Mokuti kwa gamenwa kUukolonkadhi mwa tulwa natango oontsino

KAANSELA gwOshikandjohogololo sha Ruacana, tate Lazarus Kornelius okwa tseyitha kutya mokuti kwa gamenwa kUukolonkadhi mOshitopolwa sha Musati natango omwa gwedhwa iithitukuti yoontsino dhi li 200,dha tulwa mo petameko lyoshiwike shika.

Oontsino ndhika, Kaansela Kornelius ta ti, odha gwedha kooholongo 50 noshowo koongolo omilongontano (50) dha tulilwe ko omumvula ya zi ko. ‘Okuti akuhe ngashiingeyi okuudha iiyamakuti, yi li mumwe naantu niimuna moka,’ Kornelius ta popi ngaaka.Okwa ti kakele kiithitukuti ya tumbulwa metetekelo, okuti kwawo hoka okuudha wo oondjamba ndhoka dha gwaya mEtosha nodhi li tadhi napa mokuti kwa gamenwa kUukolonkadhi hoka. Kakele kiinamwenyo yilwe, oondjamba ohadhi piyaganeke aantu nokuyonagula po omapya nomaliko gawo galwe. Nande ongawo, aakwashigwana yomoshitopolwa shoka oye li taya tameke okwiigilila iiyamakuti, okuza sho oomvula dha zile ko, ya li ya fadhuka po nokuya koshikunino shiinamwenyo, yo yimwe tayi dhipagwa.Kornelius ta ti wo kutya kOkuti kwa gamenwa mUukwaluudhi nkoka haka ithanwa Okashana ka Katokele, namo omu na iithitukuti oyindji yi vulithe pwaambyoka yomokuti kwa Gamenwa kUukolonkadhi nohamu ningwa nuukongo nale nokuli pamathimbo nomathimbo, shi ikwatelela kuuthemba mboka hau gandjwa kElelo lyUukwaluudhi naakwatheli yalyo.