Meme gwoomvula 26 a fumvika okahanona ke nomwenyo

ONKUNDANA ye tu zilila momukunda Omatwadiva mOukwanyama mOshitopolwa sha Hangwena, twa yi nayo mefudho lyOkrisimesa pehulilo lyomvula ya zi ko, otayi ti kutya meme omugundjuka gwoomvula 26 gwomomukunda ngoka Omatwadiva, okwa mono okanona ke kokakadhona meholamo ndele te ka fumvike kokaiyogelo megumbo lyawo moka.

Ehokololo twe li pelwe kOmupopiliko gwOpolisi mOshitopolwa sha Hangwena Shisaande Abner Kaume Iitumba otali ti kutya meme omugunjuka nguka okwa kala a dhimbululwa kutya oku na etegelelo noyaandjawo oya kala ashike ya tegelela a pulumuthe.
Momasiku 20 ga Desemba 2008, lwopomulongo gwongula lwaampoka,meme nguka okwa tameke ta thetwa nashi a mono kutya oku li pokumona okanona,okwa kutha aniwa okahupulo nokuya kokaiyogelo megumbo lyawo moka.
Yina okwemu dhimbulula a thinda kokaiyogelo nokahupulo, ashike aniwa ka li gaa tafekele sha sha nika oshiponga ngeno.
Nokwa tsikile niinakugwanithwa ye yilweyi ili. Konima meme gwomukadhona nguka okwa ka ya mondinda yomwana ngukanokwa dhidhilike mu iikutu yomukadhona yi na oombinzi. Ta yi komukadhonangwe nguka nokwe mu adha ke na we ela. Meme okwa dhimbulula kutya opwalongwa uulingilingi mpaka. Ta yi kokaiyogelo hoka e mu monene tayinokahupulo nokwa adhaka ko ku na okalambo ka filwa nawa. Omukadhona ta pulwanokwa zimine shoka a ninga po.
Okwa ithanwa Opolisi ndjoka ye ya meendelelonokufumvula mo okahanona hoka, ka adhika natango ke na omwenyo. Opolisi tayikwatapo yina yokahanona haka noya endelele ngeno yi fale okahanona hakakoshipangeloo sha Kongo, ashike o0ka hulithile mondjila manga inaya thikakoshipangelo. Yi na ya ko okwa li a ningilwa oshipotha shedhipago neholekolyepulumutho. Okwa holokele mOmpangu ya Mangestrata pEenhana meti 23 Desemba2008 noshipotha shoka, shoka sha undulilwa komeho omolu omakonaakonogOpolisi.