Meschtilde a tetagulwa nekatana komonamati

O SHININGWANIMA oshikumithi noshitilithi osha ningwa momukunda Ehafo popepi nEheke mOndonga mOshitopolwa sha Shana sho omulumentu omugundjuka gwoomvula 28 a kembadhala a dhipage yina Meschtilde Martin gwoomvula 58 nekatana omolwoodola dhe ethele limwe.

Otaku tiwa kutya omumati nguka gwa meme Meschtilde, okwa kala a siikililitha yina ye Meschtilde iimaliwa ye yOoN$100 mbyoka aniwa okuthile miithindi. Ano a kele iithindi ndele te yi landitha po nokumona mo nee Oodola ethele limwe ndhoka, a pe yina e dhi mu kwatele manga.Ongulohi yOlyomakaya ngaka ga zi ko, okuuka lwopomulongo nambali guusiku lwaampoka, omumati nguka okwa zi hoka a li a kashinga nokuya megumbo.Ta pendula yina Meschtilde moomposi, ano mondjugo ye moka a li a lala a kotha.Te mu pula e mu pe oshimaliwa she shoka shoodola ethele limwe, a li e mu pa e shi mu kwatele.Yina Meschtilde aniwa okwe mu pula kutya ote ke shi longitha shike uusiku.Ashike aniwa omumati gwe nguka okwa tsikile noku shi mu pula, a geya nokuli.Okuza mpoka, omumati ngoka aniwa sho a mono kutya yina nani ota tindile oshimaliwa she okwa kutha ekatana nokutameka te mu hahala nalyo.Te mu hahala momutse, mepunda komaako, montulo nosho tuu, sigo ta guile po.Sho a mono kutya yina a gwila po, okwa kutha aniwa omulilo nokutomeka ondunda ya yina yuupungulo, moka mwa li mwa siikililwa wo oshimaliwa she nonkwawo ya li pooha dhayo mpoka nokufadhuka po.Mboka ya li po, oya matukile kaandja tatekulu Abisai Kanenguni ngoka e ya meendelelo nokukutha po meme Meschtilde nohauto ye, ta endelele noku mu eta meendelelo koshipangelo shEpangelosha Shakati uusiku mboka, omanga yamwe ya matukile kOpolisi noku shi lopota.Aapangi mboka ya adhika miilonga ongulohi ndjoka, otaya ti kutya oya li ya haluka noonkondo mokumona shoka sha ningilwa meme Meschtilde komona.”Meme nguka okwa li a tetagulwa nayi nomakatana nashi e ya mOshipangelo moka omandjandja ge oga li kombanda.Oshinima shi nyanyaleka shili noonkondo,”gumwe gwomaapangi mboka ya yakula meme Meschtilde sho a thiki moshipangelo shEpangelo sha Shakati moka ta ti ngawo.Pethimbo ndika meme Meschtilde oku li mokangulu kaamboka haya ehamenene, haka ithanwa ICU mOshipangelo shEpangelo sha Shakati moka, ta mono epango lye.Omupangi Omukuluntu mOshipangelo shEpangelo sha Shakati Seesitela Lelie Nunes, okwa lombwela The Namibian kutya meme Meschtilde okwa ehamekwa noonkondo, oku li monkalo ya nyaika, ashike otashi vulika a hupe ngaa moshiponga shika.Komanda gwOpolisi mOshitopolwa sha Shana Komufala gwOpevi gwOpolisi Josef Anghuwo, okwa koleka koThe Namibian oshiningwanima shika kutya osha lopotwa ko kOpilisi nOpolisi oyi li tayi shi konaakona.Omupopiliko gwOpolisi mOshitopolwa sha Shana Konstabela Christina Fonsech, okwa ti kutya omumati nguka sho a ningi ngawo okwa fadhuka po na ina kwatwa po natango kOpolisi sigo oompaka, noyi li tayi mu kongo.Osoondaha ya zi ko sho Opolisi ya yi kEhafo hoka yi ke mu konge nokutala sho egumbo lya fikwa po noshowo okukonga uuyelele woshinima sho sheende, oya dhama mominoko miishana nomomandombe gomomudhingoloko gwa Ehafo ngoka guudha omeya pethimbo ndika.”Opolisi oyi na lela uudhigu okupita nawa miishana nomomandombe gomEhafo nogomomudhingoloko gwEhafo, ashike otatu ka kondja ngashi tatu vulu opo omumati ngoka tu mu kwate noku mu eta komeho gOveta a pangulwe,” Konstabela Fonsech ta ti ngawo.Otaku indilwa nee kehe ngoka wu shi omumati nguka mpoka e li wu mu lopote nziya kOpolisi ndjoka yi li popepi nangoye opo a ka kwatwe ko.Ano a kele iithindi ndele te yi landitha po nokumona mo nee Oodola ethele limwe ndhoka, a pe yina e dhi mu kwatele manga.Ongulohi yOlyomakaya ngaka ga zi ko, okuuka lwopomulongo nambali guusiku lwaampoka, omumati nguka okwa zi hoka a li a kashinga nokuya megumbo.Ta pendula yina Meschtilde moomposi, ano mondjugo ye moka a li a lala a kotha.Te mu pula e mu pe oshimaliwa she shoka shoodola ethele limwe, a li e mu pa e shi mu kwatele.Yina Meschtilde aniwa okwe mu pula kutya ote ke shi longitha shike uusiku.Ashike aniwa omumati gwe nguka okwa tsikile noku shi mu pula, a geya nokuli.Okuza mpoka, omumati ngoka aniwa sho a mono kutya yina nani ota tindile oshimaliwa she okwa kutha ekatana nokutameka te mu hahala nalyo.Te mu hahala momutse, mepunda komaako, montulo nosho tuu, sigo ta guile po.Sho a mono kutya yina a gwila po, okwa kutha aniwa omulilo nokutomeka ondunda ya yina yuupungulo, moka mwa li mwa siikililwa wo oshimaliwa she nonkwawo ya li pooha dhayo mpoka nokufadhuka po.Mboka ya li po, oya matukile kaandja tatekulu Abisai Kanenguni ngoka e ya meendelelo nokukutha po meme Meschtilde nohauto ye, ta endelele noku mu eta meendelelo koshipangelo shEpangelosha Shakati uusiku mboka, omanga yamwe ya matukile kOpolisi noku shi lopota.Aapangi mboka ya adhika miilonga ongulohi ndjoka, otaya ti kutya oya li ya haluka noonkondo mokumona shoka sha ningilwa meme Meschtilde komona.”Meme nguka okwa li a tetagulwa nayi nomakatana nashi e ya mOshipangelo moka omandjandja ge oga li kombanda.Oshinima shi nyanyaleka shili noonkondo,”gumwe gwomaapangi mboka ya yakula meme Meschtilde sho a thiki moshipangelo shEpangelo sha Shakati moka ta ti ngawo.Pethimbo ndika meme Meschtilde oku li mokangulu kaamboka haya ehamenene, haka ithanwa ICU mOshipangelo shEpangelo sha Shakati moka, ta mono epango lye.Omupangi Omukuluntu mOshipangelo shEpangelo sha Shakati Seesitela Lelie Nunes, okwa lombwela The Namibian kutya meme Meschtilde okwa ehamekwa noonkondo, oku li monkalo ya nyaika, ashike otashi vulika a hupe ngaa moshiponga shika.Komanda gwOpolisi mOshitopolwa sha Shana Komufala gwOpevi gwOpolisi Josef Anghuwo, okwa koleka koThe Namibian oshiningwanima shika kutya osha lopotwa ko kOpilisi nOpolisi oyi li tayi shi konaakona.Omupopiliko gwOpolisi mOshitopolwa sha Shana Konstabela Christina Fonsech, okwa ti kutya omumati nguka sho a ningi ngawo okwa fadhuka po na ina kwatwa po natango kOpolisi sigo oompaka, noyi li tayi mu kongo.Osoondaha ya zi ko sho Opolisi ya yi kEhafo hoka yi ke mu konge nokutala sho egumbo lya fikwa po noshowo okukonga uuyelele woshinima sho sheende, oya dhama mominoko miishana nomomandombe gomomudhingoloko gwa Ehafo ngoka guudha omeya pethimbo ndika.”Opolisi oyi na lela uudhigu okupita nawa miishana nomomandombe gomEhafo nogomomudhingoloko gwEhafo, ashike otatu ka kondja ngashi tatu vulu opo omumati ngoka tu mu kwate noku mu eta komeho gOveta a pangulwe,” Konstabela Fonsech ta ti ngawo.Otaku indilwa nee kehe ngoka wu shi omumati nguka mpoka e li wu mu lopote nziya kOpolisi ndjoka yi li popepi nangoye opo a ka kwatwe ko.