OMUKALIMO gwomOshakati a tseyika nawa meme Kaarina Kambonde okwa manene oondjenda dhe mOshipangelo sha Venduka ongula onene yOsoondaha ndjika ya zi nko yeti: 4 Januali 2009 konima yuuwehame nomepipi lyomimvo 48 lwaampoka.
Nakusa meme Kambonde, omukulukadhi gwa li gwa tate Thomas Kambonde, okwa li omuniilonga moNamPost, ano moTelecoma mOshakati, konima sho a li wo Omuniilonga mOsenda yOotelefona kOombelewa dha Ndangwa nokwa li wo omuniilonga mOfaabulika yOnyama mOshakati noshowo mOshiyogelo shiikutu mOshakati.
Sho nee a mana oondjenda dhe ngeyi okwa adhika ta longele mOtelecom mOshakati moka a kala lela ethimbo ele nokwa kala mo omuyakuli gwoshigwana omunambili nomunandjungu.
Nakusa meme Kaarina, ngoka e li omumwayinakadhona gwa tate Isack Elishi, okwa thiga ko omusamane gwe tate Thomas Kambonde, aanona yawo ye li yane, omumati naakadhona yatatu, uutekulu uhamano, meme gwe Victoria Temapo Iipumbu (Gwandilimani) naamwayina yaali, ano tate Isack Elishi na meme Hilma Gotlieb. Omalongekidho gefumviko oge li metifa nOshifo shetu otashi gandja omahekeleko koonakuthigwapo atuheni.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
