Kondjitha elunduluko lyombepo nookondoma

OLUGODHI okukondjitha epupyalo lyombepo yuuyuni ota li vulu okweendithwa kashona, ngele eindjipalo lyaantu muuyuni nalyo olya shonopekwa pakugandja ookondoma itaa dhi landwa noshowo okugandja uuyelele kombinga yoluvalo lwa longekidhwa.

Ngaka ogo omadhiladhilo ge hangano lyoshigwana lyiigwanahangano UN Population Fund.Olutu nduka ina lu gandja omathaneko kutya iilongo na yi gandje oongamba kutya uunona wu thike peni omazimo ge na okuvala, ndele olwa ti aakiintu mboka ye na ompito okulongitha omayakulo goluvalo oha ya mono uunona womwaalu omushona, naashika ota shi shonopeke eindjipalo lyombepo omupyu muuyuni.Omushangwa golutu nduka ogwa londodha kutya eindjipalo lyaantu, ekoko momahupilo, noshowo melongitho, ta li endelele okuyeleka noonkondo dhevi oku gandja iipalutha, otali ningi elunduluko lyombepo li kale ewinayi nolya nika oshiponga.Aantu muuyuni oya tegelelwa ya kale ye li pomwaalu gwoobiliona 9,2 oku za poobiliona 6,7 ngashingeyi momumvo2050. Eindjipalo ndika oli ndji ota li kala miilongo mbyoka opo ta yi putuka pamushangwa hokololo gwiigwana Hangano gwomumvo 2006. Olutu nduka olwa zimine kutya ka luna shoka tashi ulike kutya ngele eindjipalo lyaantu muuyuni olya shonopekwa, shika ota shi ka eta eyopalo mepupyalo lyombepo yuuyuni.Olya ti ekwatathano lyoshigwna shaantu nelunduluko mombepo oshinima sha kitakana no inashi ukilila .Omushangwa ogwa ti nonando aantu oyo yena ondjo mepupya lo lyombepo yuuyuni, aantu yomiilongo mbyoka opo ta yi putuka hayo ye na ondjo onene andola mwaashika. Iilongo mbyoka ya putuka oyo yi na ondjo onene moku pupyaleka ombepo yuuyuni sho iikwafabulika ya yo ha yi gandja omalwithi ogendji okuya mombepo.Omupitithi kuluntu gwo shiketha shiigwana Thoraya Ahmed Obaid okwa londodha oku za moLondon sha Engelanda ta ti epupyalo lyuuyuni ota li kala oshiponga oshinene kaantu yomiilongo mbyoka ya hepa unene tuu aakiintu.’ Otu li ponkatu mpoka aantu ya taalela oshiponga oshinene’Miiwike itatu opena oshigongi shuuyuni kombinga yepupyalo lyuuyuni moCopenhagen, moka iigwana otay ka kundathana opo yi shonopeke omalwithi ngoka haga yi mombepo eta ga pupyaleke uuyuni.