Katjiuongua a shuna ko Swanu

GUMWE gwomaanapolitika ya Namibia ya tseyika nawa, Moses Katjiuongua, nguka omasiku ga zi ko a zi mo mongundu yo Congress of Democrats, okwa shuna kongundu yo South West African Union (Swanu).

Katjiuongua oku li gumwe gwomaatotipo yo Swanu, ndjoka oyo yi li ongundu yopapolitika onkulu kwaadhihe – ya totwa po momumvo 1959. ‘Swanu okwa taambako onkatu yuupenda ya kuthwa ku Hailwa Katjiuongua sho a thigi po CoD nokugalukila ko Swanu ya Namibia,’ Omupresidende gwa Swanu Usutuaije Maamberua, osho a popi ngaaka.Pethimbo a li ta tseyitho ethigopo lye lyo CoD, Katjiuongua okwa ti ye ke wete onakuyiwa yo CoD na ke wete wo ongundu ndjika tayi eta po sha elunduluko lya sha mopolitika ya Namibia.Okwa ti petameko, ye okwa li aniwa e wete CoD e li opaati ompe, kayi shi yopaukwamuhoko, tayi ka eta po omalunduluko, ihe nani shika hasho.Okwa ti olundji mopaati ndjika omwa kala iita yopashigwana na omwa monika wo omumbululu kuukwamuhoko nokuukayamukulwa.