Kala a hulitha

K ALA Gertze, oshilyo shongundu yo Congress of Democrats (CoD) mOmutumba gwOpashigwana, okwa hulitha kuuvu wo Asma uusiku wEtitatu lyoshiwike sha zi ko.

Gertze (47) okwa li a kwatwa kuuvu wo Asma manga e li kombanda, pethimbo lyekondjelomanguluko. Gertze okwa li gumwe gwomaatotipo yongundu yoCoD na okwa li Amushanga-Ndjayi gwopaati ndjika okuza momumvo 2004 – 2007, manga opaati ndjika inayi topoka muungundu uyali sha zi pOkongresa yawo ndjoka ya li po Keetmanshoop mu Mei 2007.Momutumba gOpashigwana okwa yi mo momumvo 2005.Gertze okwa li a ndjoina Swapo (pondje yoshilongo) momumvo 1978 e ta ka mona elongo mOshiputudhilo shIigwanahangano shAanamibia/United Nations Institure for Namibia (Unin) mu Lusaka sha Zambia.Konima sho a mana omadhewo ge gopaukwiita mo Lubango, okwa ka kwatwa po koSwapo momumvo 1983 e ta ka hepekwa, sigo a ka zimina miifundja kutya okwa li ondaadhi ya South Afrika.Okwa li a tulwa mokakuma uule woomvula hamano na sho a ka managululwa okwa ka galukila ku Namibia momumvo 1989.Gertze okwa li gumwe gwomaatotipo yongundu yoCoD na okwa li Amushanga-Ndjayi gwopaati ndjika okuza momumvo 2004 – 2007, manga opaati ndjika inayi topoka muungundu uyali sha zi pOkongresa yawo ndjoka ya li po Keetmanshoop mu Mei 2007.Momutumba gOpashigwana okwa yi mo momumvo 2005.Gertze okwa li a ndjoina Swapo (pondje yoshilongo) momumvo 1978 e ta ka mona elongo mOshiputudhilo shIigwanahangano shAanamibia/United Nations Institure for Namibia (Unin) mu Lusaka sha Zambia.Konima sho a mana omadhewo ge gopaukwiita mo Lubango, okwa ka kwatwa po koSwapo momumvo 1983 e ta ka hepekwa, sigo a ka zimina miifundja kutya okwa li ondaadhi ya South Afrika.Okwa li a tulwa mokakuma uule woomvula hamano na sho a ka managululwa okwa ka galukila ku Namibia momumvo 1989.