Mboweni a kaleke iihohela othika

OMBAANGA onene ya South Africa( SouthAfrican Reserve Bank) oya ka leke iihohela ina yi lunduluka pooperesenda heyali.Pethimbo lyoshigongi shokomittee yomulandu gwiimaliwa metiyali omuwiliki gwombaanga ndjoka omusamane, Tito Mboweni okwa tseyitha kutya iihohela yoombaanga ndjoka ita yi gumwa manga okuya pevi nenge pombanda.

Shika osha ningwa shaashi pu wetike kutya omahupilo goshilongo shoka oga fa ta ga opala nonando engushuluko olili kombanda yooperesenda yondondo ndjoka ombaanga ya odheka.Etseyitho olya landula sho kwa ulikwa kutya engushuluko ngashingey olya thikama pooperesenda 6,4 muAuguste na oli li natango pombanda yondondo yooperesenda dhi li pokati kandatu pevi na hamano pombanda ndhoka odho dhili elalakano lyombaanga ndjo.Mboweni okwa lombwele oshigongi shoonkundana kutya okomittee yimaliwa oya tala kutya engushuluko ota li ende kashona nokushuna lwanima.Na engushuluko olya talika lyuuka pevi no sha tegelelwa li ka shune moongamba dhalyo dhopokati kooperesenda ndatu pevi sigo ooperesenda hamano pombanda pathaneko lyombaanga.Aatseyimahupilo 25 ya pulwa ku Reuters oshiwike sha yi oya tengenekele kutya iihohela ita yi kiinyenga omolwa oshimpwiyu kombinga yengushuluko, omanga yamwe po oya li taya ti ngele ota shi ningwa nena otadhi tetwa ashike nooperesenda ,50 sigo opooperesenda 6.5.Mboweni okwa ti engushuluko olya tegelelwa li ka shune moongamba dha lyo moshitine oshitiyali sho 2010.Ombaanga ndjika oya shunitha pevi iihohela yawo niitsa itano oku za mu Desemba 2008 oku kwathela omahupilo ngoka taga nana nondatu omolwa ehuhwo lyomahupilo lyaandjagana moshilongo lyotango konima yoomvula 17.