Kobi okwa eta oomiliyuna mu Namibia

O MULUMENTU omunangeshefa OmwAamerika Jacob ‘Kobi’ Alexander – ngoka oye omutotipo nokwa li Omukuluntuwiliki gwOkampani onene yokuAmerika Comverses Technology Inc, okwa eta aniwa oshimaliwa shOondola oomiliyuna ethele mu Namibia na okwa hala okufuta ombooloha yOondola oomiliyuna omulongo opo a mangululwe.

Alexander okwa li a kwatwa oshiwike sha zi ko mOvenduka, konima sho Epangelo lyaAmerika lya tseyithile Namibia kutya omulumentu nguka na kwatwe po molwashoka ota kongwa ku Amerika shi na sha nuulunga. Alexander ye mwene omvalele ya Israeli (noku li OmuJew) ihe mu Amerika okwa kala mo oomvula dhi li 20.Momaandaha, olya li esiku eyapuki noonkondo lyAaJew, hali ithanwa esiku lya Yom Kippur.Mesiku ndika, AaJew muuyuni auhe ohaya dhimbulukwa esiku ndika nokwiidhilika iikulya nokugalika ong’endhindhiliko kutya oyi itedhulula.Ihe kombinga ya Alexander, kuye olyali li ili.A taalele eshunitho ku Amerika hoka a ningilwa iipotha yi li 31 yuufuthi, Alexander okwa ningi oowili odhindji mOmaandaha mokakololo kompangulilo ya Mengesterata mu Katutura.Okwa tokolo okukala ashike a mwena e ta etha Aanavetakalelipo ye oyo ye mu popile ko sho Mengestrata Uaatjo Uanivi a tameke nokuungaunga neindilo lye lyombooloha.Alxander, ngoka e na ontseyo oyindji miikwakompiutera moshilongo shoka a valelwa (Israeli), sigo omuMei nuumvo okwa li Omukuluntuwiliki gwOkampani ya Comverse Technology Inc, ndjoka yi li Okampani onene muunangeshefa wiikwakompiutera.Manga nee aniwa ali Omukuluntuwiliki gwOkampani ndjika, Alexander, Epangelo lya Amerika olya popi kutya okwa kutha ombinga miilonga yuulunga moka a kwathele okukengelela elanditho lyoosheya opo a tule mekutu oshimaliwa shimwe shOondola dha Amerika oomiliyuna.Pokati ka Januali 1998 na Maalitsa 2006, Alexander okwa li aniwa a ningi omulumentu omuyamba noonkondo mu Amerika mokumona ovenisa yOondola dha Amerika oomiliyuna ethele nomilongo ndatu nahetatu, mokulanditha oosheya mOkampani.Ihe aniwa Oondola dha Amerika oomiliyuna hamano oshinkwanu ne shomoshimaliwa shomoprofita ndjoka a mono, osha zi mokukengelela ethimbo nondando yoosheya ndhoka a mono mOkampani.Molwashoka oshimaliwa osho tashi dhana onkandangala mepangulo lya Alexander, natango osho wo tashi dhana onkandangala mobooloha ndjoka a hala a pewe.Uuyelele ulwe mboka wa pewa Ompangu otau popi wo kombinga yobooloha ndjoka a hala a pewe nayo okwa hala wo okuyi pewa shi li oshitsa sho a kala oye.KOBI ngoka kala ta konga kEpangelo lyoshilongo shoka shi na sha niipotha nuulunga, okwa kwata po mEtitatu lyoshiwike shika mOvenduka.Ompangu ya Mengestrata oya hala okuuva kutya osha ende ngiini Alexander a ninge omakwatathano naanangeshefa yAanemibia, nonande mu Namibia opo ashike e ya mo mu Juli nuumvo.Alexander okwa eta aniwa nale oshimaliwa she shOondola oomiliyuna ethele nomilongo mbali (N$120 million) na oku na edhiladhilo okupungula oshimaliwa shOondola oomiliyuna omathele gatatu (N$300 million) moshilongo.Okwa landa egumbo lyOondola oomiliyuna ndatu oshinkwanu hetatu mOvenduka na okwa mono opelemeta yokulonga mu Namibia, konima ashike yomwedhi gumwe sho a thiki mu Namibia.Shika osha li sha lombwelwa Mengestreata Uanivi ku Hahende gwa Alexander, Herman Oosthuizen.Mengestrata Uanivi okwa lombwelwa wo kutya Alexander okwa pungula wo nale oshimaliwa shOondola dha Namibia oomiliyuna omulongo nayimwe moongeshefa dhi ili nodhi ili ye li mo naanangeshefa yAanamibia.Gumwe gwomaanangeshefa mbaka oye aniwa omukwiita a penzelwa Briagadier Mathias Shiweda, ngoka oye a li Omukuluntu gwOkampani hayi longo iihauto yuukwiita ya Windhoeker Maschinenfabrik.”Ondi imanga kumwe mokuma oshipambu shi thike pamwe nOmunangeshefa OmuNamibia a tseyika nawa Brigadier Mathias Shiweda,” Alexander osho a popi ngaaka moondokumende ndhoka a gandja kOmpangu.Okwa ti Shiweda okwa landa omaliko ogendji guunangeshefa mOmbaye .Shika osha kwatela mo ehala li na oosikweyameta tadhi ihilile po 54 000 nevi limwe ndyoka a landa kOondola oomiliyuna ndatu oshinkwanu ne.Mpaka okwa hala aniwa okutunga po omagumbo gombiliha, Alexander ta popi ngaaka.Omwiimangikumwe naye gumwe OmuNamibia oye Ananias Martin, ngoka a landa ooplota dhi li 15 po Swakopmund nOmombaye, mpoka a hala wo okutunga po omatungo goongeshefa nenge omagumbo taga ka monika kondando yi li nawa.Alexander okwa tula wo aniwa oshimaliwa shOondola dha Namibia oomiliyuna ntano oshinkwanu omugoyi mobisinisa yedhina Monarch Panelbeaters.Alexander okwe shi ulike wo aniwa kutya oku na edhiladhilo okukala mu Namibia, sho a tokola okuya ku Namibia kuye mwene – pamwe nomukulukadhi gwe naanona ye yatatu, sho e eta oshimaliwa shOondola dha Namibia oomiliyuna ethele nomilongo mbali, sho a landa egumbo mOvednuka lyOondola dha Namibia oomiliyuna ndatu oshinkwanu hetatu nosho wo sho a tula oshimaliwa shOondola dha Namibia oomiliyuna omulongo na yimwe moongeshefa dhi ili nodhi ili mu Namibia.Opelemeta yokulonga mu Namibia okwe yi pewa momasiku 28 ga Aguste.Eindilo lyobooloha ya Alexander okwa li natango tali ungaungiwa nalyo kOmpangu ohela.Omasiku ga zi ko, Oshifokundaneki sha Wall Street Journal shokuAmerika osha lopota kutya Epangelo lyaAmerika olya mono kutya Alexander oku li mu Namibia, pakutala omanano nomapungulo giimaliwa ngoka a ningi mOombaanga.Momasiku 31 ga Juli, Epangelo lyaAmerika olya li lya gandja elombwelo kutya Alexander na kwatwe po konima sho aniwa a ndopa okuya kOmpangu a ka yamukule kiipotha yuulunga mbyoka a lopotelwa.Olukongo lwe olwa tameke mu Juli, konima sho Epangelo lyaAmerika lya nyenyeta kutya Alexander naaniilonga ooyakwawo yaali mOkampani ndjika oya kengelele meholamo egandjo lyoosheya dhOondola oomiliyuna opo ya lye ko sha yoyene.Alexander ye mwene omvalele ya Israeli (noku li OmuJew) ihe mu Amerika okwa kala mo oomvula dhi li 20.Momaandaha, olya li esiku eyapuki noonkondo lyAaJew, hali ithanwa esiku lya Yom Kippur.Mesiku ndika, AaJew muuyuni auhe ohaya dhimbulukwa esiku ndika nokwiidhilika iikulya nokugalika ong’endhindhiliko kutya oyi itedhulula.Ihe kombinga ya Alexander, kuye olyali li ili.A taalele eshunitho ku Amerika hoka a ningilwa iipotha yi li 31 yuufuthi, Alexander okwa ningi oowili odhindji mOmaandaha mokakololo kompangulilo ya Mengesterata mu Katutura.Okwa tokolo okukala ashike a mwena e ta etha Aanavetakalelipo ye oyo ye mu popile ko sho Mengestrata Uaatjo Uanivi a tameke nokuungaunga neindilo lye lyombooloha.Alxander, ngoka e na ontseyo oyindji miikwakompiutera moshilongo shoka a valelwa (Israeli), sigo omuMei nuumvo okwa li Omukuluntuwiliki gwOkampani ya Comverse Technology Inc, ndjoka yi li Okampani onene muunangeshefa wiikwakompiutera.Manga nee aniwa ali Omukuluntuwiliki gwOkampani ndjika, Alexander, Epangelo lya Amerika olya popi kutya okwa kutha ombinga miilonga yuulunga moka a kwathele okukengelela elanditho lyoosheya opo a tule mekutu oshimaliwa shimwe shOondola dha Amerika oomiliyuna.Pokati ka Januali 1998 na Maalitsa 2006, Alexander okwa li aniwa a ningi omulumentu omuyamba noonkondo mu Amerika mokumona ovenisa yOondola dha Amerika oomiliyuna ethele nomilongo ndatu nahetatu, mokulanditha oosheya mOkampani.Ihe aniwa Oondola dha Amerika oomiliyuna hamano oshinkwanu ne shomoshimaliwa shomoprofita ndjoka a mono, osha zi mokukengelela ethimbo nondando yoosheya ndhoka a mono mOkampani.Molwashoka oshimaliwa osho tashi dhana onkandangala mepangulo lya Alexander, natango osho wo tashi dhana onkandangala mobooloha ndjoka a hala a pewe.Uuyelele ulwe mboka wa pewa Ompangu otau popi wo kombinga yobooloha ndjoka a hala a pewe nayo okwa hala wo okuyi pewa shi li oshitsa sho a kala oye.KOBI ngoka kala ta konga kEpangelo lyoshilongo shoka shi na sha niipotha nuulunga, okwa kwata po mEtitatu lyoshiwike shika mOvenduka.Ompangu ya Mengestrata oya hala okuuva kutya osha ende ngiini Alexander a ninge omakwatathano naanangeshefa yAanemibia, nonande mu Namibia opo ashike e ya mo mu Juli nuumvo.Alexander okwa eta aniwa nale oshimaliwa she shOondola oomiliyuna ethele nomilongo mbali (N$120 million) na oku na edhiladhilo okupungula oshimaliwa shOondola oomiliyuna omathele gatatu (N$300 million) moshilongo.Okwa landa egumbo lyOondola oomiliyuna ndatu oshinkwanu hetatu mOvenduka na okwa mono opelemeta yokulonga mu Namibia, konima ashike yomwedhi gumwe sho a thiki mu Namibia.Shika osha li sha lombwelwa Mengestreata Uanivi ku Hahende gwa Alexander, Herman Oosthuizen.Mengestrata Uanivi okwa lombwelwa wo kutya Alexander okwa pungula wo nale oshimaliwa shOondola dha Namibia oomiliyuna omulongo nayimwe moongeshefa dhi ili nodhi ili ye li mo naanangeshefa yAanamibia.Gumwe gwomaanangeshefa mbaka oye aniwa omukwiita a penzelwa Briagadier Mathias Shiweda, ngoka oye a li Omukuluntu gwOkampani hayi longo iihauto yuukwiita ya Windhoeker Maschinenfabrik.”Ondi imanga kumwe mokuma oshipambu shi thike pamwe nOmunangeshefa OmuNamibia a tseyika nawa Brigadier Mathias Shiweda,” Alexander osho a popi ngaaka moondokumende ndhoka a gandja kOmpangu.Okwa ti Shiweda okwa landa omaliko ogendji guunangeshefa mOmbaye .Shika osha kwatela mo ehala li na oosikweyameta tadhi ihilile po 54 000 nevi limwe ndyoka a landa kOondola oomiliyuna ndatu oshinkwanu ne.Mpaka okwa hala aniwa okutunga po omagumbo gombiliha, Alexander ta popi ngaaka.Omwiimangikumwe naye gumwe OmuNamibia oye Ananias Martin, ngoka a landa ooplota dhi li 15 po Swakopmund nOmombaye, mpoka a hala wo okutunga po omatungo goongeshefa nenge omagumbo taga ka monika kondando yi li nawa.Alexander okwa tula wo aniwa oshimaliwa shOondola dha Namibia oomiliyuna ntano oshinkwanu omugoyi mobisinisa yedhina Monarch Panelbeaters.Alexander okwe shi ulike wo aniwa kutya oku na edhiladhilo okukala mu Namibia, sho a tokola okuya ku Namibia kuye mwene – pamwe nomukulukadhi gwe naanona ye yatatu, sho e eta oshimaliwa shOondola dha Namibia oomiliyuna ethele nomilongo mbali, sho a landa egumbo mOvednuka lyOondola dha Namibia oomiliyuna ndatu oshinkwanu hetatu nosho wo sho a tula oshimaliwa shOondola dha Namibia oomiliyuna omulongo na yimwe moongeshefa dhi ili nodhi ili mu Namibia.Opelemeta yokulonga mu Namibia okwe yi pewa momasiku 28 ga Aguste.Eindilo lyobooloha ya Alexander okwa li natango tali ungaungiwa nalyo kOmpangu ohela.Omasiku ga zi ko, Oshifokundaneki sha Wall Street Journal shokuAmerika osha lopota kutya Epangelo lyaAmerika olya mono kutya Alexander oku li mu Namibia, pakutala omanano nomapungulo giimaliwa ngoka a ningi mOombaanga.Momasiku 31 ga Juli, Epangelo lyaAmerika olya li lya gandja elombwelo kutya Alexander na kwatwe po konima sho aniwa a ndopa okuya kOmpangu a ka yamukule kiipotha yuulunga mbyoka a lopotelwa.Olukongo lwe olwa tameke mu Juli, konima sho Epangelo lyaAmerika lya nyenyeta kutya Alexander naaniilonga ooyakwawo yaali mOkampani ndjika oya kengelele meholamo egandjo lyoosheya dhOondola oomiliyuna opo ya lye ko sha yoyene.