Kaura a ulike oonani dhe dhokomeho ongo”A”

ONGUNDU yoDTA oya dhana oshituthivalo shayo shomimvo 32 molyomakaya. Iitendele dhimbuluko mbika oya ningilwa poFreedom Square moKatutura. Pethimbo lyedhimbuluko ndika omuwiliki gwoDTA omusamane Katuutire Kaura okwa ulike komasindano gongundu ye monakuziwa noshowo okwa ndjandjukununa omalalakano gongundu ye monakuyiwa.

Omalalakano ngaka okwe galuku oondjodhi dhongundu ya A. Kaura okwa ti oshilongo otashi ka hogolola ongundu ya A ndjoka ta yi nananwa ku yemwene, Johan de Waal, Phillemon Moongo noshowo McHenry Venaani, shi iikwatelela kiilonga yawo monakuziwa.Kaura okwoodhekemo oonkungulu dhaNamibia ndhoka hadhi pewa oshikwiila shevululuko kutya ongundu ye ota yi ke dhi tala, mokugwedha oshikwiila shika sigo opoodola 1200 komwedhi. Ngashingeyi aakulupe mbaka ohaya pewa oodola 450 komwedhi.Kaura okwa uvanekele aakulupe kutya kohi yepangelo lye yo ita ya ka thiminikwa ya taambe oshikwiila shawo momutenya ngaashi hashi ningwa ngashingeyi. Okwa ulike koshiningwanima shimwe omwedhi nguka sho omukokele gumwe a li a gwetelele molwaashoka okwa ningi ethimbo ele a thikama momutenya a tegelela a topolelwe oshikwiila she.Okwa ti miilando omu na omahala giigongi ogendji. Epulo oli li mpoka kutya omolwashike aakulupe ye na okuthikamekwa mentango ngele ta ya taamba oshikwiila shawo,?’Kaura ta pula.Kaura okwa lundile epangelo ta ti ka li na omutima, lyo ka li na eiyuvo lyuukwanankali naakulupe.Okwa lombwele aagundjuka kutya, epangelo lye ota li ka gandja iimaliwa yokwiilongitha kwaamboka ye yi pumbwa shili, ndele ha ku gandja iimaliwa mbika kaana yoohashike shalye.Kaura okwa dhimbulutha oshiindingili nokutya ongundu ye ya A oya kondjitha notayi tsikile nokukondjitha ehangano lyaNamwater.Okwa ti ngele oDTA oya hogololwa koshipundi nena Namwater ota ka tewa iilonga ta yi shuna miikaha yepangelo, opo oshinakugwanithwa shoku gandja omeya shikale miikaha yepangelo.’Omeya ngele ogo omwenyo onkene oga pumbwa okupewa omuntu kehe, itaa pa futwa sha.Na omeya ita ga vulu okulelwa komuleli gwehangano ngoka ta pewa oodola 120 000 komwedhi Okwa ti shika ka shi li mondjila oku tala aanamadhina yepangelo omeya gawo ihaga tetwa ko ndele shampa ashike goohepele ga gongele iimaliwa iishona,go oga tetwa ko Sho a shuna mondjokonona yo ngundu ye. Kaura okwa ti ongundu ye oyo ya etithapo eopaleko lyoshipangelo shas Windhoek. Ongundu ye oyo woo ya eta sigo kutya aaSan ya kale haya fumvikwa miiketha.