GUMWE gwomaanapolitika ya Namibia ya tseyika nawa, Moses Katjiuongua, nguka omasiku ga zi ko a zi mo mongundu yo Congress of Democrats, okwa ti ye ndjoina ongundu yo South West African Union (Swanu).
Oshiwike sha zi ko, Omupresidende gwa Swanu Usutuaije Maamberua okwa li a taamba ko Katjiuongua sho a aniwa ndjona opaati yawo.
‘Ngame inandi ndjoina Swanu,’ Katjiuongua osho a lombwele The Namibian ngaaka mEtiyali, konima sho mOshifo shika mwa holoka ehokololo tali ti kutya okwa ndjona Swanu.
Katjiuongua oku li gumwe gwomaatotipo yo Swanu, ndjoka oyo yi li ongundu yopapolitika onkulu kwaadhihe – ya totwa po momumvo 1959. ‘Swanu okwa taambako onkatu yuupenda ya kuthwa ku Hailwa Katjiuongua sho a thigi po CoD nokugalukila ko Swanu ya Namibia,’ Omupresidende gwa Swanu Usutuaaije Maamberua, osho a popi ngaaka momushangwa gwa tumininwa iikundaneki kongundu ndjika oshiwike sha zi ko.
Nande Swanu okwa popi ngaaka, Katjiuongua okwa ti ye ina shunda ko Swanu.
Pethimbo a li ta tseyitho ethigopo lye lyo CoD, Katjiuongua okwa ti ye ke wete onakuyiwa yo CoD na ke wete wo ongundu ndjika tayi eta po sha elunduluko lya sha mopolitika ya Namibia.
Okwa ti petameko, ye okwa li aniwa e wete CoD e li opaati ompe, kayi shi yopaukwamuhoko, tayi ka eta po omalunduluko, ihe nani shika hasho.
Okwa ti olundji mopaati ndjika omwa kala iita yopashigwana na omwa monika wo omumbululu kuukwamuhoko nokuukayamukulwa.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
