Kansela Julia Nepembe a hulitha mOngwediva

O MUKALIMO gwomOngwediva na Akweenyanga a tseyika nawa Julia Nepembe okwa penduka a hulithila megumbo lyawo mOngwediva ongula yohela meti 26 Maalitsa 2008.

Nando ina ku tseyika naanaa kutya meme Nepembe okwa si koshike, otaku tengenekwa kutya otashi vulika a si kethindakano lyombinzi nomutima, uuvu mboka wa kala tau mu hepeke noonkondo omathimbo ga zi ko. Nakusa Nepembe, ngoka e li omunangeshefa paithano, okwa kala Omuunganeki gwEwawa lyOomeme moSwapo mOshitopolwa sha Shana nosho wo Kansela mElelo lyondoolopa ya Ngwediva.Okwa kala wo Omweendithi nOmuuvithi gwOhapu ya Kalunga mEgongalo lyOngeleka ya Katoolika ka Roma mOngwediva nopethimbo ndika lyokuthiga po uuyuni okwa kala oshilyo shElelogongalo mOngeleka ndjoka.Nakusa omumwayina gwOministeli yOpevi yEgameno nEpopilo lyOshigwana, Gabes Shihepo, nokwa thiga ko omusamane gwe Frans Nepembe, oyana yaheyali nuutekulu.Omalongekidho gefumviko oge li metifa.Nakusa Nepembe, ngoka e li omunangeshefa paithano, okwa kala Omuunganeki gwEwawa lyOomeme moSwapo mOshitopolwa sha Shana nosho wo Kansela mElelo lyondoolopa ya Ngwediva.Okwa kala wo Omweendithi nOmuuvithi gwOhapu ya Kalunga mEgongalo lyOngeleka ya Katoolika ka Roma mOngwediva nopethimbo ndika lyokuthiga po uuyuni okwa kala oshilyo shElelogongalo mOngeleka ndjoka.Nakusa omumwayina gwOministeli yOpevi yEgameno nEpopilo lyOshigwana, Gabes Shihepo, nokwa thiga ko omusamane gwe Frans Nepembe, oyana yaheyali nuutekulu.Omalongekidho gefumviko oge li metifa.