Pailonga nopamapopyo, pelesidente Nangolo Mbumba okwa kala ta pewa oushima kutya ina ufanwa kutya oye omutwe woshilongo.
Peemhito dihapu, Mbumba okwe shi yeleka kutya yee ota mane ko ashike oshikako shanakufya pelesidente Hage Geingob, oo a xulifa eemwedi hamano da pita momafiku 04 Febuluali.
Omapopyo aye okwa fa a hala kutya ovahoololi inava kala va teelela a ninge shihapu shi dulife okuwapaleka oilonga oyo ya shaala poshitaafula shaGeingob eshi a xulifa ku na odula koshikako shaye sheedula nhano.
Ashike nee, omapopyo oo okwa fa ashike omukongi wosheendifo oo ehe na nghee e na okuninga ashike oku na ashike okulefa a ka fike oko a yuka nande ke na eshi ta ningi po.
Oule weemwedi nhee dopetameko, Mbumba okwa kala efimbo lihapu teendeenda, vati ota lombwele ovaleli vokondje yoshilongo novaleli vopamufyuululwakalo kutya oye lyelye.
MuMei, okwa longifa oshoongalele shoushosho nedu koKenya opo a ka holoke lwotete komitwe domapangelo koAfrican Union.
Mbela omalweendo noimaliwa yao kakwa li ya wana, Mbumba exuliloshivike loshivike shinya sha dile ko okwa twikila nokuulika kutya oku na unene ohokwe moivilo oyo tai ungaunga nonghalo idjuu oyo Namibia a taalela.
Ombelewa yapelesidente oya longifa edalo laGeingob momafiku 03 Auguste okwoongela oinima aishe oyo kwa li inai ningwa eshi Mbumba kwa li aanifwa a ye mombelewa ongomupelesidente waNamibia momafiku 04 Febuluali.
Pelesidente mukulu Hifikepunye Pohamba okwa li a ifanwa opo a yandje oshinima osho hashi djalwa kupelesidente. Oshinima osho osho edidiliko lepangelo lopombada neenghono doshilongo.
Oshinima osho tashi monika sha fa omukalo wokwiitanga nosho yo okuyandja efimano kovandjeko vongudu tai pangele, Mbumba okwa lukulula ondjila yedina Hosea Kutako International Airport, ya ninga Dr Hage Geingob.
Kutako, ongomuwiliki wOvaherero, okwa li a pewa efimano eshi a kwatela komesho omukanda oo kwa li wa nyolelwa koiwana ya hangana opo Namibia a mone emanguluko.
Mbumba ota monika a fa a ngwangwana kombinga yomhito youpedu pelesidente nomumbwe yokwiiyelaka. Ekotamhangao laNamibia ola yela.
Omupelesidente woshilongo oha hoololwa. Ovatotiveta nava endelele va wapaleke engwangwano eli opo monakwiiwa puha kale omunhu e li pondodo oyo ya fimana a itavela kutya yee omunhu ashike a tava tele.
OILONGA YAMEATCO OYOOKAUME
Etokolo loKabinete okufininika ewilikongudu loMeatco li twikile naMwilima Mushokabanji ongomukulunhuwiliki kashi shi ashike oshinima tashi eta omakulukuto, okulongifa yoo omawi ovahoololi ovo va hala elelo liwa papuko.
Ewilikongudu laMeatco ola tokola opo li ha ningulule oshikakoilonga shaMushokobanji sheedula nhano ngee sha kwishi muJanuali 2025.
Mushokobanji okwa kala nokukwatela komesho omakanifa ahapu moMeatco, oo a eta nokuli opo va pewe oshimaliwa shovafuti voishoshela yepangelo opo ehangano liha pate. Omudo wa dja ko, epangelo ola kulila mo Meatco noshimaliwa shi fike peemiliyona N$250 opo a twikile okulonga. Neudo, ehangano ola didilika kutya ola kanifa oshimaliwa shi fike peemiliyona N$118 moshimaliwa shomudo 2022/23.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
