Kalunga ita dhipagelwa oyana, aanahambo

PONETHINDI K ALUNGA ita dhipagelwa oyana, aanahambo aapopi yoshiwmabo taya ti ngawo pethimbo lyoshigongi shawo ye shi ningile pOnethindi mOndonga mOlyomakaya ga zi ko, konima sho Ompangu yOpombanda mOvenduka ya gandja elombwelo kutya aanahambo mboka ya tidhilwe muuninginino wOkavango kElelo lyUukwangali naya shune mo manga oshinima shokukala kwawo mOkavango moka tashi kundathanwa nokukuthwa mo nawa.

Elombwelo lyOmpangu ndika olya gandja epepalelo enene kaanahambo nokaaniimuna mboka manga. Molyomakaya nee ngaka ga zi ko oya ningi oshigongi shawo pOnethindi mOndonga mOshitopolwa sha Shikoto moka ya kundathana mo nawa elombwelo lyOmpangu yOpombanda noshowo omalongekidho nkene ye na okushuna ishewe koohambo dhawo muuninginino wOkavango ngashi sha gandjwa kOmpangu yopombada.Manga oshigongi shoka inashi tameka, aanahambo mbaka oya imbi mo manga ongowela yaanahambo nokuninga egalikano ndjoka lya ningwa ku tatekulu Lameck Shikololo, gumwe gwomaanahambo aakuluntu muuninginino wOkavango.”Tangi tate Kalunga sho wa uva onkugo yaamoye.Tu kwatela komeho moonkundathana dhetu ngoye kala putse omathimnjo agehe mekondjo lyetu lyokumona uuthemba wetu nehala lyokulitha iimuna yetu, tu uva Tate omolu esilohenda lyoye, Amen, “tatekulu Shikokolo ta galikana ngawo.Oshigongi osha ningilwe mewiliko lyOmupopiliko gwAanahambo mbaka tate Vilho Hamunyela, a tseyika wo nawa nedhina Kabila ngoka oye a gandja uuyelele shi na sha nelombwelo lyOmpangu yOpombanda.Nonando nee ya nyanyukwa okuuva elombwelo ndjoka, aanahambo oyendji otaya ti kutya yo onkee ngaa ye li momalimbililo kutya Elelo lyUukwangali, ano Omukwaniilwa Sitentu Mpasi naalelwa ye oya tseyithilwa tuu nayo elombwelo lyOmpangu yOpombanda ndjoka.Opolisi nayo oye shi uva tuu? “Tse otwa tulwa muumbanda uunene komatilitho nomathiminiko ngoka twa kala tatu ningilwa kElelo lyUukwangali nokOpolisi, Epangelo lya tala ko ashike itali ti ko sha nande.Itali ganda aantu mboka sho taye tu ningile omatilitho nokudhipaga po oongombe dhetu nenge tadhi yakwa po.Tadhi tulilwa omauzigo momeya momithima.Taya fike po iigunda yetu noohambo dhetu nokuyonagula wo omaliko getu galwe,”taya ti ngawo, yaa na einekelo meshuno mo lyawo.Nande ongawo otaya ti kutya oya tokola toko okushuna mo nokutegelela shoka tashi ya po.Moolwashoka pethimbo limwe momithima dhawo omwa tulilwe uuzigo, aanahambo mbaka otaya ti kutya oye na uumbanda kutya momithima dhawo moka omwa tulwa uuzigo ishewe, sho ya zi ko ngeyi.Taya ti kutya sho taya shuna ngeyi koohambo dhawo oonkulu, otaya ka lolitha omeya ngoka koombwa nenge koondoongi, opo ya tale kutya kage na uuzigo.Tashi ti oombwa nenge oondongi ngele inadhi sa nena kage na uuzigo notaya vulu nee oku ga longitha.”Tse mOkavango otwa yile mo paveta, na kashi li ngashi tashi popiwa kutya otwa yile mo shaali Paveta,”Taya ti ngawo nokwiindila uuthemba wawo wu kale wa gamenwa moshikumungu shawo shika.Omuwiliki gwEhangano lyUuthemba wAantu moNamibia omusamane Phil ya Nangolo naye opo a li poshigongi shoka nopaindilo lyaanahambo okwa kala te ya fatululile noku ya tolokela mo nawa elombwelo lyOmpangu yOpombanda.Molwashoka melombwelo omwa shangwa ashike aanafaalama omugoyi mboka ya fala Omukwaniilwa Mpasi noshowo Elelo lye, Uuministeli wEpopilo nEgameno lyoshigwana nEpangelo, kOmpangu, aanafaalma yamwe oya kala ye na elimbililo kutya nayo mokushuna mOkavango oya kwatelwa mo tuu nenge ahawe.Omusamane Kabila okwe ya uvanekela kutya oshinima shoka ote ke shi kutha mo nawa nOhahende yawo meendelelo ngashi tashi vulika.Oshinima sheningo lyuufaalama muuninginino wOkavango, moka mwa kala aanafaalama yAawambo, nasho wo osha eta omalimbililo.Taya ti kutya Elelo lyUukwangali lyOpamuthigululwakalo olya hala okutula ongamba pokati kOwambo nOkavango pamukalo ngoka nokupatela aanahambo yAawambo pondje yOshitopolwa shoka ngele oya tidhwa mo.Elombwelo lyOmpangu yOpombanda olya ti ashike aanahambo mbaka otaya vulu okushuna moohambo dhawo muuninginino wOkavango moka, manga iinima ayihe ya kundukidha oshinima shokukala kwawo muuninginino wOkavango tashi kuthwa mo nawa.Itashi ti uupyakadhi mbuka owa kandulwa po thiluthilu, ashike osha monika mo ashike kutya ngele nani aanahambo mboka muuninginino wOkavango oya ya mo shaa li Paveta nena naamboka ye ya tidha mo oye ya tidha mo shaa li paveta.Onkee oshinima ashihe oshi na manga okushuna mpoka sha kala opo ihe shi endululwe nawa palandulathano nopauyuki.Molyomakaya nee ngaka ga zi ko oya ningi oshigongi shawo pOnethindi mOndonga mOshitopolwa sha Shikoto moka ya kundathana mo nawa elombwelo lyOmpangu yOpombanda noshowo omalongekidho nkene ye na okushuna ishewe koohambo dhawo muuninginino wOkavango ngashi sha gandjwa kOmpangu yopombada.Manga oshigongi shoka inashi tameka, aanahambo mbaka oya imbi mo manga ongowela yaanahambo nokuninga egalikano ndjoka lya ningwa ku tatekulu Lameck Shikololo, gumwe gwomaanahambo aakuluntu muuninginino wOkavango.”Tangi tate Kalunga sho wa uva onkugo yaamoye.Tu kwatela komeho moonkundathana dhetu ngoye kala putse omathimnjo agehe mekondjo lyetu lyokumona uuthemba wetu nehala lyokulitha iimuna yetu, tu uva Tate omolu esilohenda lyoye, Amen, “tatekulu Shikokolo ta galikana ngawo.Oshigongi osha ningilwe mewiliko lyOmupopiliko gwAanahambo mbaka tate Vilho Hamunyela, a tseyika wo nawa nedhina Kabila ngoka oye a gandja uuyelele shi na sha nelombwelo lyOmpangu yOpombanda.Nonando nee ya nyanyukwa okuuva elombwelo ndjoka, aanahambo oyendji otaya ti kutya yo onkee ngaa ye li momalimbililo kutya Elelo lyUukwangali, ano Omukwaniilwa Sitentu Mpasi naalelwa ye oya tseyithilwa tuu nayo elombwelo lyOmpangu yOpombanda ndjoka.Opolisi nayo oye shi uva tuu? “Tse otwa tulwa muumbanda uunene komatilitho nomathiminiko ngoka twa kala tatu ningilwa kElelo lyUukwangali nokOpolisi, Epangelo lya tala ko ashike itali ti ko sha nande.Itali ganda aantu mboka sho taye tu ningile omatilitho nokudhipaga po oongombe dhetu nenge tadhi yakwa po.Tadhi tulilwa omauzigo momeya momithima.Taya fike po iigunda yetu noohambo dhetu nokuyonagula wo omaliko getu galwe,”taya ti ngawo, yaa na einekelo meshuno mo lyawo.Nande ongawo otaya ti kutya oya tokola toko okushuna mo nokutegelela shoka tashi ya po.Moolwashoka pethimbo limwe momithima dhawo omwa tulilwe uuzigo, aanahambo mbaka otaya ti kutya oye na uumbanda kutya momithima dhawo moka omwa tulwa uuzigo ishewe, sho ya zi ko ngeyi.Taya ti kutya sho taya shuna ngeyi koohambo dhawo oonkulu, otaya ka lolitha omeya ngoka koombwa nenge koondoongi, opo ya tale kutya kage na uuzigo.Tashi ti oombwa nenge oondongi ngele inadhi sa nena kage na uuzigo notaya vulu nee oku ga longitha.”Tse mOkavango otwa yile mo paveta, na kashi li ngashi tashi popiwa kutya otwa yile mo shaali Paveta,”Taya ti ngawo nokwiindila uuthemba wawo wu kale wa gamenwa moshikumungu shawo shika.Omuwiliki gwEhangano lyUuthemba wAantu moNamibia omusamane Phil ya Nangolo naye opo a li poshigongi shoka nopaindilo lyaanahambo okwa kala te ya fatululile noku ya tolokela mo nawa elombwelo lyOmpangu yOpombanda.Molwashoka melombwelo omwa shangwa ashike aanafaalama omugoyi mboka ya fala Omukwaniilwa Mpasi noshowo Elelo lye, Uuministeli wEpopilo nEgameno lyoshigwana nEpangelo, kOmpangu, aanafaalma yamwe oya kala ye na elimbililo kutya nayo mokushuna mOkavango oya kwatelwa mo tuu nenge ahawe.Omusamane Kabila okwe ya uvanekela kutya oshinima shoka ote ke shi kutha mo nawa nOhahende yawo meendelelo ngashi tashi vulika.Oshinima sheningo lyuufaalama muuninginino wOkavango, moka mwa kala aanafaalama yAawambo, nasho wo osha eta omalimbililo.Taya ti kutya Elelo lyUukwangali lyOpamuthigululwakalo olya hala okutula ongamba pokati kOwambo nOkavango pamukalo ngoka nokupatela aanahambo yAawambo pondje yOshitopolwa shoka ngele oya tidhwa mo.Elombwelo lyOmpangu yOpombanda olya ti ashike aanahambo mbaka otaya vulu okushuna moohambo dhawo muuninginino wOkavango moka, manga iinima ayihe ya kundukidha oshinima shokukala kwawo muuninginino wOkavango tashi kuthwa mo nawa.Itashi ti uupyakadhi mbuka owa kandulwa po thiluthilu, ashike osha monika mo ashike kutya ngele nani aanahambo mboka muuninginino wOkavango oya ya mo shaa li Paveta nena naamboka ye ya tidha mo oye ya tidha mo shaa li pa
veta.Onkee oshinima ashihe oshi na manga okushuna mpoka sha kala opo ihe shi endululwe nawa palandulathano nopauyuki.