Kerina a galukila ko Swapo

GUMWE gwomaatotipo yo Swapo, omusamane Mburumba Kerina, okwa galukile ishewe ko Swapo konima yoomvula sho a kala koongundu dhompilamena.

Amushanga gwOmauyelele gwo Swapo, Jerryb Ekandjo, okwa li a tseyitha egalukilo lya Kerina ko Swapo mEtiyali lyoshiwike shika mOvenduka.
Ekandjo okwa li wo a pe Kerina okakalata kuukwashilyo wo Swapo, ta ti kutya Swapo okwa egulukila Aanamibia ayehe. Kerina okwa enda noongundu dhopapolitika.
Konima sho oshilongo sha manguluka, Kerina okwa li oshilyo sho DTA mOmutumba gwOpashigwana e ta ka thiga po ishewe DTA okuya ko Nudo, hoka ina kala ko ethimbo.
Mo Swapo okwa li a tidhwa mo mu June 1961, konima sho a tseyitha kutya okwa tota po opaati yo Independence and National Convention Party.