Mokuti Lodge ya yugwa koombudhi dhahomata

OOMBUDHI dhahomata odha yugu olodga ya Mokuti popepi nEtosha National Park. Pahokololo ota ku tiwa oombudhi ne odha tono omukeeleli gwopomweelo oonkondo lwopondatu yongulonene omaandaha.

Aafekelwa mbaka ya li ta ya longitha ohauto ontiligane yoludhi lwo Toyota Corolla aniwa oya manga omukeeleli, ta ya pata omeho ge nosellotape noya kutha ondjatha ye yiilonga omanga ina ye mu undulila miihwa mbyoka yi li popepi nomweelo.Aayugi ota ku tiwa oya tsikile oku ya meni lyehala ndyoka nagumwe gwawo a zala ngaashi omukeeleli, oya yi pehala lyokutaambwa aayenda taya manga omukeeleli gwaampoka.Taya ulike omutaambi gwaayenda nondjembo eta ya yugu oodola 5 000, manga inaa ye mu thiminika a ye kompungulongulu, moka ya yaka oondjembo mbali, nookompiuta dhopeke ndatu noodola 5 000, konima oya patele omuniilonga nguka mompungulilo ndjika manga inaa ya thigapo olodga ndjika.Opolisi oya ti aafekelwa osha fa shahala okutya oye shi mpoka puna iipatululo yompungulilo noshowo oye shi ehala ndika nawa.Shika otashi ulike kutya shika otashi vulika iilonga yomeni.Opolisi oya adha oondjembo ndhoka mbali pamwe nondjatha yomukeeleli miihwa popepi nolodga, ndele, aafekelwa ka ya li ya kwatwa ethimbo ndyoka.Omuwiliki gwolodga omusamane Chris Muth okwa ti iinima mbyoka ya yakwa kayi shi yaatalelipo.Iiwike ya piti ofamilia yokoBritania oya li ya yugwa komulungu gwondjembo poNamib Desert Lodge popepi noSossusvlei.Aayugi mbaka okwa fekelwa ya endele oshinano shookilometa hamano oku ya kolodge ndjika, okwa tiwa oya londo mekende lyokandjugo no ye ya yugu iimaliwa niikwamalusheno.Oya gandja oodola 20 000 onge pandulo kungoka ta gandja uuyelele kokukwatwa kwaantu mbaka.