Meekulu Martha yaKalangula a fumvikwa kengathithi pOndangwa

O MUKULUKADHI gwOmumbiishofi gwOngeleka ya Englanda moNamibia Peter Kalangula, meme Martha Kalangula, ngoka a manene oondjenda dhe mOshipangelo sha Vinduka meti 7 Desemba 2005 konima yuuwehame, okwa fumvikwa kengathithi enene lyaalilasa mOmawendo gongeleki ya Anglicana pOndangwa meti 11 Desemba 2005.

Efumviko lye ndjoka lya li lya kalwa komusamane gwe Omumbiishofi Peter Kalangula nosho wo koyana, nokaatekulu, olya li wo lya kalwa kaakwanezimo nokookuume oyendji lela mwa kwatelwa na Meya gwOndoolopa ya Ndangwa meme Kauna Nashandi nokOokaansola dhe dhimwe dhOndoolopa ya Ndangwa. Omumbiishofi Omukulu gwOngeleka ya Elcin Omundohotola Kleopas Dumeni naye okwa li gumwe gwomaanashituthi shefumviko lya meme Matha Kalangula, omanga Omumbiishofi omukulu gwaElcin gwOshikandjongeleki shUuzilo tatekulu Apollos Kaulinge oye a ningi euvitho mOshituthi shika shefumviko lya meme Martha.Ta tumbula kutya nakusa meme Martha okwa li gumwe gwomaalongisikola mboka ya gandja iiholelwa yi shi kulandulwa.A li omunambili, omugandjimayele omwaanawa, omuputudhi gwoshili, omutekuli gwaayehe, omwiidhidhimiki nomuholi gwelandulathano.Omusita gwOngeleki ya Englanda moNamibia tate Denis Nandi, ta yambidhidhwa kAasita yalwe yOngeleki ndjika oye a ningi Elongelofumviko.Omanga Omusita gwokOseminali yAalongwasita yOngeleki ndjika Rev Hugh Prentice, ngoka a li a ende pamwe na meme Nancy Robson, a eta po Omatumwalakapopitho goluhodhi ngoka ga zi kAawiliki yi ili noyi ili yOngeleka ndjika ya Engelanda moSouth Afrika, ano ndjoka yOmumbiishofi Kalangula moka nakusa meme Martha a kala wo oshilyo.Omatumwalaka ngaka oga zile meni nopondje yoshilongo.Monkalamwenyo ye nakusa meme Martha Kalangula okwa kala Omulongisikola paendondo dhi ili nodhi ili nokwa li wo Omukuluntusikola pOsikola ya Lukola pOndangwa mpoka uule wethimbo ele.Okwa thiga ko nee omusamane gwe Omumbiishofi Peter Kalangula, oyana aatekulu oyendji nuutekulululwa.Omumbiishofi Omukulu gwOngeleka ya Elcin Omundohotola Kleopas Dumeni naye okwa li gumwe gwomaanashituthi shefumviko lya meme Matha Kalangula, omanga Omumbiishofi omukulu gwaElcin gwOshikandjongeleki shUuzilo tatekulu Apollos Kaulinge oye a ningi euvitho mOshituthi shika shefumviko lya meme Martha.Ta tumbula kutya nakusa meme Martha okwa li gumwe gwomaalongisikola mboka ya gandja iiholelwa yi shi kulandulwa.A li omunambili, omugandjimayele omwaanawa, omuputudhi gwoshili, omutekuli gwaayehe, omwiidhidhimiki nomuholi gwelandulathano.Omusita gwOngeleki ya Englanda moNamibia tate Denis Nandi, ta yambidhidhwa kAasita yalwe yOngeleki ndjika oye a ningi Elongelofumviko.Omanga Omusita gwokOseminali yAalongwasita yOngeleki ndjika Rev Hugh Prentice, ngoka a li a ende pamwe na meme Nancy Robson, a eta po Omatumwalakapopitho goluhodhi ngoka ga zi kAawiliki yi ili noyi ili yOngeleka ndjika ya Engelanda moSouth Afrika, ano ndjoka yOmumbiishofi Kalangula moka nakusa meme Martha a kala wo oshilyo.Omatumwalaka ngaka oga zile meni nopondje yoshilongo.Monkalamwenyo ye nakusa meme Martha Kalangula okwa kala Omulongisikola paendondo dhi ili nodhi ili nokwa li wo Omukuluntusikola pOsikola ya Lukola pOndangwa mpoka uule wethimbo ele.Okwa thiga ko nee omusamane gwe Omumbiishofi Peter Kalangula, oyana aatekulu oyendji nuutekulululwa.