Kansela melelo lyOkahandja a longitha oonkondo dhe nayi

AAKALIMO yomOkahandja otaya nyenyeta kombinga yakansela gumwe melelo lyOkahandja aniwa ta tungu egumbo lyefilitsa mehala lyokuvululukilwa poshilando shoka. Ehala ndyoka otaku hokololwa ngashingeyi ta li ka patwa na ita li ka longithwa we kaakalimo yaamoka ngaashi shito.Ota ku tengenekwa kutya ehala ndyoka otali ka kundathanwa poshigongi shewilikongundu lya muni gwa Kahandja metitatu oshiwike shika, opo ku ka tseyithwe kutya ndika olya edhilwa na ota li kala ehala lyatungwa egumbo limwe.

Egumbo ndyoka olyomunashipundi shewilikongundu lya muni gwOkahandja,Valerie Aaron. Netungo ndyoka aniwa olili pokupwa.Egumbo ndyoka olili popepi nomayendo gasimana gaakwiita miita yekondjo oku kondjitha uukoloni waaNdowishi, mboka ya fumvikwa mpoka popepi nendiki lya Andreas Kukuri. Oshikwawo tashi ehama aaKahandja ooshoka sha Aaron aniwa a kwatelemo omilunga nokangwena hoka ka li ka tulwa mpoka ku muni gwaKahandja. Omiti ndhoka noshowo ongwena ndjoka oha yi silwa oshimpwiyu ku muni.Aaron okwa lundilwa woo kutya ye haye aniwa ta futile etendululo lyehala mpoka tapa tungwa egumbo ndyoka ndele iifuta mbyoka aniwa ota yi futwa ku muni oku pitila mehangano lyaagandjimayele, lyedhina Stubenrauch Planning Consultants. Ishewe oonzo otadhi ti Aaron ina thigapo oshigongi moka elundululo lyehala ndika lya li lya kundathanwa nokuziminwa.Aakalimo oya thaneke kutya egumbo ndyoka nali kumunwepo.