EYALULO lyedhina Millennium Challenge Account[MCA] Namibia omathimbo ga ziko olya shaina euvathano nomahangano gaheyali gokunyanyangidha omambo. Euvathano ndika olina ongushu yoodola oomiliona 534,9. Pauvathano ndika omahangano ngaka otaga ka gandja omambo giilongwa, Mathematics, Science noEnglish moondondo 5 sigo 12 oshilongo ashihe.Omukuluntupitithi gwa MCA Namibia, Penny Akwenye okwa popi momushangwa a ti, Edumeds,Longman, MacMillan, Namibia College of Open Learning, Pollination Publishers, Karen D’Emilijo na Zebra otaya ka gandja omambo koosikola 951 dhepangelo noosikola ooshona dhowala dhopaumwene ndhoka nadho dhili moluhepo miitopolwa ayihe 13 yoshilongo.
Oshitopolwa shokugandja omambo miilonga yo MCA Namibia oshina oshinakugwanithwa shoku gandja omambo giilongwa mbika itatu.MCA Namibia okuza mu Septemba 2009 okwa kwathele Uuministeli Welongo mokugongela uuyelele wuna sha nokulanda omambo giilongwa ga pumbiwa kosikola kehe.Pahapu dhAkwenye MCA Namibia ota landa omambo ngaka moonkatu dhi ili no dhi ili ngoka taga ka gandjwa pokati komwedhi May na Juni nuumvo.MC ehangano lyepangelo lya USA ndyoka lya pe Namibia iimaliwa oobiliona 2,3 uule woomvula ntano, okwoopaleka elongo, okunkondopeka uunafaalama wokomikunda noku humitha komeho ekoko muupashioni moNamibia.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
