Mboka ya ndopa oGrade 10 otaya ka endulula

E PANGELO oli ikalekele oshimaliwa shOondola oomiliyuna omathele gatatu nomilongo ne (N$340 million) shokukwathela aalongwa mboka ya ndopa oGrade 10 omumvo gwa zi ko, ya endulule ondondo ndjika nuumvo.

Shika osha li sha tseyithwa kOminista yElongo Nangolo Mbumba mOmutumba gwOpashigwana mEtine lya zi ko. “Epangelo otali ka gandja Oondola oomiliyuna omathele gatatu nomilongo ne okutula miilonga shoka shi na okuningilwa aanona yoGrade 10 ya vule okweendulula,” Mbumba osho a popi ngaaka.Okwa ti aalongwa ayehe mboka yoGrade 10 mboka ina ya mona iitsa yoku ya taambitha moGrade 11 nuumvo, ayehe oya pewa ompito okweendulula miipundi, sha hanga kutya okwa monika omahala mOosikola, iikwaipundi nomambo niinima yilwe.Aalongwa mboka taya ka mona omahala otaya ka shanga iilongwa ayihe mbyoka yu uthwa na otaya ka shanga omakonakono giilongwa omugoyi pehulilo lyomumvo ngashi naanaa aalongwa ooyakwawo yalwe mondondo ndjika.Shika otashi ti nee kutya iizemo yawo yomakonakono gonuumvo oyo awike tayi ka talwa oku ka taambwa moGrade 11 omumvo tagu ya.Mbumba okwa lombwele The Namibian kutya oshimaliwa shika osha zi mEmbo lyoshimaliwa shomulekekeno gwEpangelo lyomumvo 2008/2009.”Oombelewa dhetu oonene odhi li mekwatathano noombelewa dhopaitopolwa na otu na einekelo kutya aalongwa mboka ya mona omahala, otaya ka kala ye li mookalasa mOmaandaha (nena).Otwa tegelela pu ka kale omaupyakadhi moshitopolwa sha Khomas na Oshana, ihe otau ka kandulwapo,” Mbumba ta popi.Aalongwa ye li 16 630 lwaampoka oya li ya ndopa oGrade 10 omumvo gwa zi ko.Momwaalu gwaalongwa ye li 31 961 mboka ya shanga oGrade 10 omumvo gwa zi ko, aalongwa ashike ye li 15 350 oyo ya li ya mono iitsa ya gwana okuya fala kOndondo onti 11.Nande ongaaka, okwa tegelelwa natango okutala kutya aalongwa ya ngapi taya ka mona ompito yokweendulula Ograde 10, molwashoka Oosikola odhindji odhi na omukundu gwompumbwe yookalasa nogwaalongi inaya gwana.”Epangelo otali ka gandja Oondola oomiliyuna omathele gatatu nomilongo ne okutula miilonga shoka shi na okuningilwa aanona yoGrade 10 ya vule okweendulula,” Mbumba osho a popi ngaaka.Okwa ti aalongwa ayehe mboka yoGrade 10 mboka ina ya mona iitsa yoku ya taambitha moGrade 11 nuumvo, ayehe oya pewa ompito okweendulula miipundi, sha hanga kutya okwa monika omahala mOosikola, iikwaipundi nomambo niinima yilwe.Aalongwa mboka taya ka mona omahala otaya ka shanga iilongwa ayihe mbyoka yu uthwa na otaya ka shanga omakonakono giilongwa omugoyi pehulilo lyomumvo ngashi naanaa aalongwa ooyakwawo yalwe mondondo ndjika.Shika otashi ti nee kutya iizemo yawo yomakonakono gonuumvo oyo awike tayi ka talwa oku ka taambwa moGrade 11 omumvo tagu ya.Mbumba okwa lombwele The Namibian kutya oshimaliwa shika osha zi mEmbo lyoshimaliwa shomulekekeno gwEpangelo lyomumvo 2008/2009.”Oombelewa dhetu oonene odhi li mekwatathano noombelewa dhopaitopolwa na otu na einekelo kutya aalongwa mboka ya mona omahala, otaya ka kala ye li mookalasa mOmaandaha (nena).Otwa tegelela pu ka kale omaupyakadhi moshitopolwa sha Khomas na Oshana, ihe otau ka kandulwapo,” Mbumba ta popi.Aalongwa ye li 16 630 lwaampoka oya li ya ndopa oGrade 10 omumvo gwa zi ko.Momwaalu gwaalongwa ye li 31 961 mboka ya shanga oGrade 10 omumvo gwa zi ko, aalongwa ashike ye li 15 350 oyo ya li ya mono iitsa ya gwana okuya fala kOndondo onti 11.Nande ongaaka, okwa tegelelwa natango okutala kutya aalongwa ya ngapi taya ka mona ompito yokweendulula Ograde 10, molwashoka Oosikola odhindji odhi na omukundu gwompumbwe yookalasa nogwaalongi inaya gwana.