Kotokeleni oombotsotso mOshakati nosho tuu

A MUHE mboka tamu ya kOshakati okulanda iinima yeni nenge okunana nokupungula iimaliwa yeni mOombaanga nane wo ngaa nee mboka yomOshakati, amuhe otamu indilwa mu kale mwa kotoka, mwa takamitha nomu li opathi ethimbo alihe, oshoka mOshakati omu na oombotsotso dha geya, dha ngwangwana notadhi kwata aantu komalutu noku ya kutha iinima yawo.

Opolisi, okupitila mOmupopiliko gwayo Constabela Christina Fonsech, otayi kumagidha noonkondo oshigwana shi kwate nawa iinima yasho, uuna shi li mOshakati nomoondoolopa oonkwawo oonene moNooli. Tayi ti, ngele ou li mohauto, kala wiipatela mo nawa.Ino etha omuntu, unene tuu aagundjuka yaamati, e ye pungweye pekende lyomweelo gwohauto e ku popithe.Unene ngele tate omwe ya kOshakati nomukulukadhi gwoye mu li naye komeho gohauto, ndele to mu thigi mo wu aka nane nande iimaliwa nenge wu kiipaykidhile nasha ngoye u galuke nziya, meme ngoka wa thiga mohauto na kale i ipatela mo, na ina yamukula na ina etha nande a ye moonkundathana nomugundjuka te ya puye ke mu shi.Aamentu mbaka ohaya ningi ngeyi; manga nguka te ku popitha kombinga yomuyelo gwoye, nani mukwawo oku li kombinga yomuyelo ngwiyaka, ta nyangula mo okandjato keni, komusamane nenge ngaa ka meme ngoka pomutumba gwohauto.Oshinima shika osha ningwa olundji notashi tsikile tashi ningwa mOshakati moka koombotsotso ndhoka.Uumatyona mbuka ngele oke ya pekende lyohauto mpoka, pu na meme, ohaka thikile ta ke mu tuku (iinima iinene), opo meme ngoka a geye, ye a kale te ka pulaapula, ano i ipyakidhila nako, manga kakwawo ke li kombinga yomweelo gwohauto ngwiyaka gwokolulyo, taka yaka mo ondjato.Ngele ohauto otayi ya nande opositopa, pomarobota mpoka nokuthikama, kaleni mwiipatela mo, oshoka ookalyamupombo mbaka opo naana ye li ya thikama pomalamba mpoka notaya nyangula mo uundjato wantu, uuna okandjato hoka we ka tula ohethi.Haye ndjato ashike, otaye ku nyangula kehe shoka taya vulu oku ku kutha, ngashi uulyenge, oowili, uuselefona nosho tuu.Uuna wo iihauto yi ipuma mumwe mOshakati moka, mboka yiihauto yi ipuma mumwe, kaleni mwa kotoka oshoka opo naanaa wo pethimbo ndjoka oombotsotso tadhi longitha ompito yokuya ka po iinima yaantu nokufadhuka po.Uuna wo we ya okutala oshiponga shoka, kala wa tamakitha nowa kwata nawa iinima yoye, ngashi oondjato, uumpunda, ooselefona, omakende gokomeho, uulyenge, oowili nosho tuu nosho tuu.Gumwe ota lombwele Oshifo shika ta ti, “oombotsotso ndhoka odha lulilwa noonkondo, na ngele osha li tashi shiwa ngeno noohemba dhaantu noombulukweya otaye dhi ku hula, nenge oko ngaa yuuka hoka walye.”Kombinga yokatoo, Opolisi otayi kunkilile wo aakwashigwana ayehe, unene tuu mOshakati, kutya ngashi nee pethimbo lyOkili ngeyi, oombotsotso otadhi tula aantu muutoo.”Oshigwana takamitha okukengelelwa koombotsotso, ndhoka dha hala ashike okuhupa mune pamukalo gwoku mu tula muutooo,” gumwe gwomaaleli yopashigwana momudhingoloko gwa Shakati ta kumagidha ngawo nokukunkilila oshigwana.Oombotsotso otadhi adhika unene pOgeima, pEtango, momudhingoloko gwOkagongo kAambalantu, poFNB mpoka noshowo kOkagongo kAangandjera na unene nee momudhingoloko gwOmatala ngoka ga Shakati, pOspar mOshakati nomepandaanda lya Augusto Netto.Kakele komOshakati nomOondoolopa wo oonkwawo oonene moNooli, ngashi mOngwediva, mOndangwa, mOshikango nosho tuu, nako wo oko hadhi eta omitse hoka.Opolisi otayi ti kutya shigwana ta kamitha na uuna wa yekwa sha, koneka nawa ngoye to endelele wu lopote kOpolisi meendelelo ngashi tashi vulika.Tayi ti, ngele ou li mohauto, kala wiipatela mo nawa.Ino etha omuntu, unene tuu aagundjuka yaamati, e ye pungweye pekende lyomweelo gwohauto e ku popithe.Unene ngele tate omwe ya kOshakati nomukulukadhi gwoye mu li naye komeho gohauto, ndele to mu thigi mo wu aka nane nande iimaliwa nenge wu kiipaykidhile nasha ngoye u galuke nziya, meme ngoka wa thiga mohauto na kale i ipatela mo, na ina yamukula na ina etha nande a ye moonkundathana nomugundjuka te ya puye ke mu shi.Aamentu mbaka ohaya ningi ngeyi; manga nguka te ku popitha kombinga yomuyelo gwoye, nani mukwawo oku li kombinga yomuyelo ngwiyaka, ta nyangula mo okandjato keni, komusamane nenge ngaa ka meme ngoka pomutumba gwohauto.Oshinima shika osha ningwa olundji notashi tsikile tashi ningwa mOshakati moka koombotsotso ndhoka.Uumatyona mbuka ngele oke ya pekende lyohauto mpoka, pu na meme, ohaka thikile ta ke mu tuku (iinima iinene), opo meme ngoka a geye, ye a kale te ka pulaapula, ano i ipyakidhila nako, manga kakwawo ke li kombinga yomweelo gwohauto ngwiyaka gwokolulyo, taka yaka mo ondjato.Ngele ohauto otayi ya nande opositopa, pomarobota mpoka nokuthikama, kaleni mwiipatela mo, oshoka ookalyamupombo mbaka opo naana ye li ya thikama pomalamba mpoka notaya nyangula mo uundjato wantu, uuna okandjato hoka we ka tula ohethi.Haye ndjato ashike, otaye ku nyangula kehe shoka taya vulu oku ku kutha, ngashi uulyenge, oowili, uuselefona nosho tuu.Uuna wo iihauto yi ipuma mumwe mOshakati moka, mboka yiihauto yi ipuma mumwe, kaleni mwa kotoka oshoka opo naanaa wo pethimbo ndjoka oombotsotso tadhi longitha ompito yokuya ka po iinima yaantu nokufadhuka po.Uuna wo we ya okutala oshiponga shoka, kala wa tamakitha nowa kwata nawa iinima yoye, ngashi oondjato, uumpunda, ooselefona, omakende gokomeho, uulyenge, oowili nosho tuu nosho tuu.Gumwe ota lombwele Oshifo shika ta ti, “oombotsotso ndhoka odha lulilwa noonkondo, na ngele osha li tashi shiwa ngeno noohemba dhaantu noombulukweya otaye dhi ku hula, nenge oko ngaa yuuka hoka walye.”Kombinga yokatoo, Opolisi otayi kunkilile wo aakwashigwana ayehe, unene tuu mOshakati, kutya ngashi nee pethimbo lyOkili ngeyi, oombotsotso otadhi tula aantu muutoo.”Oshigwana takamitha okukengelelwa koombotsotso, ndhoka dha hala ashike okuhupa mune pamukalo gwoku mu tula muutooo,” gumwe gwomaaleli yopashigwana momudhingoloko gwa Shakati ta kumagidha ngawo nokukunkilila oshigwana.Oombotsotso otadhi adhika unene pOgeima, pEtango, momudhingoloko gwOkagongo kAambalantu, poFNB mpoka noshowo kOkagongo kAangandjera na unene nee momudhingoloko gwOmatala ngoka ga Shakati, pOspar mOshakati nomepandaanda lya Augusto Netto.Kakele komOshakati nomOondoolopa wo oonkwawo oonene moNooli, ngashi mOngwediva, mOndangwa, mOshikango nosho tuu, nako wo oko hadhi eta omitse hoka.Opolisi otayi ti kutya shigwana ta kamitha na uuna wa yekwa sha, koneka nawa ngoye to endelele wu lopote kOpolisi meendelelo ngashi tashi vulika.