Kaleni nomukumo hogololeni molwelunduluko

SHO ta popi pehulilo lyiikonga yomahogololo omuwiliki gwoRDP , Hidipo Hamutenya okwa indile aahogololi ya ekelehi ondjoko yuutile eta ya thikama ye na omukumo nokuhogolola pamaiyuvo gawo,’.

Hamutenya sho a popi poshigongi shongundu ye ndjoka ya gwanitha oomvula mbali nomasiku gontumba okwa indile aaNamibia ya hulithepo oku gwaaleka oondjodhi dhomapendafule ga Namibia, ngoka ga kondjele onkalamwenyo ombwanawa ya kehe omukwashilongo gwevi ndika.’Oondjodhi dhomapendafule ngaka, noondjodhi dhoye oonene okuyeleka nuutile’omuleli gwo RDP ta ulike sho a lombwele aayambidhidhi yongundu ye moKatutura olyomakaya.’Swapo okwa tila okukanitha ehogololo’’Ngame ondi na oshimpwiyu kombinga yaanona, kombinga yaamboka kaayena iilonga nokombinga yaamboka yakuutumba pomatsakaneno goondjila dhiilando ya tegelela mboka ta ye ya ile po ye ya pe iilonga,’Hamutenya ta ti.’Ngame ondi na oshimpwiyu kombinga ye longitho nayi lyomalovu, nokombinga yuundingosho ta u tungwa popepi nomanongelo.’’Onda lulilwa kombinga yaantu yandje ta ya mwenya kaayena omagumbo omanga epangelo lya hala okutunga uundjugo pooha dhondjila,’ Hamutenya ta ulike.Aahogololi na ya dhiladhile kombinga yaantu mbaka sho ta ya hogolola metitano nolyomakaya, Hamutenya ta ti.Okwa ti ongundu ye ngashingeyi oyi na iilyo 390 000 mbyoka yi ishangitha, na okwa indile aayambidhidhi yongundu ye, ya ete omazimo gawo nookuume kawo kuuketha womahogololo opo ya hogolole molwelunduluko.Sho a shoneke oluhepo, elongo noshowo uulingilingi noombumbo, Hamutenya okwa pula aakwashigongi ngele ita shi kala ondjo okushuna ko epangelo ndika ishewe koshipundi oomvula ntano.Okwa ti omahogololo ngaka kage na sha noRDP nenge noSwapo ndele oge na sha nonakuyiwa yaNamibia, naanona ya Namibia, Hamutenya ta popi nomuthindo.Oshigongi shoRDP , moKatutura osha li sha kalwa kaatonateli yomahogololo ya za miilongo ya SADC, aatonateli yopapolitika, yuuthemba womuntu, noshowo opolisi ya Namibia oya kala mpoka oku kaleka po ompango nelandulathano.