Metungo ihali longithwa mwa adhika iilwitho

OOMBISITOLI ndatu noondjembo ne (omishasho) oyi itsuwa metungo limwe lya li tali teywapo li li mepandaanda enene lya Independence Avenue mOvenduka.

Etungo ndika omwa li nale Okampani ya Coin Security, ndjoka ngashiingeyi kayi po we. Oonzo dhomauyelele odha popi kutya Coin Security okwa li a pata etungo ndika momumvo 2006.Okuza mpoka etungo ndyoka olya kala ashike mpoka ihali longithwa uule woomvula ndatu lwaampoka, sigo lya tamekwa nee okumbyonwapo ku mwene gwehala ndika omupe, Retief Sales Promotion.Mokati kiilwitho mbyoka ya adhike metungo ndika, omu na omishaso ne, oombisitoli dhoomilimeta 9,ondjembo yengumi yimwe, iikuti ihayi topa yi li 30,omangumi ge li 25 nomangazine ge li kage na sha gaheyali goomilimeta 9.Metungo ndika omwa adhika wo iiketha yiimaliwa kayi na sha yi li itano. Sergeant Billy Kamusuvise gwOshikondo shOmakonakono mOpolisi mOvenduka, okwa ti sho Coin Security a li a pata ehala ndika, okw a li e na okufala iilwitho kOpolisi ngele ka li e na mpoka te yi pungula.Okwa ti Coin Security ota ka ningilwa oshipotha shokukwata iilwiitho nuuhasha. Iilwitho niiketha mbaika oya li ya adhike mondunda yokupungula iinima ya Coin Security.Francois Retie, ngoka oye mwene gwOkampani ya Retief Sales Promotion, pehala mbaka ota tungu oombelewa oonene dhOkampani ye.Sho nee etungo ekulu lya li tali mbyonomwa po, ekuma lyonduna yokupungula iinima oya li ya teywa nokweeta puuyelee iilwitho niikedtha mbika. Retief okwa li nee a dhengele Opolisi ya Muni meendelelo.