOmunambelewa ngoka a hala a langekwe pehala mpoka, Kashuupulwa okwa ti kutya, eeno, oye naanaa ya hala ngoka, oshoka ke na epuko lyasha a kale ita vulu okulangekwa mehala moka.Ta ti oku shi nawa iilonga mbyoka na oye naanaa a halika kElelo lya Shana ngoka.Kashuupulwa ta ti kutya ombapila ndjoka oku na efekelo kutya oya shangwa komuntu gwomeni, ano gwomElelo moka, ngoka ngiika naye a li a hala okuya po pehala mpoka.kOmbinga yetungo lyOkapale kokUukwangula, Kashuupulwa okwa ti kutya etungo lyako olya enda palandulathano nolya taambiwa ko wo nokUuministeli wOmapangelo gOpaitopolwa, Omagumbo nEhumokomeho lyokOmikunda.Ombapila tayi ti kutya mOmbelewa ya Gavena moka omwa langekwa Omunambelewakwatheli gwa Gavena noshowo omuhingi gwohauto ya Gavena inashi pitila momatseyitho pambelewa ko wo inaku ningwa okaintaviu, ano omapulaapulokonaakono gopailonga mbyoka.Ombapila tayi ti wo kutya mOombelewa dhOkaansela ya Shana omwa yakwa iimaliwa yi vulithe pOoN$2000 ndele inayi lopotwa kOpolisi, ye ngoka naku yi ya ka shivalelwe a holoke komeho gewilikongundu li mu pulaapule noku mu pa egeelo lyOpambelewa.Omunambelewa ngoka a li Omuyaluli, pehala mpoka opo ashike a kuthwa nokufalwa kOshikondo shimwe mElelo tuu moka.Ombapila tayi ti wo kutya ohauto yoCamry ya Gavena oya li ya pumwa musha uusiku wontumba nokumbonyoka, ashike oshiponga shoka inashi lopotwa kOpolisi.Ombapila tayi ti wo kutya nonando kwa ningwa nale etokolo kutya Oogavena inaya kala niihauto iyali, Gavena Kashuupulwa onkee e na iihauto ye iyali, Otoyota camry noshowo Otoyota Prado.A li ku pulwa a galule iipatululo yoCamry, okwe yi tindile aniwa nota tuku aanambelewa mboka haya yi ku ye ye taye mu indile a gal;ule iipatululo mbyoka.Ombapila tayi tsikile ko tayi ti kutya Gavena Kashuupulwa ota thiminike Elelo lya Shana li langeke Omupehawiliki gwOshikondo shAaniilonga mElelo moka mOshikokondo shEwiliko lyAaniilonga, Iimaliwa nElelo mOshitopolwa sha Shana.Omukwashigwana ngoka a shanga ombapila ndjika ta ti kutya opwa li aantu 9 ya ninga eindilo lyOpoosa ndjoka nomwa kuthwa nee yane mboka ye shi enditha nawa, mwa kwatelwa naangoka a halika ku Gavena.Ashike sho kwa ningwa omapulaapulokonaakono, Okomissi yAaniilonga, oya ti kutya omapulaapulokonaakono ngoka inaga enda pauyuki, naga shunwe mo.Ashike nande ongaaka, ombapila tayi ti, Gavena onkee ta thiminike Elelo li taambe tuu nngoka a hala.Ombapila tayi ti kutya ngoka a halika ku Gavena ke na ndjokonona ombwanawa yiilonga mEpangelo molwashoka okwa li a tidhwa nale mUuministeli wIinima yOmeni lyOshilongo moluulingilingi e wu longo moka.Ombapila tayi ti wo kutya Elelo lya Shana nali konaakonwe muule shi na sha netungo lyOkapale kOmaudhano kkkUukwangula, hoka ke li ashike oshinanona shOokilometa ntano lwaampoka muuninginino wa Shakati, hoka ka tungwa kOomilioyna omulongonane (N$14, 000, 000.00), nonando pu na hoka ka Shakati, kaka longithwa unene na oke li ashike ookilometa ntano lwampoka okuya pUukwangula.Ta ti okapale kopUukwangula okashona nayi oku ka elekanitha naahoka ka Shakati, na hako ke na okutungithwa koshimaliowa shi thike mpoka.Naku popiwe ashike kutya oshimaliwa osha ya peni.Ombapila otayi ti wo kutya aathaneki yetungo lyOpakale hoka kopUukwangula oya li yaali.Gumwe okwa li ta ti ote ka thaneke ashike kOoN$250,000 namukwawo okwa li ta ti kutya ote ka thaneke nOodola dha Namibia omiliona yimwe oshinkwanu mbali nasha, ano nOoN$1,270,000.00.Elelo lya Shana aniwa olya ka kutha po ngoka gwondilo, gwOoN$1,270,000.00 nokuthiga po ngoka gwombiliha gwOoN$250,000.Gavena Kashuupulwa okwa yamukula ko nee kiinima mbika ta ti kutya ye onga Gavena oku na uuthemba, paveta, okuulika kuye mwene Omunambelewakwatheli gwe, oshowo Omuhingi gwe.Kombinga yiimaliwa ya yakwa yOoN$2000 nasha, Kashuupulwa okwa ti kutya omunambelewa ngoka okwa ungaungiwa naye nale.Okwa li a falwa kOpolisi nOpolisi oya ti kutya molwashoka iimaliwa okwe yi futila po nale, ita yi mu landula we.Kombinga yOhauto ya pumwa mo sha, Kashuupulwa okwa ti kutya kapu na oshinima shatya ngawo na ye ishewe ka longitha iihauto iyali, oku na ashike Oprado ye opuwo.Kombinga yOmunambelewa ngoka a hala a langekwe pehala mpoka, Kashuupulwa okwa ti kutya, eeno, oye naanaa ya hala ngoka, oshoka ke na epuko lyasha a kale ita vulu okulangekwa mehala moka.Ta ti oku shi nawa iilonga mbyoka na oye naanaa a halika kElelo lya Shana ngoka.Kashuupulwa ta ti kutya ombapila ndjoka oku na efekelo kutya oya shangwa komuntu gwomeni, ano gwomElelo moka, ngoka ngiika naye a li a hala okuya po pehala mpoka.kOmbinga yetungo lyOkapale kokUukwangula, Kashuupulwa okwa ti kutya etungo lyako olya enda palandulathano nolya taambiwa ko wo nokUuministeli wOmapangelo gOpaitopolwa, Omagumbo nEhumokomeho lyokOmikunda.