Mo Namibia kamu na elongo li li nawa nolyaayehe: Ulenga ta ti

ELONGO mo Namibia kali li nawa na kali shi lyaayehe ngashi Epangelo lyo Swapo lya hala okutya nokufuula aantu,Omupresidende gwongundu yo Congress of Democracts (CoD) Ben Ulenga, osho a popi ngaaka.

Ulenga shika okwe shi popi pethimbo a li ta popitha oshigongi shAanyasha yo CoD mOsenda yAanyasha mOshakati ongula yOlyomakaya ga zi ko. Ulenga, ngoka a li a ende pamwe na Amushangandjayi gwo CoD Tsudao Gurirab noshowo nOmunambelewa Omukuluntupitithi gwa CoD moshitopolwa me Nelao Kondombolo, okwa ti kutya Elongo mu Namibia ka li li nawa na kali shi lyaayehe ngashi Epangelo lyOswapo lya hala okutya nokufuula aantu.Ulenga ta ti kutya Elongo lyolyene oli na okukala lyaayehe na kali na okukala tali futwa ngashi ndika lyOswapo tali futwa lyo itali eta po sha shomupondo ngashi sha tegelelwa. gOshilongo shi na aantu inaya longeka, kashi na mpoka tashi yi komeho. Oshoka ngele tatu popi kombinga yaantu ya longwa otatu popi kombinga yaantu ye na ontseyo yokweenda nokutaakana omafuta nOosikepa nosho tuu, ye shi okukonaakona uule womafutanoye shi oku ga ndjandjukununa mo kumwe nOosikepa dhamo, ye shi okutanda omalutu gaantu, oku ga kutha kumwe noku ga shuna ko, ye shi okukonaakona ewanga ndjo nokOompiuta nokukonga omauyelele gi ili nogi ili pakulongitha omaunongononi gOokoompiuta nosho tuu. Ye shi kutya aantu mpoka ye lin ngashiingeyi oye ya po ngiini, ye shi omalunduluko monkalamwenyo noye shi oondjokonona, ye shi okulela oshigwana noshilongo, ye shi okukutha oshilongo muuposi noku shi tula metonato, ano sha hala kutya ye shi Uudemokoli nokupangela nawa, h Ulenga ta ti ngawo. Okwa tsikile ko kutya ta nyenyetele nokugandja uusama kEpangelo lya Namibia li li mewiliko lyoSwapo kutya uuna tashi ya kElongo, omuntu oto tila nokulimbililwa oshoka mEpangelo lyOswapo Elongo otali futwa na ka li li lyaayehe, olyaamboka ye na oshimaliwa. Ulenga ta pula ta ti, gElongo moNamibia, oshili, oli li peni? Oshili, inatu adha natango ponkatu yelongo lyolela moNamibia na Namibhia, unene tuu oshigwana oshigundjuka, aanyasha, oye na okukondja nokwiigidha pombanda opo Elongo moNamibia li kale nawa nokutulwa pondondo mpoka li na okukala. Aaleli yElongo, ano Ooministeli dhElongo okuza ngaa kwaandjoka yotango sigo okwaandjoka yi li ko ngashiingeyi, okwa kala taku tiwa kutya Elongo olyaayehe na itali futwa, ashike tala shoka shi li po pethimbo ndika. Aavali nAakuluntu yaanona yeb li mOosikola otaya uhala taya futile Oosikola dhAanona yawo, omizalo, omalweendo okuya kOosikola kutya odho ndhoka dhopevi nenge dhopombanda sigo okIiputudhilon yOpombanda, aavali naakuluntu yaanona taya futu. Epangelo otali nningi po shike mpoka? Olya mwena ashike oshigwana tashi mono iihuna kokufutila aanona yasho Oosikola, h Ulenga ta ti ngawo nokugwedha po kutya Aaleli oyendji ye li mEpangelo lyOswapo moka, kutya nee Ominista yElongo yoyene, omusamane Nangolo Mbumba nayakwawo ye mu tetekelela, inaya futa kuyoyene Oosikola, elongo lyawo. Aavali nenge Aakuluntu yawo hayo ya futila eilongo lyawo, oya futilwa kOmapangelo nenge kOmahangano, ashike otaya thiminike aavali naakuluntu yaanona moNamibia ya futile oosikola dhawo, ano elongo lyawo. ‘Oshi li ngaa pauyuki shoka? omusamane ulenga ta pula ngawo nokugwedha ko ta ti kutya aanona yaathigona mOosikola moshilongo otaya mono iihuna mokweenda iinano iile komalupadhi. Taya zi momagumbo oongula oonene nokugalukila mo koongulohi kwa toka. Yamwe inaya lya sha hela yuuhala, omanga mboka yaayamba noyOoministeli nAanambelewa aanene mEpangelo taya falwa niihauto yOmashete kOosikola. Ulenga ta ti, Ooministeli dhEpangelo nAanambelewa yadho ohaya ende mIikoto yopombanda mOodhila moka sho taya yi pondje yOshilongo niilonga, moka ondando yoshikoto shoka shopombanda mondhila moka tashi kotha N$40,000 momuntu. ‘Omolwashike Oominista dhetu ihadhi longitha iikoto yombiliha nande ngaa nee N$7000 nOoN$8000 momuntu okuya kombanda yomafuta, opo iimaliwa oyindji mbyoka haya longitha miikoto yopombanda, yi longithwe mokulandela aanona oombesa nosho tuu okuya nokuza kOosikola, ngashi unene miilando moka,oshoka nomOvenduka yoyene aanona yaathigona otaya ende kolupadhi okuya nokuza koosikola. Ulenga ta ti wo kutya Elongo oli na okukala wo li na omilandu nOmisindalandu dhuukilila, dha ziminwa kwaayehe, kutya Elongo oli na okukwatelwa komeho nokulongwa kaantu ya longeka noye shi okulonga nokuwilika Elongo nawa, omanga Omambo gOosikola kumwe niikwaniipangitho yOosikola yi kale aluhe opo yi li ya gwana po nomunona kehe a kale e na embo lye niikwaniipangitho ye yelongo. Ulenga ta ti pethimbo ndika, oto adha aanona taya longitha embo limwe oyendji. ‘Oshike nee shoka? Elongo lyuuka peni nee ndyoka? Oshigwana oshigundjuka, ngele mito kondjo, ito kondjele uuthemba woye, osho to kala ngawo, osho to kala nelongo li li nawo, kali na ongushu, lyo wo tali futilwa, na kali shi lyaayehe, h Ulenga ta ti ngawo nokugwedha po ta ti ngele CoD okwa hogololwa koshigwana a ye koshipundi omvula tayi ya, nena Namibia itaka kala nelongo lyatya ngawo we. Omuwiliki gwo CoD ta ti kutya aanona ayehe naya mone elongo oshali,,okuza tuu mOokinde sigo okIiputudhilo yOpombanda yElongo.