Manga taya galikanene ontopa ya Shakati, ye gumwe oti yumbile mo

O ONGELEKA dhi ili nodhi ili dhomOshakati nomomudhingoloko, mOsoondaha ndyika ya zi ko odha li dhi yunganeke nokukaningila omagalikano pontopa ya Shakati mpoka olundji hapu iyumbile aantu momeya nokusa, ashike manga ngaa opo taku galikanwa nokuuvithwa, omulumentu gumwe taku tiwa kutya oye Monyowa okwiiyumbile momeya mpoka ashike okwa kuthwa mo nziya kOpolisi manga ina sila mo.

Omanga ini iyumbila mo momeya ngoka, okwe ya tango kengathithi lyoonakugalikana nokukala mpoka ta piyaganeke po. “Tse otu na omaudhigu getu.Otamu ti nee nge omwa galikana, itatu iyumbile mo we momeya ngoka nenge ongiini.Otandi kiiyekela mo naanaa mu tale,”ta ti ngawo nokuza po a thinda koNooli yontopa ndyoka.Manga ngaa aantu opo ye li po taya galikana, oye wete ashike sho omuntu ti ihula oonguwo dhe meendelelo nokonima okwi iyumbile momeya.Opolisi ndyoka ya li lwaampoka, oya endelele noku ke mu kutha mo.Sho a kuthwa mo okwa kala ta ningi omanganga, a hala okushuna mo natango.Ashike Opolisi oye mu tula miipandeko nokuya naye.Molwashoka nani opu na yamwe ya hala okwiiyekela momeya pethimbo lyomahgalikaneno, Opolisi oya tula po Aapolisi oyendji, ya tonatele nokukelela mboka nani ya hala okwiiyekela momeya pethimbo ndyoka.Omagalikano oga tsikile, moka Omusita gwOngeleka ya Baptist mOshakati tate Samwel Nambahu, a ti kutya ndhoka oombepo dha nyata dha yi momulumentu ngoka sho dha sa ondumbo nomagalikano ngoka taga ningwa pontopa mpoka nelalakano lyokumweneka omiiyekelomomeya gaakwashigwana pontopa ndyoka nokusa.”Inatu tilithweni kwaashoka sha ningwa po, tse tuyeni komeho nomagalikano getu, oshoka Satana ke na esiku limwe taka sindana.Kalunga ketu oku na oonkondo na Satana okwa sindikwa nale noku li, ashike ngashiingeyi ota kondjo nomwenyo nokuhepeka ngeyi oshigwana sha Kalunga,” Omusita Nambahu ta ti ngawo nokutsikila ko ta ti kutya Satana osho e li ngawo.Hayi maana ya Kalunga noku ya uvitha ko kutya omwenyo oshinima shaa na oshilonga nesimano lyasha, na ne gu ikuthe ashike ngashi a hala.”Omwenyo ngoka twa peweni ku Kalunga oshifetha she.Oshinima sha simana noshi na ongushu onene nomuntu ino pitikwa wi ikuthe omwenyo ngawo,” Omusita Nambahu ta ti ngawo.Omusita Jacob Nakafingo, okwa ti kutya ontopa ndyoka ya Shakati, oya tungwa po nelalakano ewanawa lyokupita aantu, iimuna niiyenditho.Ta ti sho ya tungwa po kamwa li sha, inamu kala sha, ashike ngashiingeyi omu na sha oshiwinayi shoka shi na okukuthwa mo, nomagalikano.Aasita yOmagongalo nOongeleka dhilwe, nayo wo oya kutha ombinga momagalikaneno gontopa ndyoka omanga omagongalo gamwe ga eta po ashike oondjimbo, tadhi indile Kalunga a kuthe Namibia muudhigu.Taya ti, “Uuyuni we tu lulila, Kalunga ne tu mangulule komaudhigu gi iteyela moshigwana she,”.Oshituthi shika shOmagalikaneno, sha li sha wilikwa komusamane Phillip Bauleth noku egululwa negalikano kOmusita Iipinge, osha li wo shi na okukalwa nokupopithwa ku Gavena yOshitopolwa sha Shana omusamane Klemens Kashuupulwa, ku Meya gwOndoolopa ya Shakati me Katrina Shimbulu, ku Komanda gwOpolisi mOshitopolwa sha Shana Komufala gwOpevi gwOpolisi Ndahangwapo Kashihakumwa noshowo kElenga enene lyUukwambi tatekulu Herman Ndilimani Iipumbu.Ashike ayehe mbaka inaya thika kwali omolu iinakugwanithwa yi ili noyi ili mpeyaka naampeyaka.”Tse otu na omaudhigu getu.Otamu ti nee nge omwa galikana, itatu iyumbile mo we momeya ngoka nenge ongiini.Otandi kiiyekela mo naanaa mu tale,”ta ti ngawo nokuza po a thinda koNooli yontopa ndyoka.Manga ngaa aantu opo ye li po taya galikana, oye wete ashike sho omuntu ti ihula oonguwo dhe meendelelo nokonima okwi iyumbile momeya.Opolisi ndyoka ya li lwaampoka, oya endelele noku ke mu kutha mo.Sho a kuthwa mo okwa kala ta ningi omanganga, a hala okushuna mo natango.Ashike Opolisi oye mu tula miipandeko nokuya naye.Molwashoka nani opu na yamwe ya hala okwiiyekela momeya pethimbo lyomahgalikaneno, Opolisi oya tula po Aapolisi oyendji, ya tonatele nokukelela mboka nani ya hala okwiiyekela momeya pethimbo ndyoka.Omagalikano oga tsikile, moka Omusita gwOngeleka ya Baptist mOshakati tate Samwel Nambahu, a ti kutya ndhoka oombepo dha nyata dha yi momulumentu ngoka sho dha sa ondumbo nomagalikano ngoka taga ningwa pontopa mpoka nelalakano lyokumweneka omiiyekelomomeya gaakwashigwana pontopa ndyoka nokusa.”Inatu tilithweni kwaashoka sha ningwa po, tse tuyeni komeho nomagalikano getu, oshoka Satana ke na esiku limwe taka sindana.Kalunga ketu oku na oonkondo na Satana okwa sindikwa nale noku li, ashike ngashiingeyi ota kondjo nomwenyo nokuhepeka ngeyi oshigwana sha Kalunga,” Omusita Nambahu ta ti ngawo nokutsikila ko ta ti kutya Satana osho e li ngawo.Hayi maana ya Kalunga noku ya uvitha ko kutya omwenyo oshinima shaa na oshilonga nesimano lyasha, na ne gu ikuthe ashike ngashi a hala.”Omwenyo ngoka twa peweni ku Kalunga oshifetha she.Oshinima sha simana noshi na ongushu onene nomuntu ino pitikwa wi ikuthe omwenyo ngawo,” Omusita Nambahu ta ti ngawo.Omusita Jacob Nakafingo, okwa ti kutya ontopa ndyoka ya Shakati, oya tungwa po nelalakano ewanawa lyokupita aantu, iimuna niiyenditho.Ta ti sho ya tungwa po kamwa li sha, inamu kala sha, ashike ngashiingeyi omu na sha oshiwinayi shoka shi na okukuthwa mo, nomagalikano.Aasita yOmagongalo nOongeleka dhilwe, nayo wo oya kutha ombinga momagalikaneno gontopa ndyoka omanga omagongalo gamwe ga eta po ashike oondjimbo, tadhi indile Kalunga a kuthe Namibia muudhigu.Taya ti, “Uuyuni we tu lulila, Kalunga ne tu mangulule komaudhigu gi iteyela moshigwana she,”.Oshituthi shika shOmagalikaneno, sha li sha wilikwa komusamane Phillip Bauleth noku egululwa negalikano kOmusita Iipinge, osha li wo shi na okukalwa nokupopithwa ku Gavena yOshitopolwa sha Shana omusamane Klemens Kashuupulwa, ku Meya gwOndoolopa ya Shakati me Katrina Shimbulu, ku Komanda gwOpolisi mOshitopolwa sha Shana Komufala gwOpevi gwOpolisi Ndahangwapo Kashihakumwa noshowo kElenga enene lyUukwambi tatekulu Herman Ndilimani Iipumbu.Ashike ayehe mbaka inaya thika kwali omolu iinakugwanithwa yi ili noyi ili mpeyaka naampeyaka.