Meme Uilika a fumvikwa kengathithi lyaalilasa mOshakati

O MULONGISIKOLA omukulukulu mosikola yaanona mOshakati, ndjoka ya tseyika nawa kwali, Osikola ya tate Ngolo, meme Uilika Naukalemo Haikali, ngoka a manene oondjenda dhe moshipangelo shEpangelo sha Shakati konima yuuwehame nomepipi lyoomvula 65 meti 30 Januali 2008, okwa fumvikwa mOshakati okuzilila mOngeleka yawo ya Shakati Elcin mOlyomakaya ga zi ko kengathithi enene lyaalilasa.

Efumviko olya li lya tetekelwa koshituthidhimbuluko she, shoka wo nasho sha ningilwa pOngeleka yawo ya Shakati Elcin kongulohi yEtitano lya zi ko moka mwa li iipopiwa oyindji lela tayi mu popi noku mu tanga. Egalikano lyopetameko esiku ndika lyEtitano, olya ningwa ku meme Martha Nashidengo, ye Omusita S.Nambahu ta taamba aanashituthi shoosa shika ayehe.Aawiliki yOshituthi oya li tate Vilho Tshilongo na Hilma Kalimba, omanga ondjokonona ya nakusa meme Uilika ya etwa po ku Aili Hanyemba.Aapopi yalwe mOshituthidhimbuluko oya li meme S.Kwenani na meme O.Shiikwa, mboka ya popi pehala lyaavalwa.Meme F.Kambonde ta popi pehala lyaakwanezimo omanga tatekulu Nikanor Ngolo, a popi pehala lyaaniilonga pamwe nanakusa meme Uilika nokulombwela aalilasa kutya nakusa meme Uilika okwa li omuniilonga omunambili, omusimaneki gwaayehe, omunandjungu miilonga, omugandjimayele omwaanawa, omwiidhidhimiki, omukwatheli nomupukululi gwaayehe omwaanawa.Ayehe ya popi osho ye mu tanga wo ngawo.Meme S.Samuel okwa popi pehala lyaalongwa yakwawo ya nakusaUilika omanga Uilika Shaningwa a popi pehala lyoombushe.Meme Kaapangelwa okwa popi pehala lyOngundu yoomeme noshowo yEgongalo lya Elcin mOshakati.Omusamane gwa nakusa meme Uilika, ano nakusa tate Haikali, okwa li gwOngeleka ya Anglican mOshakati, nOmusita gwa Anglicana mOshakati tate Eradius Mwaetako, okwa li a popi sha pehala lyEgongalo lyawo lya Anglicana mOshakati.Meme Josephina Nekundi okwa popi pehala lyookuume omanga meme Ngolo, a popi pehala lyaashiinda.Esiku ndjoka lyohungi yoku mu dhimbulukwa, euvitho olya ningwa kOmumbiishofi omukulu gwa Elcin tatekulu Apollos Kaulinge, ngoka a tanga nakusa meme Uilika kutya okwa li omuyakuli omwaananwa gwoshigwana.Omumbiishofi ta indile koshigwana sha Namibia, unene tuu kwaamboka ye li moombelewa ya yakule oshigwana nombili, nesimaneko nonondjungu.Meme Anita Isaks, okwa eta po oshipopiwa shaatekulwa noshowo shOngundu yoSwapo mOshitopolwa sha Shana.Ongulohi ndjoka, Omusita Mwaetako, oye a ningi elaleko nuuyamba.Molyomakaya pegumbo, tate Shali Hainghumbi oye a ningi egalikano nomOngeleka, petameko, Omusita tate Mwaetako oye a ningi egalikano lyetameko lyoshituthifumviko.Aili Hanyemba ta eta po ondjokonona ya nakusa noshipopiwa shaavalwa ku meme ngaa S.Kwenani.Swapo Women Council yomOshana nayo oya eta po oshipopiwa shayo nokutanga nakusa meme Uilika kutya okwa kala omukondjelimanguluko gwoshili nokwa li i idhipagele po shili miinima yekondjekomanguluko.Omusitawiliki gwEgongalo lya Shakati Elcin, tate Nambambi, ngoka ya longela kumwe noonkondo na nakusa meme Uilika mEgongalo, oye a ningi euvitho.Molwashoka nakusa meme Uilika okwa kala gumwe gwomaakuluntu lela yEgongalo lya Shakati Elcin, okwa kala wo ha uvithile Egongalo Ohapu ya Kalunga mOmalongelokalunga gomOosoondaha nosho tuu.Omusita Nambambi sho a uvitha, okwa lesha ashike limwe lyomomauvitho ga nakusa meme Uilika moka a kumagidha oshigwana shi kale kumwe, shi kale nombili nokusimanekathana.Ta ti, shigwana inamu sindwa kuuwinayi, ihe sindeni uuwinayi nuuwanawa.Tashi ti Uuwanawa, nau sinde uuwinayi.Meme Uilika okwa thiga ko oyana yahamano nuutekulu.Oshifo shetu nasho otashi gandja omahekeleko koonakuthigwapo atuheni.Egalikano lyopetameko esiku ndika lyEtitano, olya ningwa ku meme Martha Nashidengo, ye Omusita S.Nambahu ta taamba aanashituthi shoosa shika ayehe.Aawiliki yOshituthi oya li tate Vilho Tshilongo na Hilma Kalimba, omanga ondjokonona ya nakusa meme Uilika ya etwa po ku Aili Hanyemba.Aapopi yalwe mOshituthidhimbuluko oya li meme S.Kwenani na meme O.Shiikwa, mboka ya popi pehala lyaavalwa.Meme F.Kambonde ta popi pehala lyaakwanezimo omanga tatekulu Nikanor Ngolo, a popi pehala lyaaniilonga pamwe nanakusa meme Uilika nokulombwela aalilasa kutya nakusa meme Uilika okwa li omuniilonga omunambili, omusimaneki gwaayehe, omunandjungu miilonga, omugandjimayele omwaanawa, omwiidhidhimiki, omukwatheli nomupukululi gwaayehe omwaanawa.Ayehe ya popi osho ye mu tanga wo ngawo.Meme S.Samuel okwa popi pehala lyaalongwa yakwawo ya nakusaUilika omanga Uilika Shaningwa a popi pehala lyoombushe.Meme Kaapangelwa okwa popi pehala lyOngundu yoomeme noshowo yEgongalo lya Elcin mOshakati.Omusamane gwa nakusa meme Uilika, ano nakusa tate Haikali, okwa li gwOngeleka ya Anglican mOshakati, nOmusita gwa Anglicana mOshakati tate Eradius Mwaetako, okwa li a popi sha pehala lyEgongalo lyawo lya Anglicana mOshakati.Meme Josephina Nekundi okwa popi pehala lyookuume omanga meme Ngolo, a popi pehala lyaashiinda.Esiku ndjoka lyohungi yoku mu dhimbulukwa, euvitho olya ningwa kOmumbiishofi omukulu gwa Elcin tatekulu Apollos Kaulinge, ngoka a tanga nakusa meme Uilika kutya okwa li omuyakuli omwaananwa gwoshigwana.Omumbiishofi ta indile koshigwana sha Namibia, unene tuu kwaamboka ye li moombelewa ya yakule oshigwana nombili, nesimaneko nonondjungu.Meme Anita Isaks, okwa eta po oshipopiwa shaatekulwa noshowo shOngundu yoSwapo mOshitopolwa sha Shana.Ongulohi ndjoka, Omusita Mwaetako, oye a ningi elaleko nuuyamba.Molyomakaya pegumbo, tate Shali Hainghumbi oye a ningi egalikano nomOngeleka, petameko, Omusita tate Mwaetako oye a ningi egalikano lyetameko lyoshituthifumviko.Aili Hanyemba ta eta po ondjokonona ya nakusa noshipopiwa shaavalwa ku meme ngaa S.Kwenani.Swapo Women Council yomOshana nayo oya eta po oshipopiwa shayo nokutanga nakusa meme Uilika kutya okwa kala omukondjelimanguluko gwoshili nokwa li i idhipagele po shili miinima yekondjekomanguluko.Omusitawiliki gwEgongalo lya Shakati Elcin, tate Nambambi, ngoka ya longela kumwe noonkondo na nakusa meme Uilika mEgongalo, oye a ningi euvitho.Molwashoka nakusa meme Uilika okwa kala gumwe gwomaakuluntu lela yEgongalo lya Shakati Elcin, okwa kala wo ha uvithile Egongalo Ohapu ya Kalunga mOmalongelokalunga gomOosoondaha nosho tuu.Omusita Nambambi sho a uvitha, okwa lesha ashike limwe lyomomauvitho ga nakusa meme Uilika moka a kumagidha oshigwana shi kale kumwe, shi kale nombili nokusimanekathana.Ta ti, shigwana inamu sindwa kuuwinayi, ihe sindeni uuwinayi nuuwanawa.Tashi ti Uuwanawa, nau sinde uuwinayi.Meme Uilika okwa thiga ko oyana yahamano nuutekulu.Oshifo shetu nasho otashi gandja omahekeleko koonakuthigwapo atuheni.