OMUKULUPE Albertina Shipanga Epafras momukunda nomegongalo Ontananga mOshikoto okwa mana oondjenda mepipi lyoomvula 89 moshipangelo sha Nandjokwe etiyali oshiwike shika.
Pahapu dhomutekulu gumwe, Peter Muambo gwAmbambi, nakusa okwa tameke oshilonga shuupangi momumvo 1947 mOnandjokwe nomomumvo 1950 okwa lundululilwa pokapangelo okashona kopOntananga, mpoka a longo sigo oosho a penzelwa momumvo 1985.Nakusa ota ku hokololwa a li omukondjelimanguluko meni lyoshilongo , shoka pethimbo lyekondjelomanguluko a kala ha panga aakondjelimanguluko noku ya pa oopela pethimbo ya li momithitu. Ota hokololwa kaakwanegongalo lya Ntananga a li omunandjungu, omugandjimayele nomunambili. Omusamane gwe Makili ga Nuusiku okwe mu tetekela nale momumvo 1988. Nakusa okwa thigi ko aamwayina yaali , oyana yatatu naatekulu oyendji. Oshithidhimbuluko she otashi ningwa poshigumbo she potundi ontine komatango Etitano, nefumviko lye ota li ningwa okuza megongalo lya Ntananga.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
