Mathias na Shaanika ya kwatelwa mOsitola yimwe pOshikango

A AMENTU yaali, Mathias Thomas gwoomvula 30 a zile kOkando mUukwambi mOshitopolwa sha Musati na Shaanika Thomas gwoomvula 25 a zile kEtilyasa kOngandjera mOshitopolwa sha Musati oya kwatwa po kOpolisi ya Shikango meti 31 Oktoba 2007, ya adhika ya patelwa mOsitola yedhina International Commercial yopOshikango komatango gesiku ndjoka sho aaniilonga ya zimbuka.

Komanda gwOpolisi mOshitopolwa sha Hangwena Komufala gwOpevi gwOpolisi Armas Shivute, okwa koleke ekwato lyaamentu mbaka, kutya Opolisi oya kwata shili aantu yomadhina ngoka mesiku ndyoka. Komanda Shivute ta ti kutya Mathias na Shaanika, haya zi unene kOshakati kOshitopolwa sha Shana, mEtitatu lyoshiwike sha zi ko, ano meti 31 Oktoba 2007, oya li ya yi mOsitola yedhina Internationa Commercial pOshikango mOshitopolwa sha Hangwena, manga aantu ye li pokupata.Ta ti kutya osha fa shi li ngeyi kutya, aamentu mbaka yaali, sho naana ku na ashike oomintute dhontumba ethimbo lyokuzimbuka li thike, oyi i edhilile muyimwe yomOosikopa nokukala moka sigo aalandi naaniilonga taya pata.Nani gumwe gwomaahona yOsitola, aalandi sho ya mana okulanda naanilonga ya pata ositola nokuya, ye ina za mo, okwa kala manga mokambelewa ta unganeke iinima yimwe, opo a ye nawa kegumbo.Manga e li mOmbelewa ye moka, okwa dhidhilike aamentu taya zi mosikopa.Omuhona nguka okwa dhengele Opolisi, ndjoka ye ya meendelelo noya kwata po aamentu mbaka, ano Mathias nguka na Shaanika.Taya patululilwa oshipotha shokuya mehala lyaantu waa na epitikilo.Oya holoka nee ohela mOmpangu ya Mangestrata pOhangwena noshipotha shoka.Inaya pulwa ya tye sha noshipotha shawo oshuundulilwa komeho omolu omakonaakono gOpolisi.Inaya pewa uuthemba wokwiifutila mo.Komufala gwOpevi Shivute ota ningi eindilo nekunkililo enene lya thinda mooyene yOongeshefa, unene tuu maaniilonga yawo kutya naya kale haya tala nokukonaakona nawa uuna taya pata Oositola dhawo.Ya kale ya kwashilipaleka kutya inamu thigala omuntu, oshoka nani aamentu mboka haya yi niinima yaantu, ohayi ipatele moosikopa nenge muundjugo sho aaniilonga taya pata oositola nokuya komagumbo, opo ya yake mo iinima yaantu mOositola moka.Shivute ta ti, nomomatungo wo moka mu na Oombelewa nosho tuu, ngele aaniilonga taya zimbuka naya kale haya konaakona mo nawa tango manga inaya pata, oshoka nani ookalyamupombo ohaya kala yi ipatela moosikopa nenge muundjugo, nelalakano lyokuyaka mo iinima konima sho ayehe ya ya komagumbo.Komanda Shivute ta ti kutya Mathias na Shaanika, haya zi unene kOshakati kOshitopolwa sha Shana, mEtitatu lyoshiwike sha zi ko, ano meti 31 Oktoba 2007, oya li ya yi mOsitola yedhina Internationa Commercial pOshikango mOshitopolwa sha Hangwena, manga aantu ye li pokupata.Ta ti kutya osha fa shi li ngeyi kutya, aamentu mbaka yaali, sho naana ku na ashike oomintute dhontumba ethimbo lyokuzimbuka li thike, oyi i edhilile muyimwe yomOosikopa nokukala moka sigo aalandi naaniilonga taya pata.Nani gumwe gwomaahona yOsitola, aalandi sho ya mana okulanda naanilonga ya pata ositola nokuya, ye ina za mo, okwa kala manga mokambelewa ta unganeke iinima yimwe, opo a ye nawa kegumbo.Manga e li mOmbelewa ye moka, okwa dhidhilike aamentu taya zi mosikopa.Omuhona nguka okwa dhengele Opolisi, ndjoka ye ya meendelelo noya kwata po aamentu mbaka, ano Mathias nguka na Shaanika.Taya patululilwa oshipotha shokuya mehala lyaantu waa na epitikilo.Oya holoka nee ohela mOmpangu ya Mangestrata pOhangwena noshipotha shoka.Inaya pulwa ya tye sha noshipotha shawo oshuundulilwa komeho omolu omakonaakono gOpolisi.Inaya pewa uuthemba wokwiifutila mo.Komufala gwOpevi Shivute ota ningi eindilo nekunkililo enene lya thinda mooyene yOongeshefa, unene tuu maaniilonga yawo kutya naya kale haya tala nokukonaakona nawa uuna taya pata Oositola dhawo.Ya kale ya kwashilipaleka kutya inamu thigala omuntu, oshoka nani aamentu mboka haya yi niinima yaantu, ohayi ipatele moosikopa nenge muundjugo sho aaniilonga taya pata oositola nokuya komagumbo, opo ya yake mo iinima yaantu mOositola moka.Shivute ta ti, nomomatungo wo moka mu na Oombelewa nosho tuu, ngele aaniilonga taya zimbuka naya kale haya konaakona mo nawa tango manga inaya pata, oshoka nani ookalyamupombo ohaya kala yi ipatela moosikopa nenge muundjugo, nelalakano lyokuyaka mo iinima konima sho ayehe ya ya komagumbo.