AANTU ye na ombuto yo HIV-AIDS ye li 45 000 lwaampoka, otaya ka mona iihuna kombuto ndjika, molwashoka Epangelo olya hulitha po okugndja omakwathelo kehangano ndyoka lya kala nokukwathela aantu mboka ye na ombuto ndjika uule woomvula 15.
Ehangano ndika lyedhina Lironga Eparu olya thigwa po kaakwathelo yalyo aanene mboka oyo nee Uuministeli wUundjolowele nOnkalathana nehangano lya Global Fund for HIV-AIDS, Tuberculosis and Malaria, konima sho pwa holoka omapopyo geyakopo lyiimaliwa mehangano.Otaku popiwa kutya Epangelo inali hala we nande okukwathela ehangano ndika.Oshifo shika osha yakelwa ko kutya Ewilikongundu lya Lironga Eparu olya li lya tuminwa ombapila moka lya lombwele kutya Lironga Eparu ita ka pewa omakwathelo.Etompelo ndyoka lya gandjwa olyo aniwa ndika kuya ehangano ndika inali gwana we okupewa omakwathelo. Ehangano ndika olya li wo aniwa lya zi mo moombelewa dhalyo, ndhoka lya li lya pewa kehangano lya Global Fund.Oshinima shoka sha eta Epangelo petokolo ndika osho aniwa omahilathano pokati kOmuwilikikuluntu gwa Lironga Eparu, Emma Tuahepe naanambelewa yamwe aakuluntu mUuministeli wUundjolowele nOnkalathano.Nande ongaaka, oonzo dhimwe dhomauyelele odha ti kutya etokolo ndika olya li lya ningwa kOkomitiye ya Namibia Onkwatakanithi kombinga yo HIV-AIDS, Otiibii nOmalaria. Okomitiye ndjika ohayi konakona omandilo gomakwathelo nosho wo hayi tokola kutya Oproyeka yini yi na okupewa oshimaliwa.Oshifo shika osha mona oshizemo shoshigongi shOkomitiye ndjika sha li sha ningwa momasiku 25 gomwedhi wga zi ko. Oshigongi shika osha li sha tokolo kutya Lironga Eparu ita ka mona we omakwathelo kehangano lya Global Fund na oshimaliwa oshi na okufalwa kehangano lilwe nenge kOproyeka sigo ethimbo moka GlobaL Fund e na okugandja oshimaliwa lya puko.Etokolo ndika olya ningwa molwashoka aniwa Okomitye ndjika oyi wete kutya Lironga Eparu ita longo pamilandu nopamathaneko ngoka ga tulwa po.Omilandu ndhika odha kwatela mo aniwa iinima ngashi egandjo lyiipundi yokuwiliki ehangano ndika kaantu yalwe.Lironga Eparu okwa li wo aniwa a lundulule omuwiliki gwiinene ye, konima sho sha li sha monika mo kutya Menindjela gwIinewe, Peter Etai, okwa kala nokuyakapo iimaliwa yehangano.Omasiku ga zi ko, Etai okwa li a pewa egeelo lyoomvula hetatu mokakuma sho a monika ondjo moshipotha sheyakopo lyoshimaliwa mehangano ndika.Momumvo 2008, Lironga Eparu okwa li a mono Ewilikongundu epe na momumvo gwa zi ko, okwa li a kutha miilonga aaniilonga eyehe ye e taya pulwa ya ninge omaindilo giilonga omape. Ehangano ndika olya li lya kutu Oomindjela aape, kakele ashike ka Tuahepa – ngoka a li a pewa natango opoosa ye. Otaku popiwa kutya egandjo lyopoosa ndjika natango ku Tuahepa, osha geyitha iilyo yOkomitoye ya tumbulwa. Ngashiingeyi osha nee shi li ngeyi kutya Okomitiye ndika oya hala Tuahepa a thige po Lironga Eparu, opo ehangano ndika li pewe omakwathelo gopashimaliwa.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
