OMUKALIMO a tseyika nawa gwomOmbaye mOshitopolwa sha Rongo nomOngenga mOshitopolwa sha Hangwena, meekulu Kaupuwa Ndjadila okwa manene oondjenda dhe mOshipangelo sha Kahandja mOlyomakaya ga zi ko konima yuuwehame nomepepi lyoomvula odhindji.
Nakusa meekulu Ndjadila, ngoka ethimbo olindji lyonkalamwenyo ye e li kala unene mOmbaye, na oye yina yaamati mbaka, Laban Ndjadila, Boy-Boy Ndjadila, Dan Ndjadila nayakwawo yalwe, okwa thiga ko omusamane gwe tatekulu Josua Ndjadila, oyana naatekulu oyendji.
Ota fumvikwa mOlyomakaya ngaka twa thinda mOmbaye okuzilila mOngeleka yawo ya Hosiana mOmbaye moKuisebmond omanga Oshituthidhimbuluko she tashi kala ko mEtitano lyoshiwike shika mOngeleka yawo ya Hosiana moKwisebmond mOmbaye tuu moka, tashi tameke pohamano yokomatango. Nakusa meekulu Ndjadila okwa li gwaantu ayehe noyendji, unene tuu mboka yomOmbaye moka, otaye mu pongola noonkondo.
Oshifo shetu otashi gandja omahekeleko koonakuthigwapo atuheni.Otatu gandja wo ombili onene kOfamili,unene komusamane gwa nakusa meekulu Kaupuwa, ano ku tatekulu Josua Ndjadila, oluvalo naatekulu, ookuume nosho tuu, sho twa li twa uva ko pambambo notwa shangele mOshifo shohela, tatu ti; ‘Tatekulu Kaupuwa Ndjadila’, omanga nani twa li tu na okushanga; ‘Meekulu Kaupuwa Ndjadila’.
Twa shanga wo twa ti; ‘He yaamati mboka’, omanga twa li tu na okushanga mo; ‘Yina yaamati mbaka’.
Ombili unene inatu shi ningila owina. Onkundana ashike twa li twe yi kutha ko paendelelo. Ombili unenenene notatu pandula unene sho tamu tu dhiminepo.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
