Konakonwa ngele owuna uuvu wosuuka

NENA esiku lyopaigwana kombinga yuuvu wosuuka[international Diabetes day].

Aakalimo yomoVenduka ota ya vulu okuya koshipangelo sha Paramount nena opo ya konakonwe oshali kombinga yuuvu wosuuka pokati kotundi 9h00 sigo otundi 16h30.Mboka ta ya lumbu nuuvu wosuuka nayo otaya vulu okuya koshipangelo shoka opo ya vule okupewa omayele kombinga yuuvu wawo.Kehe gumwe okwa manguluka okuninga oshilyo shehangano ha li ithanwa[the Namibia Diabetes Education Centre.]noshipangelo sha Paramount Centre mokweenda ookilometa dhi li ntano.Okwiishangitha kaakuthimbinga ota ku tameke po16h30 poParamount Health Cenrte, na ita pa futilwa sha.Okweenda huka molwa omukithi gwosuuka okwo oku tiyali.Oshipangelo sha Paramount osha tu lile miilonga endiki ndika momumvo 2008 oku longa aantu mboka ta ya lumbu nuuvu wosuuka nkene taya vulu okulundulula onkalamwenyo yawo.Uuvu wosuuka uuvu uunene, ndele ota u vulu okupangelwa. Uuvu wosuuka inau monika nenge inau pangwa otau vulu okweeta iilanduli mbi, ngaashi uuvu womutima,ombanda, iitiyanathigo itaa yi longi nawa.Muuyuni aantu oyendji ota ya si kuuvu wosuuka noshowo kiilanduli yawo okuyeleka naamboka ta ya si komukithi gwo AIDS.Oshinakugwanithwa sha NADEC osho oku kaleka aavu yosuuka moNamibia ya kale yena onkalamwenyo ombwanawa, moka taya vulu okuninga omatokolo geli nawa.