Mbuende na kuthwe iilonga yuuambassador

Amushanga gwewawa lyaagundjuka yoSwapo okwa indile opo omukuluntu gwombelewa yaa kalelipo ya Namibia kIigwana yaHangana moNew York omundohotola Kaire Mbuende a kuthwe miilonga mbala.

Elijah Ngurare okwa ti Mbuende na ithanweko kiilonga ye eta kuthwa oshinakugwanithwa she , opo a mone ompito ye yopakotampango a kuthe ombinga mopolotika amanguluka, na kee shi omwiindjitiki.[omunandjito].Okwa ti Mbuende ina pewa iilonga yuudiplomate a ka le omutalelipo, ndele okwa tegelelwa a longe, okwa ti iilonga ye ine yigwanitha po.Ngurare okwa popi ndhika poshigongi shuukumwe nehangano lyaaniilonga lya Namibia NUNW. Omahangano ngaka gaali ota ga indile kutya mu Maalitsa omumvo tagu ya, aagandjimayele yomuperesidende oye na okukala, aaleli yatatu mboka ya landula omuperesidende gwongundu..Oya indile ishewe kutya ombelewa yoKabinete na yi kuthwe iinakugwanithwa yayo yokuninga omilandu eta yi kala ashike yina oshinakugwanithwa shewiliko lyesiku nesiku opuwo. Oya hala ishewe kutya oohamushanga taya kalele, ooambassador, aawiliki yomahangano gepangelo noshowo iilyo yomawiliko ngundu gomahangano ngaka naya ithanweko kiilonga no naya kale haya konakonwa nawa.Ngurare okwa ti iilonga yaamboka ya piti ekonakono nayi kale tayi konenenwa ethimbo alihe. Okwa indile omutseyimpango ndjai gwepangelo a konakone kutya iilanduli yopampango ya shike yi li po ngele omathaneko ngaka oga tulwa miilonga na ,ye na gandje omayele ge li mondjila.Ngele opena ompango ta yi keelele omathaneko ngaka nena ndjika oya pumbwa okulundululwa, oshoka’ita tu vulu oku kalithwa monima koompango tatu vulu oku dhi lundulula.’ Osho Ngurare a popi nomuthindo.Ngurare okwa simonona eitulemo lyaanambelewa aanene yepangelo na okwa ti yamwe yomuyo ota ya tindi oku tula epandela lyoSwapo, kiiyenditho yawo yopaumwene, shika ota ye shiningi ta ya holama konima yompango yaaniilonga yepangelo.