ONKUNDANA ye tu zilila mUuministeli wUukalinawa nOnkalonawa otayi ti kutya mEtitano ndika twa thinda otali ka kala Esiku lyokudhimbulukwa omukithi gwOmalaria mUuyuni.
Uuministeli wUuhaku owa longekidha po iigongi moka tamu ka popiwa oshindji kombinga yomukithi nguka omudhipagi gwa Malaria, unene tuu nkene hagu holoka na nkene gu na okukondjithwa.
Oshiithanene oshinene shEsiku ndika lyOmalari, mEtitano ndika twa thinda, pashilongo ashihe, otashi ka kala pOmona Watjihozu popepi noRuacana mOshikandjohogololo sha Ruacana mOshitopolwa sha Musati, tashi ka popithwa kOministeli yUuhaku nIilonga yOnkalonawa tate Richard Nchabi Kamwi.
Otwa kunda wo kutya oshiithanene shimwe oshinene shEsiku ndika lyokukondjitha Malaria muuyuni, otashi ka kala kOmafo mOshikandjohogololo sha Hangwena mOshitopowla sha Hangwena notashi ka popithwa ku Gavena yOshitopolwa sha Hangwena tate Usko Nghaamwa.
Oshigwana otashi indilwa shi holoke momangathithi omanene kIigongi mbika. osha yela kutya mIitopolwa nIitopolwa namo wo otamu ka kala iigongi yi na sha nEsiku lyokudhimbulukwa Omalaria muuyuni.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
