Mbeki oteya nena mu Namibia

O MUPRESIDENDE gwa South Afrika Thabo Mbeki okwa tegelelwa a kale a talelapo Namibia nena muule wetalelopo lyesiku limwe.

Uuministeli wOmauyelele owa tseyitha ngeyi mEtitano lya zi ko kutya Omupresidende Mbeki te ke enda pamwe nOministeli ye yIikwaipindi, oonkondo nomidhingoloko. Uuministeli owa popi kutya Mbeki nOmupresidende gwa Namibia Hifikepunye Pohamba otaya ka kundathana shi na sha niikwaliko, ashike oonzo dhimwe osha hokolola kutya iinima yilwe mbyoka tayi ka kundathanwa ngaashi uupyakadhi wolusheno mu South Afrika nosho wo uudhano wEkopi lyUuyuni mboka tau ka ningilwa mu South Afrika momumvo 2010.South Afrika ku wete kutya yimwe yomiishiindalongo ye ngaashi Namibia otayi ka mona omauwanawa pethimbo lyUudhano wEkopi lyUuyuni nokwa hala nee iilongo mbyoka yi tameke nokulongekidha omahala gomilalo nosho wo uupale wetanga opo iilongo yimwe mbyoka tayi keya kuudhano mbuka yi pewe omilalo puushiinda.Mbeki pamwe nosheendo she okwa tegelelwa ya ka shune kegumbo omutenya gwonena ngele yuuhala.Uuministeli owa popi kutya Mbeki nOmupresidende gwa Namibia Hifikepunye Pohamba otaya ka kundathana shi na sha niikwaliko, ashike oonzo dhimwe osha hokolola kutya iinima yilwe mbyoka tayi ka kundathanwa ngaashi uupyakadhi wolusheno mu South Afrika nosho wo uudhano wEkopi lyUuyuni mboka tau ka ningilwa mu South Afrika momumvo 2010.South Afrika ku wete kutya yimwe yomiishiindalongo ye ngaashi Namibia otayi ka mona omauwanawa pethimbo lyUudhano wEkopi lyUuyuni nokwa hala nee iilongo mbyoka yi tameke nokulongekidha omahala gomilalo nosho wo uupale wetanga opo iilongo yimwe mbyoka tayi keya kuudhano mbuka yi pewe omilalo puushiinda.Mbeki pamwe nosheendo she okwa tegelelwa ya ka shune kegumbo omutenya gwonena ngele yuuhala.