EPANGELO olya kumike oshikondo shopaumwene shi longithe oompito ndhoka dhilipo moprograma yalyo yokweetapo iilonga yaantu omayovi 104 000 uule womimvo ndatu tadhi landula.
Oholomende oya ti yo ita yi patele pondje oshikondo shopaumwene moprograma ndjika ya thaneka oku longitha oodola oobiliona 14,7 okweetapo iilonga yomwaalu ngoka.Minista Yiiniwe yopevi, Calle Schlettwein okwa ti, Epangelo oli shishi kutya oshikondo shopaumwene osho omutima gwekoko lyopamahupilo nosheelo shoku gandja iilonga ta yi kalele. Schlettwein okwa popi peha lyoMinista Yiiniwe, Saara Kuugongelwa-Amadhila , poshigongi shehangano lyaanangeshefa sha li moVenduka ehuliloshiwike lyayi.Okwa ti oprogama ndjoka yokweetapo oompito dhiilonga ota yi ka kwatelamo noshikongo shopaumwene, okutungapo iilongithwanima ya pumbiwa. Mbika uuna yaapo oha yi ningi omainda mondjila yoshikondo shopaumwene oku ya komeho pamapungulo nomatungo goongeshefa. Okwa ti ondungedhiladhilo ndjika yepungulo lyopashigwana oyi na oku talikila miilonga yokweetapo ooveta nomilandu omipe tadhi lalakanene okweetapo onkalo ombawanawa yuunangeshefa moshilongo.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
