Kadhimamulilo gwa Shakati naye a kwathela okudhima omulilo kOmbuga

O MUPOPILIKO gwElelo lya Shakati tate Loth Nehemia okwa tseyithila Oshifo shika kutya Ololi yawo ya Kadhimamulilo noonakukondjitha omililo yayo ye li ya tano, meti 3 Oktoba 2005, oya li ya kakwathela mokudhima omulilo omudhigu ngoka gwa li gwi iteeyele mOmbuga yUukwambi nokuhanagala po oshitopolwa oshinene shomaulithilo mOshikandjohogololo shoka shUuvudhiya.

Nehemia ta ti kutya Kadhimamulilo gwawo nguka okwa li a ende ookilometa 140 okuya nokugaluka kombuga hoka, hoka a kandjoinine Otenga yOmeya onene yElelo lya Shana mokudhima omulilo ngoka pamwe naakwashigwana noshowo Etanga lyEgameno lya Namibia nOpolisi ya Namibia. Ta ti kutya iilyo yEtanga lyEgameno oya li ya kwathele aaniilonga yomu Kadhimamulilo yElelo lya Shakati moku yelutha ominino dhomeya dha kadhimamulilo nguka nokukwathela nee ngawo okudhima omulilo ngoka gwa li gwa geya noonkondo.”Aaniilonga yElelo lya Shakati oya kala uule wesiku alihe ndjoka lyeti 3 Oktoba 2005 taya dhimi omulilo ngoka, ngoka gwa kala tagu halakanitha po omaulithilo kombuga yUukwambi moka.”Nehemia ta ti nokugwedha po ta ti kutya uupyakadhi ya kala ye na hoka owomeya ngoka ga kala kaage ko, na ka kwali wo Otenga yimwe yomeya yi tule ngeno omeya mukadhimamulilo opo a dhime nawa omulilo ngoka.Meti 28 Septemba 2005, Nehemia ta ti, egumbo limwe mOndoolopa ya Ngwediva, taku tiwa kutya olyOmukuluntu gwOpevi gwOkolligi ya Ngwediva, olya yekele omulilo na kadhimamulilo gwa Shakati okwa li a endelele a ye ko opo a ka kwathele Elelo lya Ngwediva mokudhima egumbo ndjoka.”Elelo lya Shakati ano onkee tali kondjo mokuhupitha omaliko noomwenyo dhaakwashigwana mboka taya adhika komaudhigu ngashi ngaka gomililo mOndoolopa ya Shakati nomomudhingoloko.”Nehemia ta ti ngawo nokugwedha po ta ti kutya ongodhi yawo ndjoka ihayi futwa oyo 0800224557.Ano kehe ngoka to adhika koshiponga, unene tuu shomulilo, dhengela kongodhi ndjoka.Kansola gwOshikandjohogololo shUuvudhiya tate Amutenya gwaNdaafa okwa pandula noonkondo kekwatho ndyoka ya pewa kElelo lya Shakati mokutuma kadhimamulilo gwawo kOmbuga hoka nokukondja pamwe okudhima omulilo ngoka gwa li gwa geya noonkondo nogwa halakanitha po oshitopolwa oshinene shomaulithilo kombuga yUukwambi.Ta ti kutya iilyo yEtanga lyEgameno oya li ya kwathele aaniilonga yomu Kadhimamulilo yElelo lya Shakati moku yelutha ominino dhomeya dha kadhimamulilo nguka nokukwathela nee ngawo okudhima omulilo ngoka gwa li gwa geya noonkondo.”Aaniilonga yElelo lya Shakati oya kala uule wesiku alihe ndjoka lyeti 3 Oktoba 2005 taya dhimi omulilo ngoka, ngoka gwa kala tagu halakanitha po omaulithilo kombuga yUukwambi moka.”Nehemia ta ti nokugwedha po ta ti kutya uupyakadhi ya kala ye na hoka owomeya ngoka ga kala kaage ko, na ka kwali wo Otenga yimwe yomeya yi tule ngeno omeya mukadhimamulilo opo a dhime nawa omulilo ngoka.Meti 28 Septemba 2005, Nehemia ta ti, egumbo limwe mOndoolopa ya Ngwediva, taku tiwa kutya olyOmukuluntu gwOpevi gwOkolligi ya Ngwediva, olya yekele omulilo na kadhimamulilo gwa Shakati okwa li a endelele a ye ko opo a ka kwathele Elelo lya Ngwediva mokudhima egumbo ndjoka.”Elelo lya Shakati ano onkee tali kondjo mokuhupitha omaliko noomwenyo dhaakwashigwana mboka taya adhika komaudhigu ngashi ngaka gomililo mOndoolopa ya Shakati nomomudhingoloko.”Nehemia ta ti ngawo nokugwedha po ta ti kutya ongodhi yawo ndjoka ihayi futwa oyo 0800224557.Ano kehe ngoka to adhika koshiponga, unene tuu shomulilo, dhengela kongodhi ndjoka.Kansola gwOshikandjohogololo shUuvudhiya tate Amutenya gwaNdaafa okwa pandula noonkondo kekwatho ndyoka ya pewa kElelo lya Shakati mokutuma kadhimamulilo gwawo kOmbuga hoka nokukondja pamwe okudhima omulilo ngoka gwa li gwa geya noonkondo nogwa halakanitha po oshitopolwa oshinene shomaulithilo kombuga yUukwambi.