Kenyatta na Ruto ota ya ka pangulwa komeho go ICC mokuyonena aantu

AAWILIKI yaali yopapolitika mo Kenya mboka ya hala oku ka kondjela uuperesidende opamwe na yakwawo yaali okwa tokolwa ya ka pangulwe mohofa yopaigwna yo Hague ko Netherlands, Mbaka oyo Uhuru Kenyatta na William Ruto mboka taya kongwa ya ka hokololithwe iilonga yomiyonena ye yi ningile aantu konima yomahogololo gomumvo 2008.

Etokolo opo mbaka ya ka pangulwe olya ningwa kompangu ndjoka mo Hague. Oshinima shika ota ku tiwa otashi vulika shi kale noshilanduli oshinene shopapolitika mo Kenya.Kanyatta omwana gwomupersidende gwotango gwa Kenya, na Ruto , ngoka ali nale ominista yelongo lyopombanda oya hala okuthikama ongo ookandidate dhuupersidende momahogololo tgomumvo taguya. Ngele mbaka oya tumwa oku kapangulws kohofa nena shika otashi ka piya ganeka omalalakano gawo ooku thikama ongo okandidate. Ndele Ruto okwa ti kutya oshinima shoka ota shi yi komeho ye ita shuna monima okuuka komeho nomadhiladhilo ge. Ishewe iikundaneki oya ti Ruto ota ka kondjitha etokolo ndyoka. Iikundaneki yimwe oya londodha kutya oshinima shika otashi vulika shika etithe omakuyunguto moKenya, ngele aantu oye wete ohofa ya longo shaa li nawa.Ohofa oya li ya tokola kutya opena uumbangi wa gwana oku ya hokololitha.