Kanime mondjila yokuthiga po ECN

O MUKULUNTUWILIKI gwOshikondo shOmahogololo Philemon Kanime okwa popi kutya okwa uvithwa nayi komukalo ngoka ECN ta longitha mokumukutha mopoosa ndjika.

Kanime okwa kala mefudho lyowina okuza mu Apilili nuumvo konima yoontamanana dhomahogololo gopOmuthiya ngoka ngashiingeyi kwa thanekwa taga ka kala ko momasiku 26 gaSeptemba. Kanime ngoka e na ko owala omasiku okashona okuza mo thiluthilu mu ECN, okwa popi ngeyi kutya okwa taamba ko oshinima shoka kutya ookomufala ya ECN oya hala omuntu gulwe oye a kale omutse gwOshikondo shomahogololo mu Namibia, ashike okwa uvithwa nayi komukalo ngoka oshinima she tashi longwa nasho.”Onda li nokuli nda limbwele ngoka ulikile aantu iinakugwanithwa mopoosa ndjika (Omupresidende Hifikepunye Pohamba) kutya oshinima ashihe shika mwakwatelwa okutulwa kwandje mefudho lyowina inashi ningwa palandulathano.”Ina tsakumwe nangame, nokwa lombwele ndje kutya ondi li mefudho lyowina, ashike onde mu lombwele ngeyi kutya onda kuthwa miilonga pakathimbo.Onda ti mbyoka iitya owala tayi dhanwa nayo kaantu,” Kanime ta lombwele ngaaka The Namibian mEtitatu.Kuye, ngele omwedhi nguka ogweya pehulilo, “otashi ka kala ehulilo lyekwatathano lyandje na ECN.”Kanime okwa popi wo kutya okwa li e na ompito okufala ECN kOmpangu molwashoka ina longa noshinima she pamulandu ashike okwa tokola okushi etha owala shitye ngaaka.”Inandi hala okukondja puuyelele, na ishewe inandi hala oombapila dhOmpangu tadhi tumwa mpaka naampeyaka,” ta popi ngaaka.Okwa li a kuthwa miilonga pakathimbo konima sho Swapo a popi kutya okwa yakela mo edhina lya Magnus Nangombe momusholondondo gwookandidaate dhomahogololo gotango gopaendoolopa pOmuthiya.Kanime okwa li wo a yamukula kutya inatseya kutya Swapo okwa mono ngiini omusholondondo gwookandidaate ndhoka, na okushi shi nawa kutya Nangombe okwi ishangitha lela pethimbo.Kanime pamwe nayakwawo yaali oya li ya kuthwa miilonga pakathimbo uule wethimbo inali tumbulwa.Kapu na nando ogumwe a holoka komehp gokomitiye yomazulo, ashike yakwawo oya shunwa miilonga omanga kwatamekiwa nokulongo lwomuntu ngoka tayi pehala lya Kanime.mu ECN.ECN okwa totha mo nokuli ookandidaate ndhoka tadhi ka kondjela opoosa ndjika ngashi: Omukuluntuwiliki gwopakathimbo gwa ECN Moses Ndjarakana, komufala gwa ECN Andrew Nghidinwa, Mengestrata Rachel Nathanael, Komufala gwAaniilonga Bro-Mathew Shinguadja na Fanuel Tjingaete ngoka a li nale Omuyaluli-Ndjayi.Ehogololo lya hugunina otali ka ningwa owala konima ngele mboka yatano ya holoka komeho gokakomitiye nenge tutye gopanela yomapulapulo nosho wo komeho gOkomitiye yOparliamende ndjoka oyo tayi ka gandja epopilo kOmupresidende ngoka ta ka ulika gumwe gwomookandidaate ndhoka.Pokati mpoka ECN okwa tseyitha ngeyi mEtiyali lyoshiwike shika kutya okwa shangitha aahogololi ye li 206 pethimbo lyomaishangitho ga gwedhwa po pOmuthiya omasiku ga zi ko nomusholondondo gwaahogololi otagu ka tulwa puuyelele opo gu konakonwe uule woshiwike okuza nena.Omukuluntuwiliki gwopakathimbo mu ECN Ndjarakana okwa popi kutya omusholondondo ngoka otagu vulu okutalwa poombelewa oonene dha ECN mOvenduka nosho wo poombelewa dhUuministeli wUunamapya pOmuthiya.Mboka omadhina gawo ga eta omananathano momusholondondo nguka, otaya ka pewa ompito okuyelitha iipotha yawo komeho ga Mengestrata Peter Nangula pOshomeya pokati komasiku 24 ga Juli sigo 7 Aguste.Oongundu dhopapolitika otadhi ka gandja omadhina gookandidaate dhadho okuza momasiku 13 sigo 27 Aguste.Kanime ngoka e na ko owala omasiku okashona okuza mo thiluthilu mu ECN, okwa popi ngeyi kutya okwa taamba ko oshinima shoka kutya ookomufala ya ECN oya hala omuntu gulwe oye a kale omutse gwOshikondo shomahogololo mu Namibia, ashike okwa uvithwa nayi komukalo ngoka oshinima she tashi longwa nasho.”Onda li nokuli nda limbwele ngoka ulikile aantu iinakugwanithwa mopoosa ndjika (Omupresidende Hifikepunye Pohamba) kutya oshinima ashihe shika mwakwatelwa okutulwa kwandje mefudho lyowina inashi ningwa palandulathano.”Ina tsakumwe nangame, nokwa lombwele ndje kutya ondi li mefudho lyowina, ashike onde mu lombwele ngeyi kutya onda kuthwa miilonga pakathimbo.Onda ti mbyoka iitya owala tayi dhanwa nayo kaantu,” Kanime ta lombwele ngaaka The Namibian mEtitatu.Kuye, ngele omwedhi nguka ogweya pehulilo, “otashi ka kala ehulilo lyekwatathano lyandje na ECN.”Kanime okwa popi wo kutya okwa li e na ompito okufala ECN kOmpangu molwashoka ina longa noshinima she pamulandu ashike okwa tokola okushi etha owala shitye ngaaka.”Inandi hala okukondja puuyelele, na ishewe inandi hala oombapila dhOmpangu tadhi tumwa mpaka naampeyaka,” ta popi ngaaka.Okwa li a kuthwa miilonga pakathimbo konima sho Swapo a popi kutya okwa yakela mo edhina lya Magnus Nangombe momusholondondo gwookandidaate dhomahogololo gotango gopaendoolopa pOmuthiya.Kanime okwa li wo a yamukula kutya inatseya kutya Swapo okwa mono ngiini omusholondondo gwookandidaate ndhoka, na okushi shi nawa kutya Nangombe okwi ishangitha lela pethimbo.Kanime pamwe nayakwawo yaali oya li ya kuthwa miilonga pakathimbo uule wethimbo inali tumbulwa.Kapu na nando ogumwe a holoka komehp gokomitiye yomazulo, ashike yakwawo oya shunwa miilonga omanga kwatamekiwa nokulongo lwomuntu ngoka tayi pehala lya Kanime.mu ECN.ECN okwa totha mo nokuli ookandidaate ndhoka tadhi ka kondjela opoosa ndjika ngashi: Omukuluntuwiliki gwopakathimbo gwa ECN Moses Ndjarakana, komufala gwa ECN Andrew Nghidinwa, Mengestrata Rachel Nathanael, Komufala gwAaniilonga Bro-Mathew Shinguadja na Fanuel Tjingaete ngoka a li nale Omuyaluli-Ndjayi.Ehogololo lya hugunina otali ka ningwa owala konima ngele mboka yatano ya holoka komeho gokakomitiye nenge tutye gopanela yomapulapulo nosho wo komeho gOkomitiye yOparliamende ndjoka oyo tayi ka gandja epopilo kOmupresidende ngoka ta ka ulika gumwe gwomookandidaate ndhoka.Pokati mpoka ECN okwa tseyitha ngeyi mEtiyali lyoshiwike shika kutya okwa shangitha aahogololi ye li 206 pethimbo lyomaishangitho ga gwedhwa po pOmuthiya omasiku ga zi ko nomusholondondo gwaahogololi otagu ka tulwa puuyelele opo gu konakonwe uule woshiwike okuza nena.Omukuluntuwiliki gwopakathimbo mu ECN Ndjarakana okwa popi kutya omusholondondo ngoka otagu vulu okutalwa poombelewa oonene dha ECN mOvenduka nosho wo poombelewa dhUuministeli wUunamapya pOmuthiya.Mboka omadhina gawo ga eta omananathano momusholondondo nguka, otaya ka pewa ompito okuyelitha iipotha yawo komeho ga Mengestrata Peter Nangula pOshomeya pokati komasiku 24 ga Juli sigo 7 Aguste.Oongundu dhopapolitika otadhi ka gandja omadhina gookandidaate dhadho okuza momasiku 13 sigo 27 Aguste.