OMUNAMBELEWA pitithi gwa Barden International moNamibia, Audley Kano Smith okwa ulikwa omukalelipo gwesimaneko gwa Namibia moshilongo shaMichigan mu Febuluwali nuumvo.Smith okwa pewa iilonga mbika kominista nale yiikwapondje, Marco Hausiku.Oshinakugwanithwa she osho okuhumitha komeho uuwanawa wa Namibia kombinga yomahupilo.
Ongo omukalelipo gwopasimaneko, Smith ota humitha komeho omangeshefelo noshowo omapungulo moNamibia.Ota kala ishewe noku humitha komeho oshilongo ongo ehala ewanawa lyomatalelopo mokati kaakwashigwana Aamerica. Ota kwatakanitha kumwe iiputudhilo yomoshilongo sha Michigan kumwe niiputudhilo ya Namibia, mokuhumitha komeho omataambathano gaalongwa okuza moNamibia noshowo okuza koMichigan oku ya ko Namibia.
Smith okwa dhiladhila oku kumika aanangeshefa ye na enwethemo enene yomoMichigan opo ya talelepo Namibia. Okwa ti okwa pandula epangelo lya Namibia omolwa einekelo li na muye sho lye mu pe oshinakugwanithwa sha tya ngeyika . Okwa ti okwa hala oku kwatakanitha aanangeshefa yomoMichigan pamwe naanambelewa yepangelo noshowo okuya ulikila oompito dhomapungulo ndhoka ta dhi adhika moNamibia.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
