Kuku Johanna Iilonga pOkahao a dhana evalo lye lyoomvula omilongo heyali

OMUKALIMO a tseyika nawa gwomOkahao mOngandjera mOshitopolwa sha Musati kuku Johanna Iilonga, ngoka a kala ethimbo ele lela Omupangi mOshipangelo sha Kahao , mOlyomakaya geti 9 Juli 2005, okwa ningi oonvula omilongoheyali nokwa li nee a dhana oshituthi shevalo lye pegumbo lye pOkahao mpoka ngashi naanaa e shi longekidhilwa nawanawa koluvalo lwe, kiitenya noshowo kaatekulu, kaakwanezimo nokookuume.

Kuku Johanna Iilonga oye omukulukadhi kwali gwOmutonatelishitayingerki shUuninginino a tseyika nawa Omusita Mika Iilonga, ngoka a manene oondjenda dhe moshiponga shomboma popepi nOkahao momumvo 1882. Okuza mpoka kuku Iilonga okwa kala po noluvalo lwe, aakadhona yatatu, noshowo aanona mboka ya tekulwa megumbo lyawo yaali nuutekulu we.Oshituthi shevalo lye shika sha li tashi wilikwa kOmusita Ananias Iita na meme Loini Hamunyela, osha li sha kalwa kengathithi lyaakwanezimo nookuume ngashi kAambiishofi yaali ye li moshipundi shevululuko, ano kOmumbiishofi tatekulu Kleopas Dumeni noshowo kOmumbiishofi Apollos Kaulinge, kAasitagongalo mwakwatelwa nOmusita omukulu tatekulu Petrus Shipena.Kansola gwOshikandjohogololo sha Kahao tate Isai Kapenambili nosho wo Omunambelewa Omukuluntu mOshitopolwa sha Shana John Kandombo nOmunashipundi gwEhangano lyAanafaalama yomIitopolwa yaayehe (NNFU) tatekulu Moses Hamutumwa, nayo opo ya li.Oshituthi osha tameke omutenya gwesiku ndyoka.Tate Job Shingenge oye a taamba aanashituthi.Oongundu dhOmalwiimbo ngashi Omuwa te ya mewiliko lya meme Aino Dumeni, Edhina Jesus yokEgongalo lya Gloria Dei mOngwediva, mewiliko lya tate Pelle Mwatunga nosho wo Ongundulwiimbo Omayovi gaali (2000) yomEgongalo lyaKahao odha kala tadhi mwenyeke.Ngashi unene ndjoka “Omuwa te ya” oya fuula aanashituthi sho ya imbi nawa nokundjandjukununa ondjokonona yonkalamwenyo ya kuku Johanna.Omusita tate Alpo Enkono oye a eta po ondjokonona ya kuku Johanna, kuku ngoka e li omunelego shili okuuva ondjokonona ye e li momwenyo.Omugundjuka, Majohny Iiyambo okwa tanga kuku Johanna Iilonga pakateyo hoka a li a shanga noku mu ndjandjukununa nawa.Aini Nakamela, mbushemiilonga na kuku Johanna, ano ya kala Aapangi pamwe ethimbo ele, okwa popi pehala lyaaniilonga pamwe nokwa hokolola nkene kuku Johanna a kala omupangi omudhiginini, nomunandjungu.Tate Samuel Iilonga, okwa eta po oshipopiwa she tashi ti “Makwe ila tulye ombuku nomafufu”.Konima aakwashituthi oya yi momusholondondo gwa longekidhwa nawa nokuumbila kuku Johanna ongalo yevalo lye.Konima yaayihe mbika sho ya pu, okwa landula nee Omumbiishofi tatekulu Kleopas Dumeni ngoka a pata oshituthi shika neuvitho lyOhapu ya Kalunga moka wo a pandula Kalunga sho a kala a koleka kuku Johanna negumbo lye, unene tuu momathimbo ngoka omadhigu ga adhele egumbo lyawo pethimbo lyIita yekondjelomanguluko, mbyoka ya faalele nomwenyo gwomusamane gwe tatekulu Mika Iilonga.Konima yeuvitho, Omumbiishofi Dumeni nOmumbiishofi Kaulinge, oya yambeke kuku Johanna, oyana naanegumbo lye, omanga inaya yambeka nokulangeka nUuyamba aanashitutji ayehe mboka ya li mpoka nokuza mpoka okwa yiwa nee nnawa metyapulo lyoondja dhoshituthi shoshene.Oshifo shetu nasho otashi halele kuku Johanna Iilonga omayambeko ga Tate Kalunga nomwenyo omule kombanda yevi.Okuza mpoka kuku Iilonga okwa kala po noluvalo lwe, aakadhona yatatu, noshowo aanona mboka ya tekulwa megumbo lyawo yaali nuutekulu we.Oshituthi shevalo lye shika sha li tashi wilikwa kOmusita Ananias Iita na meme Loini Hamunyela, osha li sha kalwa kengathithi lyaakwanezimo nookuume ngashi kAambiishofi yaali ye li moshipundi shevululuko, ano kOmumbiishofi tatekulu Kleopas Dumeni noshowo kOmumbiishofi Apollos Kaulinge, kAasitagongalo mwakwatelwa nOmusita omukulu tatekulu Petrus Shipena.Kansola gwOshikandjohogololo sha Kahao tate Isai Kapenambili nosho wo Omunambelewa Omukuluntu mOshitopolwa sha Shana John Kandombo nOmunashipundi gwEhangano lyAanafaalama yomIitopolwa yaayehe (NNFU) tatekulu Moses Hamutumwa, nayo opo ya li.Oshituthi osha tameke omutenya gwesiku ndyoka.Tate Job Shingenge oye a taamba aanashituthi.Oongundu dhOmalwiimbo ngashi Omuwa te ya mewiliko lya meme Aino Dumeni, Edhina Jesus yokEgongalo lya Gloria Dei mOngwediva, mewiliko lya tate Pelle Mwatunga nosho wo Ongundulwiimbo Omayovi gaali (2000) yomEgongalo lyaKahao odha kala tadhi mwenyeke.Ngashi unene ndjoka “Omuwa te ya” oya fuula aanashituthi sho ya imbi nawa nokundjandjukununa ondjokonona yonkalamwenyo ya kuku Johanna.Omusita tate Alpo Enkono oye a eta po ondjokonona ya kuku Johanna, kuku ngoka e li omunelego shili okuuva ondjokonona ye e li momwenyo.Omugundjuka, Majohny Iiyambo okwa tanga kuku Johanna Iilonga pakateyo hoka a li a shanga noku mu ndjandjukununa nawa.Aini Nakamela, mbushemiilonga na kuku Johanna, ano ya kala Aapangi pamwe ethimbo ele, okwa popi pehala lyaaniilonga pamwe nokwa hokolola nkene kuku Johanna a kala omupangi omudhiginini, nomunandjungu.Tate Samuel Iilonga, okwa eta po oshipopiwa she tashi ti “Makwe ila tulye ombuku nomafufu”.Konima aakwashituthi oya yi momusholondondo gwa longekidhwa nawa nokuumbila kuku Johanna ongalo yevalo lye.Konima yaayihe mbika sho ya pu, okwa landula nee Omumbiishofi tatekulu Kleopas Dumeni ngoka a pata oshituthi shika neuvitho lyOhapu ya Kalunga moka wo a pandula Kalunga sho a kala a koleka kuku Johanna negumbo lye, unene tuu momathimbo ngoka omadhigu ga adhele egumbo lyawo pethimbo lyIita yekondjelomanguluko, mbyoka ya faalele nomwenyo gwomusamane gwe tatekulu Mika Iilonga.Konima yeuvitho, Omumbiishofi Dumeni nOmumbiishofi Kaulinge, oya yambeke kuku Johanna, oyana naanegumbo lye, omanga inaya yambeka nokulangeka nUuyamba aanashitutji ayehe mboka ya li mpoka nokuza mpoka okwa yiwa nee nnawa metyapulo lyoondja dhoshituthi shoshene.Oshifo shetu nasho otashi halele kuku Johanna Iilonga omayambeko ga Tate Kalunga nomwenyo omule kombanda yevi.