Kapia a kuthwa mewiliko lyoSwapo

AMUSHANGA gwEwawa lyAagunduka moSwapo Paulus Kapia ota ka kanitha oshipundi she mOmutumba gwOpashigwana na otashi vulika wo a ka tidhwe mo moSwapo.

Moshinima natango tashi mu uvitha nayi, Kapia ngoka a li a thigi po iilonga yUupeviminista mUuministeli wIiyenditho nOmakwatathano gopangodhi, mEtine lyoshiwike sha zi ko okwa kuthwa ishewe moSwapo pakathimbo, a kale a tegelela shoka tashi ke mu zila momakonakono gOmpangu kombinga yoshimaliwa sha Social Security Commission (SSC), shoka sha kanene mOkampani ya Avid Investments. Mehuliloshiwike lya zi ko, Ewawa lyAagundjuka moSwapo olya li lya pe Kapia efudho, konima yoshiwike shimwe sho a thigi po iilonga yUupeviminista.Amushanga -Ndjayi gwoSwapo Ngarikutuke Tjiriange, okwa lombwele aanankundana mOvenduka mEtine lya zi ko kutya, Kapia ita ka shuna mOmutumba gwOpashigwana ngele Egumbo ndika lya tameke iilonga yalyo pehulilo lyomwedhi nguka.”Ongundu yoSwapo otayi ningi omalongekidho ge li nawa Kapia a thige po oshipundi she mOmutumba gwOpashigwana,” Tjiriange ta popi ngaaka.Kapia okwa li gumwe gwomAawiliki aakulu yOkampani ya Avid Investments na ota ku popiwa kutya okwa li a longitha oonkondo dhopapolitika opo SSC a tule oshimaliwa mOkampani ompunguli ya Avid Investments.Otaku popiwa kutya Kapia okwa li a pewa Oondola/N$40 000 ku Avid Investments, e yi tuminwa komukulukadhi gwa nakusa Lazarus Kandara, ngoka oye a li omutotipo nOmukuluntuwiliki gwa Avid.Kepulo, Kapia okwa ti okwa taamba ko ekutho lye moSwapo pakathimbo.Tjiriange okwa ti Ekotampango lya Namibia olya yela kutya omuntu oku na okuthiga po oshipundi mOmutumba gwOpashigwana uuna kwa ningwa shihe.Tjiriange okwa ti ekuthomopaati lyoshilyo shOparliamende, ihashi vulu okukuthitha omuntu oshipundi mOparliamende.Omuntu oha vulu aniwa okukuthwa oshipundi, uuna a mbendanga ong’oshilyo shOmutumba gwOpashigwana nenge ke shi we oshilyo shongundu ndjoka a li a kalela po mEgumbo ndika.Tjiriange okwa ti pakotampango lyokangundu okaningi omatokolo omanene gopapolitika koSwapo, ngele osha yambidhidhwa komawi giititatu iyali yiilyo yako, omuntu oha vulu okutidhwa mo mOpaati.Ihe aniwa omuntu nguka oha pewa ngaa manga ompito a gandje ombinga ye ku shoka ta popilwa.Kombinga nee aniwa ya Kapia, Tjiriange okwa ti ongundu yawo otayi ka gandja ompito ku Kapia a yamukule ku shoka ta popilwa.”Oveta oyi na okutali ka ko yi li pauyuuki,” Tjiriange ta ppi ngaaka.”Ihe ngele oshilyo osha lopotelwa iilonga yuulingilingi iinene, ya kwashilipalekwa nenge inashi inayi kwashilipalekwa, shika otashi vulu okunyateka edhina lyOpaati,” ta tsikile ko ngaaka.Kapia, okwa kala Amushangwa gwEwawa lyAagundjuka moSwapo okuza momumvo 1997 e ta ka ningwa ishewe Ominista yopevi yUuministeli wIiyenditho nOmakwatathano gopangodhi mu Maalitsa nuumvo.Kapia okwa lombwele The Namibian mEtine lya zi ko kutya ye ina haluka ketokolo ndika lyOpaati yawo.Ta ti, etokolo ndika okwe li taamba ko.Okwa ti ye okwa kala nokuninga omakwatathano nEwiliko lyOpaati nosho wo na Tjiriange.”Ondi ilongekidha okuza mo mEwiliko lya SPYL nomOparliamende, shaa shi onda mbendanga nale ong’Omupeviminista,” Kapia ta popi ngaaka.Omathimbo ga zi ko, Kapia okwa li a popi kutya ye pamwe nayakwawo mboka ya li Aawiliki ya Avid, kaya li ye shi sha kombinga yepaathano lyiimaliwa pokati ka Kandara nOmukuluntuwiliki gwOkampani ya Namangolo Investments, Nico Josea.”Onda hala okulombwela oshigwana oshinima shimwe: Ngame natango ondi li omuntu tandi kondjitha iilonga iiwinayi moshigwana.Sho nda li oshilyo shEwilikongundu (lya Avid) omalalakano gandje oga li ga yela okuza esiku lyotano sigo ehulilo,” Kapia ta popi.Palista yongundu yoSwapo, ndjoka Tjiriange a popi kutya otayi ka landulwa ngashi yi li, Kapia ota ka pingenwa po (mOmutumba gwOpashigwana) ku ngoka a li nale Ominista yIikwapondje Hidipo Hamutenya.Hamutenya okwa li a tidhwa kOmupresidende omukulu Sam Nujoma, manga ashike ku na omasiku gane Okongresa yoSwapo yomumvo gwa zi ko yi tameke.Ngele Hamutenya okwa tindi oshipundi shika, Clara Bohitile (ngoka a li nale Ominista yopevi mUuminiseli wIimaliwa) oye ta landula ko.Mehuliloshiwike lya zi ko, Ewawa lyAagundjuka moSwapo olya li lya pe Kapia efudho, konima yoshiwike shimwe sho a thigi po iilonga yUupeviminista.Amushanga -Ndjayi gwoSwapo Ngarikutuke Tjiriange, okwa lombwele aanankundana mOvenduka mEtine lya zi ko kutya, Kapia ita ka shuna mOmutumba gwOpashigwana ngele Egumbo ndika lya tameke iilonga yalyo pehulilo lyomwedhi nguka.”Ongundu yoSwapo otayi ningi omalongekidho ge li nawa Kapia a thige po oshipundi she mOmutumba gwOpashigwana,” Tjiriange ta popi ngaaka.Kapia okwa li gumwe gwomAawiliki aakulu yOkampani ya Avid Investments na ota ku popiwa kutya okwa li a longitha oonkondo dhopapolitika opo SSC a tule oshimaliwa mOkampani ompunguli ya Avid Investments.Otaku popiwa kutya Kapia okwa li a pewa Oondola/N$40 000 ku Avid Investments, e yi tuminwa komukulukadhi gwa nakusa Lazarus Kandara, ngoka oye a li omutotipo nOmukuluntuwiliki gwa Avid.Kepulo, Kapia okwa ti okwa taamba ko ekutho lye moSwapo pakathimbo.Tjiriange okwa ti Ekotampango lya Namibia olya yela kutya omuntu oku na okuthiga po oshipundi mOmutumba gwOpashigwana uuna kwa ningwa shihe.Tjiriange okwa ti ekuthomopaati lyoshilyo shOparliamende, ihashi vulu okukuthitha omuntu oshipundi mOparliamende.Omuntu oha vulu aniwa okukuthwa oshipundi, uuna a mbendanga ong’oshilyo shOmutumba gwOpashigwana nenge ke shi we oshilyo shongundu ndjoka a li a kalela po mEgumbo ndika.Tjiriange okwa ti pakotampango lyokangundu okaningi omatokolo omanene gopapolitika koSwapo, ngele osha yambidhidhwa komawi giititatu iyali yiilyo yako, omuntu oha vulu okutidhwa mo mOpaati.Ihe aniwa omuntu nguka oha pewa ngaa manga ompito a gandje ombinga ye ku shoka ta popilwa.Kombinga nee aniwa ya Kapia, Tjiriange okwa ti ongundu yawo otayi ka gandja ompito ku Kapia a yamukule ku shoka ta popilwa.”Oveta oyi na okutali ka ko yi li pauyuuki,” Tjiriange ta ppi ngaaka.”Ihe ngele oshilyo osha lopotelwa iilonga yuulingilingi iinene, ya kwashilipalekwa nenge inashi inayi kwashilipalekwa, shika otashi vulu okunyateka edhina lyOpaati,” ta tsikile ko ngaaka.Kapia, okwa kala Amushangwa gwEwawa lyAagundjuka moSwapo okuza momumvo 1997 e ta ka ningwa ishewe Ominista yopevi yUuministeli wIiyenditho nOmakwatathano gopangodhi mu Maalitsa nuumvo.Kapia okwa lombwele The Namibian mEtine lya zi ko kutya ye ina haluka ketokolo ndika lyOpaati yawo.Ta ti, etokolo ndika okwe li taamba ko.Okwa ti ye okwa kala nokuninga omakwatathano nEwiliko lyOpaati nosho wo na Tjiriange.”Ondi ilongekidha okuza mo mEwiliko lya SPYL nomOparliamende, shaa shi onda mbendanga nale ong’Omupeviminista,” Kapia ta popi ngaaka.Omathimbo ga zi ko, Kapia okwa li a popi kutya ye pamwe nayakwawo mboka ya li Aawiliki ya Avid, kaya li ye shi sha kombinga yepaathano lyiimaliwa pokati ka Kandara nOmukuluntuwiliki gwOkampani ya Namangolo Investments, Nico Josea.”Onda hala okulombwela oshigwana oshinima shimwe: Ngame natango ondi li omuntu tandi kondjitha iilonga iiwinayi moshigwana.Sho nda li oshilyo shEwilikongundu (lya Avid) omalalakano gandje oga li ga yela okuza esiku lyotano sigo ehulilo,” Kapia ta popi.Palista yongundu yoSwapo, ndjoka Tjiriange a popi kutya otayi ka landulwa ngashi yi li, Kapia ota ka pingenwa po (mOmutumba gwOpashigwana) ku ngoka a li nale Ominista yIikwapondje Hidipo Hamutenya.Hamutenya okwa li a tidhwa kOmupresidende omukulu Sam Nujoma, manga ashike ku na omasiku gane Okongresa yoSwapo yomumvo gwa zi ko yi tameke.Ngele Hamutenya okwa tindi oshipundi shika, Clara Bohitile (ngoka a li nale Ominista yopevi mUuminiseli wIimaliwa) oye ta landula ko.