Leitenandakolonela Kashopola a lundululilwa koCaprivi

Leitenandakolonela Kashopola a lundululilwa koCaprivi

L EITENANDEKOLONELA Erastus Nomongula Kashopola ngoka a kala Okomanda yAakwiita mObataliona 263, ndjoka ya kala yi na Ombelewa yayo onene mOshakati, noha komanda nee aakwiita ayehe mIitopolwa ngashi Oshana, Ohangwena, Omusati, Okunene nOshikoto ombinga yimwe, okuza April 1, okwa lundululilwa koCaprivi.

Ombelewa ye ompe otayi ka kala mOkatima Mulilo, ano moshilandopangelo shOshitopolwa sha Caprivi moka. Iilyo yEtanga lyEgameno mObataliona ndjoka 263, mEtine lyeti 30 Maalitsa 2006, oya li ya ningile Komanda gwawo Kashopola oshituthilaleko she, shoka sha li sha hiwa Aaleli yamwe yomOshitopolwa ngashi Ngoloneya gwaShana Klemens Kashuupulwa, Elelo lyOndoolopa ya Shakati olya li lya kalelwa po ku Mayola Engelbert Atshipara nosho wo kOmunambelewa Omukuluntu gwOndoolopa John Nghihepa.Komanda gwOpolisi mOshitopolwa sha Hangwena Komufala gwOpevi gwOpolisi Armas Shivute oye a li a kalela po Opolisi moshituthi shika.Omuniilonga mo NBC a tseyika nawa Angula ya Pohamba, ngoka megumbo lye omathimbo gamwe omo mwa kalele Leitenandekolenela Kashopola, naye omo a li moshituthi shoka ongomuhiwa.Oshituthi osha li nee wo sha kalwa kookomanda dhiikandjo yi ili noyi ili mEtanga lyEgameno nomOpolisi mIitopolwa mbyoka Kashopola ha kOmanda noshowo kaaniilonga mookamba dhaakwiita, unene tuu mwaandjoka ya Shakati.Mokupopitha aanashituthi mbaka ayehe, Omunambelewa Walende Sam Samuel gwomObataliona 263, okwa ti kutya Leitenandekolonela Kashopola okushi ku pandulwa noonkondo molwashoka mokukala po kwe ta komanda Obataliona ndjoka 263, okwa komanda nawa nokwe yi fala pombanda.Walende Samuel ta gwedha po kutya Leitenanda Kashopola, ngoka a ndjoina Etanga lyEgameno lya Namibia mo 1990, okwa longo nuudhiginini mIitopolwa oyindji mEtanga lyEgameno nokwa kala aluhe nokuyelwa sigo ta adha ponkatu yUuleitenandakolonela, ndjoka yeu eta mObatalion 263 mo 2001.Okwa wilika omatanga gEgameno ga Namibia momatumo gombili gIigwanahangana ngashi mo DRC nomoLiberia.Mokupopitha wo aanashituthi, Komufala gwOpevi gwOpolisi Armas Shivute, okwa pandula Leitenandekolonela Kashopola sho ta longo nuudhiginini mokukaleka po egameno lyoshilongo nolyoshigwana li li nawa.Ta ti kutya nonando a lundulululilwa koCaprivi ngawo, itashi ti kutya okwa kanitha ekwatathano nayo.Ekwatathano nali tsikile ngashi lya kala po nale lyokupaathana omayele nomadhilaadhilo ngashi lya kala po nale,” Komufala gwOpevi gwOpolisi Shivute ta ti ngawo nokwiindila kIilyo yEtanga lyEgameno mObataliona 263, yi kale kumwe ngashi ya kala kumwe pethimbo lya Leitenandekolonela Kashopola.Mayola Atshipara na Kasheeta oya pandula noonkondo Kashopola molu elongelokumwe lye ewanawa a kala nalyo nOmalelo gIitopolwa nogOondoolopa mObataliona ye noshowo komakwathelo ngoka a gandja ngashi unene momathimbo giiponga yopaulumompumbwe ngashi omapeya nosho tuu moka iilyo ye yEtanga lyEgameno ya li ya kutha ombinga meendelelo nonondjungu.Aapopi yalwe yomEtanga lyEgameno mObataliona 263 mboka wo ya popile oye mu kombo kombunda.Leitenandekolonela Kashopola moshipopiwa she naye okwa pandula kelongelokumwe ewanawa a li e li pewa kiilyo ye.Te yi lombwele kutya ye okwa taamba ko elundululo lye nomaako gaali.Ta indile kiilyo ye yi tsikile nokulonga nuudhiginini yo wo yi tsikile nokwiiyambula po unene tuu meilongo, oshoka uuyuni owa thinda mepangelo lyuutekenika, yo wo yi itakamithe kombinga yomukithi gwo HIV/AIDS.Leitenandekolonela Kashopola, ota pingenwa po ku Leitenandekolonela Abed Mukumangeni, ngoka a kala kObataliona 262 koRundu kOshitopolwa sha Kavango.Iilyo yEtanga lyEgameno mObataliona ndjoka 263, mEtine lyeti 30 Maalitsa 2006, oya li ya ningile Komanda gwawo Kashopola oshituthilaleko she, shoka sha li sha hiwa Aaleli yamwe yomOshitopolwa ngashi Ngoloneya gwaShana Klemens Kashuupulwa, Elelo lyOndoolopa ya Shakati olya li lya kalelwa po ku Mayola Engelbert Atshipara nosho wo kOmunambelewa Omukuluntu gwOndoolopa John Nghihepa.Komanda gwOpolisi mOshitopolwa sha Hangwena Komufala gwOpevi gwOpolisi Armas Shivute oye a li a kalela po Opolisi moshituthi shika.Omuniilonga mo NBC a tseyika nawa Angula ya Pohamba, ngoka megumbo lye omathimbo gamwe omo mwa kalele Leitenandekolenela Kashopola, naye omo a li moshituthi shoka ongomuhiwa.Oshituthi osha li nee wo sha kalwa kookomanda dhiikandjo yi ili noyi ili mEtanga lyEgameno nomOpolisi mIitopolwa mbyoka Kashopola ha kOmanda noshowo kaaniilonga mookamba dhaakwiita, unene tuu mwaandjoka ya Shakati.Mokupopitha aanashituthi mbaka ayehe, Omunambelewa Walende Sam Samuel gwomObataliona 263, okwa ti kutya Leitenandekolonela Kashopola okushi ku pandulwa noonkondo molwashoka mokukala po kwe ta komanda Obataliona ndjoka 263, okwa komanda nawa nokwe yi fala pombanda. Walende Samuel ta gwedha po kutya Leitenanda Kashopola, ngoka a ndjoina Etanga lyEgameno lya Namibia mo 1990, okwa longo nuudhiginini mIitopolwa oyindji mEtanga lyEgameno nokwa kala aluhe nokuyelwa sigo ta adha ponkatu yUuleitenandakolonela, ndjoka yeu eta mObatalion 263 mo 2001.Okwa wilika omatanga gEgameno ga Namibia momatumo gombili gIigwanahangana ngashi mo DRC nomoLiberia.Mokupopitha wo aanashituthi, Komufala gwOpevi gwOpolisi Armas Shivute, okwa pandula Leitenandekolonela Kashopola sho ta longo nuudhiginini mokukaleka po egameno lyoshilongo nolyoshigwana li li nawa.Ta ti kutya nonando a lundulululilwa koCaprivi ngawo, itashi ti kutya okwa kanitha ekwatathano nayo.Ekwatathano nali tsikile ngashi lya kala po nale lyokupaathana omayele nomadhilaadhilo ngashi lya kala po nale,” Komufala gwOpevi gwOpolisi Shivute ta ti ngawo nokwiindila kIilyo yEtanga lyEgameno mObataliona 263, yi kale kumwe ngashi ya kala kumwe pethimbo lya Leitenandekolonela Kashopola.Mayola Atshipara na Kasheeta oya pandula noonkondo Kashopola molu elongelokumwe lye ewanawa a kala nalyo nOmalelo gIitopolwa nogOondoolopa mObataliona ye noshowo komakwathelo ngoka a gandja ngashi unene momathimbo giiponga yopaulumompumbwe ngashi omapeya nosho tuu moka iilyo ye yEtanga lyEgameno ya li ya kutha ombinga meendelelo nonondjungu.Aapopi yalwe yomEtanga lyEgameno mObataliona 263 mboka wo ya popile oye mu kombo kombunda. Leitenandekolonela Kashopola moshipopiwa she naye okwa pandula kelongelokumwe ewanawa a li e li pewa kiilyo ye.Te yi lombwele kutya ye okwa taamba ko elundululo lye nomaako gaali.Ta indile kiilyo ye yi tsikile nokulonga nuudhiginini yo wo yi tsikile nokwiiyambula po unene tuu meilongo, oshoka uuyuni owa thinda mepangelo lyuutekenika, yo wo yi itakamithe kombinga yomukithi gwo HIV/AIDS.Leitenandekolonela Kashopola, ota pingenwa po ku Leitenandekolonela Abed Mukumangeni, ngoka a kala kObataliona 262 koRundu kOshitopolwa sha Kavango.

Stay informed with The Namibian – your source for credible journalism. Get in-depth reporting and opinions for only N$85 a month. Invest in journalism, invest in democracy –
Subscribe Now!

Latest News