Meatco a tidha aaniilonga ye li 21 sha etwa kekana

M EATCO okwa tidha aaniilonga ye li omilongo mbali nagumwe (23) sho ya kutha ombinga mekanka ndyoka loya ningilwe mokampani ndoka mu Apilili nuumvo.

Menindjela gwoshikondo oshigandjimulombo mu Meatco Uschi Ramakhutla ta lombwele ngaaka The Namibian kutya iihokolola yokakomitiye yomazulo mbyoka ya ningwa mEtiyali lya zi ko oya mono ondjo aaniilonga ye li 11 sho ya kutha ombinga mekanka, noya ningi epopilo kutya naya tidhwe miilonga. “Omalondodho gopambapila ngoka nya li ya pewa omanga ekenka ndyoka ina li ningwa odha ulike uumbangi wokwaaiyutha miilonga,” Ramakhutla ta popi ngaaka.Aaniilonga yalwe ye li 10 oya monika ondjo pethimbo lyomutumba gwiihokolola mbyoka ya li tayi wilikwa kOmunashipundi Sisa Namandje sho ya kutha ombinga mekanka lyaa li paveta, ashike inaya monka ondjo metameneko lyokuninga omatilitho.Ramakhutla ta ti aaniilonga mboka omulongo nayo oya tidhwa miilonga nando nee Namandja okwa ninga epopilo kutya naya pewe elondodho lyopambapila tali kala miilonga oomwedhi 12 nosho okupewa ya fute ombuta yoondola/N$15 omwedhi kehe muule woomwedhi 12 tadhi landula.”Meatco okuwete kutya aaniilonga mboka oya kaula onyanga – shoka ya gwana okuya tidhitha miilonga,” ta popi ngaaka.Aaniilonga yalwe yatatu inaya monika ondjo mekanka ndika oya pitikwa ya shune miilonga pOkatomeno ka Meatco mOvenduka.Mboka oye li mongundu yaaniilonga ye li 149 mboka taya tamanekelwa okukutha ombinga mekanka lyaa li paveta ndyoka lya li lya ningwa momasiku 19 Apilili pOkatomeno ka Meatco mOvenduka.Aaniilonga aakwawo yatano otaya holoka komeho kokomitiye ndjika nena moshipotha sha faathana.Ongundu ndjika oya kwatela mo aaniilonga mboka inaya holoka nando onale komeho gokomitiye ndjika.Ramakhutla ta ti ngashiingeyi okatomeno ka Meatco ota ka longo ngaashi shito, noka tota po nokuli osikofa yokutoma iinamwenyo mOlyomakaya opo ka tsakanithe po iilonga mbyoka ya kala konima sha etithwa kekenka.Aaniilonga mboka ye li 149 otaya tamanekelwa okukutha ombinga mekanka lyaa li paveta omwedhi ngoka.Ekanka ndika olya li lya ningwa konima owala yesiku limwe sho aaniilonga yaali ya li ya kwatathana komalutu pethimbo lyoontamanana miilonga – oshinima sha ningitha Meatco a kuth egumwe gwomaaniilonga mboka miilonga sigo taka holoka komeho gokomitiye yomazulo.Oshinima shika osha landulwa nee kekanka ndyoka aniwa lya ningwa nelalakano lyokuulika uukwawo wanankali sho omuniilonga omukwawo a kuthwa miilonga.Ekanka ndyoka olya kaleke iilonga pOkatomeno ka Meatco mOvenduka – oshinima shoka Meatco a li a popi kutya oshemu kanithitha oshimaliwa shoondola/N$900 000 muule womasiku gaali gekanka ndyoka, pahokololo lya Ramakhutla.Okatomeno ka Meatco ota ka vulu okudhipaga oongombe dhi li 430 noonzi dhi li 1 400 mesiku.Aaniilonga miikondo yilwe ya Meatco oya li ya falwa ya ka longele kOkatomeno, ano ya ka longe pomahala gaamboka ya kuthwa miilonga pakathimbo opo iilonga yi ye komeho.”Omalondodho gopambapila ngoka nya li ya pewa omanga ekenka ndyoka ina li ningwa odha ulike uumbangi wokwaaiyutha miilonga,” Ramakhutla ta popi ngaaka.Aaniilonga yalwe ye li 10 oya monika ondjo pethimbo lyomutumba gwiihokolola mbyoka ya li tayi wilikwa kOmunashipundi Sisa Namandje sho ya kutha ombinga mekanka lyaa li paveta, ashike inaya monka ondjo metameneko lyokuninga omatilitho.Ramakhutla ta ti aaniilonga mboka omulongo nayo oya tidhwa miilonga nando nee Namandja okwa ninga epopilo kutya naya pewe elondodho lyopambapila tali kala miilonga oomwedhi 12 nosho okupewa ya fute ombuta yoondola/N$15 omwedhi kehe muule woomwedhi 12 tadhi landula.”Meatco okuwete kutya aaniilonga mboka oya kaula onyanga – shoka ya gwana okuya tidhitha miilonga,” ta popi ngaaka.Aaniilonga yalwe yatatu inaya monika ondjo mekanka ndika oya pitikwa ya shune miilonga pOkatomeno ka Meatco mOvenduka.Mboka oye li mongundu yaaniilonga ye li 149 mboka taya tamanekelwa okukutha ombinga mekanka lyaa li paveta ndyoka lya li lya ningwa momasiku 19 Apilili pOkatomeno ka Meatco mOvenduka.Aaniilonga aakwawo yatano otaya holoka komeho kokomitiye ndjika nena moshipotha sha faathana.Ongundu ndjika oya kwatela mo aaniilonga mboka inaya holoka nando onale komeho gokomitiye ndjika.Ramakhutla ta ti ngashiingeyi okatomeno ka Meatco ota ka longo ngaashi shito, noka tota po nokuli osikofa yokutoma iinamwenyo mOlyomakaya opo ka tsakanithe po iilonga mbyoka ya kala konima sha etithwa kekenka.Aaniilonga mboka ye li 149 otaya tamanekelwa okukutha ombinga mekanka lyaa li paveta omwedhi ngoka. Ekanka ndika olya li lya ningwa konima owala yesiku limwe sho aaniilonga yaali ya li ya kwatathana komalutu pethimbo lyoontamanana miilonga – oshinima sha ningitha Meatco a kuth egumwe gwomaaniilonga mboka miilonga sigo taka holoka komeho gokomitiye yomazulo.Oshinima shika osha landulwa nee kekanka ndyoka aniwa lya ningwa nelalakano lyokuulika uukwawo wanankali sho omuniilonga omukwawo a kuthwa miilonga.Ekanka ndyoka olya kaleke iilonga pOkatomeno ka Meatco mOvenduka – oshinima shoka Meatco a li a popi kutya oshemu kanithitha oshimaliwa shoondola/N$900 000 muule womasiku gaali gekanka ndyoka, pahokololo lya Ramakhutla.Okatomeno ka Meatco ota ka vulu okudhipaga oongombe dhi li 430 noonzi dhi li 1 400 mesiku.Aaniilonga miikondo yilwe ya Meatco oya li ya falwa ya ka longele kOkatomeno, ano ya ka longe pomahala gaamboka ya kuthwa miilonga pakathimbo opo iilonga yi ye komeho.