Kabila a ganeka omunwe aakwiita ya Jean-Pierre

K INSHASA – Omupresiende gwa DRC Joseph Kabila mEtitatu lya zi ko okwa gandja oowili 48 kaakwiita yIigwanahangano ya kale ya kutha mo aakwiita ya Jean-Pierre Bemba mu Kinshasa nongele inaye shi ninga, ota ka gandja elombwelo kaakwiita yoshilongo ya ninge ngaaka.

Elombwelo ndika olya talika ko tali ka piyaganeka onkalo mu Kinshasa, ndjoka kayi li nale nawa. Metiyali, aayambidhidhi ya Bemba oya li ya eta omakuyunguto pOmpangu yOpombandambanda ya DRC, pethimbo Bemba a li ta ningi eindilo kOmpangu ndjika kutya iizemo yomahogololo ngoka ga ningwa moshilongo shika mu Oktoba, nayi yalululwe molwashoka aniwa okandidaate yawo (Bemba) okwa nyokomwa.Bemba ina hala okuzimina esindiko lye ku Kabila momahogololo ngaka, moka a zi nomawi goopelesenda 41,95 omanga Kabila a zi mo nomwi goopelesenda 58,05.Ngaka ogo omahogololo gotango ga manguluka nogopandjokonona taga ningwa mu DRC.Aakwanepangelo oya popi kutya aakwiita ya Bemba oya li yu umbu oondjembo dho automatika mEtiyali, shoka sha ka eta efikopo lyombinga yimwe yOmpangu yOpombandambanda mu DRC, ihe aayambidhidhi ya Bemba otaya ti kutya ndhika odhanakalindi.Elombwelo kutya aakwiita ya Bemba naya kuthwe mo mu Kinshasa, Kabila okwe li gandja aniwa kOmukulu gwetumo lyIigwanhangano ku DRC Willim Swing.”Opwa li elombwelo lya yela ku Swing kutya oshinima shaakwiita ya Bemba nashi kandulwepo,” Omunambelewa gumwe mOmbelewa ya Kabila, osho a popi.Epangelo lya DRC olye shi popya nale kutya olya geela aakwiita yIigwanahangano sho aniwa ya nyengwa okukondolola aalanduli ya Bemba mu Kinshasa.Iigwanahangano oyi na aakwiitakelekipombili ya konda po 17 500 mu DRC.Mbaka oyo aakwiitakalekipombili yIigwanahangano oyendji muuyuni auhe ya tumwa koshilongo ya kale moshilongo shimwe pethimbo limwe.Omugandjimulombo gwa Bemba Fidel Babala okwa ti ye elombwelo ndika lya pewa Swing ku Kabila ine li uva.”Oku li natango Omupevipresidende na okwa uthwa okukala e na omuganeni,” Babala ta popi.Nampa-ReutersMetiyali, aayambidhidhi ya Bemba oya li ya eta omakuyunguto pOmpangu yOpombandambanda ya DRC, pethimbo Bemba a li ta ningi eindilo kOmpangu ndjika kutya iizemo yomahogololo ngoka ga ningwa moshilongo shika mu Oktoba, nayi yalululwe molwashoka aniwa okandidaate yawo (Bemba) okwa nyokomwa.Bemba ina hala okuzimina esindiko lye ku Kabila momahogololo ngaka, moka a zi nomawi goopelesenda 41,95 omanga Kabila a zi mo nomwi goopelesenda 58,05.Ngaka ogo omahogololo gotango ga manguluka nogopandjokonona taga ningwa mu DRC.Aakwanepangelo oya popi kutya aakwiita ya Bemba oya li yu umbu oondjembo dho automatika mEtiyali, shoka sha ka eta efikopo lyombinga yimwe yOmpangu yOpombandambanda mu DRC, ihe aayambidhidhi ya Bemba otaya ti kutya ndhika odhanakalindi.Elombwelo kutya aakwiita ya Bemba naya kuthwe mo mu Kinshasa, Kabila okwe li gandja aniwa kOmukulu gwetumo lyIigwanhangano ku DRC Willim Swing.”Opwa li elombwelo lya yela ku Swing kutya oshinima shaakwiita ya Bemba nashi kandulwepo,” Omunambelewa gumwe mOmbelewa ya Kabila, osho a popi.Epangelo lya DRC olye shi popya nale kutya olya geela aakwiita yIigwanahangano sho aniwa ya nyengwa okukondolola aalanduli ya Bemba mu Kinshasa.Iigwanahangano oyi na aakwiitakelekipombili ya konda po 17 500 mu DRC. Mbaka oyo aakwiitakalekipombili yIigwanahangano oyendji muuyuni auhe ya tumwa koshilongo ya kale moshilongo shimwe pethimbo limwe.Omugandjimulombo gwa Bemba Fidel Babala okwa ti ye elombwelo ndika lya pewa Swing ku Kabila ine li uva.”Oku li natango Omupevipresidende na okwa uthwa okukala e na omuganeni,” Babala ta popi.Nampa-Reuters