Meme Monika a vala elongo (yatatu) moShakati

OMUKIINTU gwoomvula omilongondatu gwopOkaandje popepi nOngwediva moShana, gwedhina Monika Mutumbulwa, okwa pandula Kalunga ke sho e mu pe aanona yatatu pethimbo limwe, meti 18 Auguste 2009 mOshipangelo sha Shakati.

Meme Monika, okwa lombwele The Namibian, kutya okwa pewa omagano ku Kalunga ke gokumona aluhe uunona wu vulithe kamwe. Ta ti momumvo 1997 okwa monene aakwana, aamati ayehe nomomumvo 2000 ta mono ishewe aakwana, aakadhona ayehe. Nuumvo 2009, Kalunga ke okwe mu pe omagano gelongo, ano gaanona yatatu oshita, aamati yaali nomukadhona. Meme Monika, ngoka ina hokanwa natango omukwanegongalo lyUupumako (ELCIN) oku li omuwapaleki mOshipangelo sha Shakati. Ota ti aakwana ye yopaali, oye na he i ili omanga elongo li na wo he i ili, omusamane Neema Tremus. Molwashoka ina hokanwa natango, meme Monika ota ti okwa pumbwa omayambidhidho gokukokeka aanona ye mbaka yaheyali.Meme Monika ngoka opo a lalekwa mo mOshipangelo ohela, ta lombwele The Namibian, kutya okwa mona elongo lye meti 18 Auguste 2009 moShakati moka a kala sigo ometi 8 Septemba 2009, molwashoka okanona kokakadhona, oka valwa inaa ka kola noka li ke na okukala mokaketha komakende kokukwathela uunona, mboka wa valwa uupelema.’Onkee ondi wete kutya sho tandi yi ngeyi kegumbo, otandi ka pumbwa omahini niikulya.Okwiindile kaasihenda ye mu dhimbulukwe mekokeko nomeputudho lyuunona we mbuka, molwashoka ootate yawo kaya longa, ano kaye na iiyemo yasha yokukwathela nayo uunona wawo mbuka.Seesitela Martha Nashidengo, ngoka e li kuume ka meme Monika, ota ti kutya otaya pandula Kalunga sho a pa meme Monika, kuume ke, omagano ge thike mpoka ta ti Monika okwa pumbwa lela omakwatho ge na sha nokupalutha aanona ye mbaka, oshoka ke na iiyemo ya gwana okupalutha omagano ge agehe ngoka.Ongodhi ya meme Monika Mutumbulwa oyo 0813426051.Oshipangelo shEpangelo sha Shakati omathimbo ga zi ko osha monitha oomeme uunona oundji wa valwa omalongo nenge uukwana, omanga pashikando shimwe sha li sha monitha meme gumwe elongo li li kumwe.