Kuthiiko tango ngoka taga nana nondatu

OMINISTA yIipindi nIikwafabulika oya ti epitililitho lyuukapitali olya nyayipike omahupilo guuyuni nEpangelo olya pumbwa omatompelo ga tya shoo opo li gandje omahangano ga lyo miikaha yaapunguli yopaumwene.

Omusamane Hage Geingob sho a popi poshigongi shokumvo shoMbaanga ya Namibia oshiti 11, shoka sha kundathana oshinima shokumwenepaleka momahupilo, okwa ti nomiilongo yokUuninginino omadhiladhilo ota ga tengunuka, guuka ko ku pa epangelo ompito oku wilika omahangano gamwe moshitopolwa shomahupilo.Shika Geingob okwa ti osha holoka ngashingeyi sho omapangelo giilongo mbyoka ta ga hupitha ookampani dhi ili no dhi ili ndhoka dha li konyala dhi ningine menono lyoongunga molwaashoka aawiliki yadho inaa ya wilika nawa naashoka konyala osho, sha eta uuyuni wu ye moshikele shopaimaliwa.Geingob okwa kutha oohapu dhomutseyi gwomahupilo nale gwoMbaanga yUuyuni, Joseph Stiglitz ta ti’ kala wu muhole nenge kala u mu tonde’ ta ti omwiityo gwomadhiladhilo gokungeshefa kwa manguluka olyo ashike eipopilo, na ogwo omukalo omupe gwokuthipa yalwe ombinzi. ‘Onkene otwa pumbwa omatompelo ga dhindoka kutya omolwashike tu na oku ya nondjila yemwenepaleko lyomahangano gepangelo, omolwa ashike tu wete aniwa shili pethimbo lyonena.,’Geingob ta pula nomuthindo.Omadhiladhilo ge oga li kokule no ga, yooloka naa ngoka gomuprofesori, Jin Park omupelesidende gwo shiputudhilo shoondungedhiladhilo yomonakuyiwa sha Korea, na oye omutameki gwomulandu gwemwenepaleko lyomaliko moshilongo sha Asia.Park oye a li omupopi a simana poshigongi shika. Park okwa ti omapangelo pethimbo limwe ohaga tindi okumwenepaleka omahangano, onga eipopilo opo ga mone, eyambidhidho olindji lyaahogololi, taga uvanekele aakwashigwana omayakulo koondando dhi li nawa oku yeleka noondando ndhoka omahangano gopaumwene giilongekidha oku ninga. ‘Pa muhingo nguka aamwandje ota ya ka futa molwa oongunga dha ndje’, Park ta ti, e ta londodha kutya ongonga ndjika ngele oya tameke, ondhigu okuteya. Namibia oshilongo nale shuukapitali pamahupilo, niikondo oyindji oyi li momake gopaumwene.Geingob ta dhimbulutha aakwashigongi.Nonando ongawo okwa pula mboka ye mu pulakena ngele shika oshili kutya ‘Namibia oshilongo shuukapitali’Lombwelii ndje shoka mwa dhiladhila’Ta ulike uumbanda kutya ngele iinakugwanithwa yimwe yepangelo oya ningwapo yopaumwene, shika ota shi ka na yi pika onkalo yo kwaana iilonga noshowo egandjo lyomayakulo gopetameko kaakwashigwana, Geingob okwa ti ngele ta ku popiwa okumwenepeka, onda hala aatseyinawa mu tseye kutya epangelo oli na omashongo ge li taalela mokuyakula oshigwana.Omanifesto yoSwapo oya mwena ngele ta shi ya komulandu gokumwenepeka omahupilo Omutseyi mahupilo gwaOld Mutual, Robin Sherbourne a ti sho a pewa ompito nokwa tsikile ko ta ti nonando emwenepeko lyomahupilo ogo omukalo okweendeleleka ekoko momahupilo, okwa limbililwa ngele Namibia okwi ilongekidhila oshinima shika meni lyoomvula ntano ta dhi ya.Okwa ti oshilongo oshi na ongundu ta yi pangele yi na oonkondo yo ka yi na omulandu guukumwe gwemwenepaleko.Uuna oongundu dhopolitika dha ningi ethimbo mepangelo oha shi ningi oshidhigu oku zimina omapuko ngoka dha longo pamahupilo, onkene oha dhi tsikile ashike omvula nomvula. ‘Olye e na oshinakugwanithwa she talululo lyomahupilo? Olye ta hingi etalululo lyomahupilo moSwapo?’ Sherbourne ta pula.Emwenepeko pwaa na iikondo yomahupilo ya simana ta yi gwile miikaha yoondjendi, ota li kala edhigu mo Namibia, unene tuu sho oshikondo shopaumwene oshishona noka shi na ontseyo oyindji. Onkene ota shi vulika shi kale oshiwanawa ngele omahangano ngaka gopapangelo oga ethiwa ga kale momake gepangelo.Sherbourne tati. Omupevi wiliki gwoshikondo shomahupilo menongelo enene lya Namibia (Unam) Omu Kakujaha-Matundu okwa tsu kumwe na Sherbourne kutya sigo oompaka epangelo ka li na omukumo gwopapolitika opo li mwenepeke omahangano galyo gamwepo. ‘Epangelo olya fa li wete kutya okukala miikwangeshefa opendji osha fa oshaanawa ngele omahangano gopapangelo ota ga hwepopekwa opo ga longe nawa no ku gandja omayakulo geli nawa.Matundu okwa ti woo emwenepeko ita li ka ningwa mbala moshilongo.