Itatu thiminike aanafaalama ya thige po Kavango, Opolisi

O POLISI ndjoka ya andjaganekelwa muuninginino woshitopolwa sha Kavango itayi thiminike nando aanahambo yAawambo mboka ya pewa elombwelo ya thige po oshitopolwa shoka yeshi ninge, ihe itaya tonatele owala onkalo moshitopolwa, omunambelewa omukuluntu mOpolisi ta popi ngaaka.

Opolisi okuza koshitopolwa sha Kavango, Ohangwena nOshikoto oya lombwelwa owala opo yi ye koshitopolwa shomuuninginino wa Kavango okukatonatela onkalo, ihe inayi pewa elombwelo okuthiminika mboka kwa ti naya kale ya zamo,” Mayola-Ndjayi Tuweefeni M’lukeni ta lombwele ngaaka The Namibian mEtiyali lyoshiwike shika. Pethimbo lyehololomadhiladhilo ndyoka lya ningwa mOmaandaha kaanahambo mboka ya pewa elombwelo kutya naya kale ya za mo muuninginino wa Kavango, Naftali Kayofa okwa li a popi kutya Opolisi nosho wo Etanga lyegameno mboka ya tulwa moshitopolwa shoka otaye ya thiminike ya ze muuninginino wa Kavango.M’lukeni ina popya nee ngele aanafaalama yAawambo mboka ya pewa elombwelo okuthigapo oshitopolwa sha Kavango otaa iyutha kelombwelo lyEpangelo okuza mo moshitopolwa sha Kavango nenge aawe.Okwa hokolola owala ngeyi kutya Opolisi ndjoka ya tumwa koshitopolwa shoka okwa tegelelwa yi ke mu pe olopota yaashoka ya mona po.Opolisi ndjoka oya li yi na okugaluka ko koshitopolwa shoka ongulohi yEtiyali lyoshiwike shika.Omanga aanafaalama yamwe yAawambo ya li ya pitikwa okulitha iimuna yawo muuninginino wa Kavango, Aawambo yamwe oya yi moshitopolwa shoka pwaana epitikilo nokutameka taya litha iimuna yawo.Oshinima shika osha ningitha nee Epangelo li gandje elombwelo kutya aanafaalama ayehe yAawambo naya kale ya thiga po oshitopolwa sha Kavango, na oye na okuningulula omaindilo gokupewa uuthemba wuulithilo wiimuna yawo moshitopolwa shoka.Otaku popiwa kutya aanafaalama yAawambo mboka ye li moshitopolwa shoka oye na mo oongombe dhi li 60 000 lwaampoka.Onzo yimwe ndjoka yi li popepi nOmukwaaniilwa gwUukwangali Sitentu Mpasi moshitopolwa shomuuninginino wa Kavango, oya hokololele The Namibian mEtiyali kutya, aanafaalama owala yomwaalu omushona oyo ya zamo moshitopolwa shoka.Onzo yomauyelele tayi popi ngeyi kutya aanafaalama oyendji otaya popi kutya kaye wete mpoka ye na okuya molwashoka kaye wete omahala guulithilo mOwambo.Otaya popi wo kutya pethimbo ndika iimuna yawo kayi na naanaa oonkondo okweenda iinano iile molwashoka oyi li moshikukuta.”Ondi wete kutya Omukwaniilwa Mpasi oteke ya pa ethimbo sigo omuDesemba opo ya kale ya za mo moshitopolwa,” onzo tayi popi ngaaka.The Namibian okwa ndopa okukoleka omapopyo ngoka kutya otashi vulika aantu mboka ya ka pewe ethimbo sigo omuDesemba nuumvo opo ya kale ya za mo muuninginino woshitopolwa sha Kavango.Omugandjimulombo gwaanafaalama tate Kayofa okwa lombwele The Namibian kutya oyendji yomaanafaalama oya tegelela Epangelo nOmalelo gaali gwopamuthigululwakalo, Elelo lyUukwanyama nosho wo Elelo lyaNdonga ge ya pe ehala lyuulithilo omanga inaya tameka okwiinyenga ya zemo moshitopolwa shoka sha Kavango.”Otwi inekela kutya otaya ka yamukula mbala moshinima shika molwashoka aanafaalama kaye wete mpoka taya kwata kombinga yonkalo ndjika,” Kayofa ta popi ngaaka.Ngoloneya gwoshitopolwa sha Kavango John Thighuru okwa popi wo kutya naye okwa tuma osipana koshitopolwa shomuuninginino wa Kavango opo yi ka konakone onkalo yo yi mu lopotele kutya onkalo hoka otayi shi enditha ngiini.Pethimbo lyehololomadhiladhilo ndyoka lya ningwa mOmaandaha kaanahambo mboka ya pewa elombwelo kutya naya kale ya za mo muuninginino wa Kavango, Naftali Kayofa okwa li a popi kutya Opolisi nosho wo Etanga lyegameno mboka ya tulwa moshitopolwa shoka otaye ya thiminike ya ze muuninginino wa Kavango.M’lukeni ina popya nee ngele aanafaalama yAawambo mboka ya pewa elombwelo okuthigapo oshitopolwa sha Kavango otaa iyutha kelombwelo lyEpangelo okuza mo moshitopolwa sha Kavango nenge aawe.Okwa hokolola owala ngeyi kutya Opolisi ndjoka ya tumwa koshitopolwa shoka okwa tegelelwa yi ke mu pe olopota yaashoka ya mona po.Opolisi ndjoka oya li yi na okugaluka ko koshitopolwa shoka ongulohi yEtiyali lyoshiwike shika.Omanga aanafaalama yamwe yAawambo ya li ya pitikwa okulitha iimuna yawo muuninginino wa Kavango, Aawambo yamwe oya yi moshitopolwa shoka pwaana epitikilo nokutameka taya litha iimuna yawo.Oshinima shika osha ningitha nee Epangelo li gandje elombwelo kutya aanafaalama ayehe yAawambo naya kale ya thiga po oshitopolwa sha Kavango, na oye na okuningulula omaindilo gokupewa uuthemba wuulithilo wiimuna yawo moshitopolwa shoka.Otaku popiwa kutya aanafaalama yAawambo mboka ye li moshitopolwa shoka oye na mo oongombe dhi li 60 000 lwaampoka.Onzo yimwe ndjoka yi li popepi nOmukwaaniilwa gwUukwangali Sitentu Mpasi moshitopolwa shomuuninginino wa Kavango, oya hokololele The Namibian mEtiyali kutya, aanafaalama owala yomwaalu omushona oyo ya zamo moshitopolwa shoka.Onzo yomauyelele tayi popi ngeyi kutya aanafaalama oyendji otaya popi kutya kaye wete mpoka ye na okuya molwashoka kaye wete omahala guulithilo mOwambo.Otaya popi wo kutya pethimbo ndika iimuna yawo kayi na naanaa oonkondo okweenda iinano iile molwashoka oyi li moshikukuta.”Ondi wete kutya Omukwaniilwa Mpasi oteke ya pa ethimbo sigo omuDesemba opo ya kale ya za mo moshitopolwa,” onzo tayi popi ngaaka.The Namibian okwa ndopa okukoleka omapopyo ngoka kutya otashi vulika aantu mboka ya ka pewe ethimbo sigo omuDesemba nuumvo opo ya kale ya za mo muuninginino woshitopolwa sha Kavango.Omugandjimulombo gwaanafaalama tate Kayofa okwa lombwele The Namibian kutya oyendji yomaanafaalama oya tegelela Epangelo nOmalelo gaali gwopamuthigululwakalo, Elelo lyUukwanyama nosho wo Elelo lyaNdonga ge ya pe ehala lyuulithilo omanga inaya tameka okwiinyenga ya zemo moshitopolwa shoka sha Kavango.”Otwi inekela kutya otaya ka yamukula mbala moshinima shika molwashoka aanafaalama kaye wete mpoka taya kwata kombinga yonkalo ndjika,” Kayofa ta popi ngaaka.Ngoloneya gwoshitopolwa sha Kavango John Thighuru okwa popi wo kutya naye okwa tuma osipana koshitopolwa shomuuninginino wa Kavango opo yi ka konakone onkalo yo yi mu lopotele kutya onkalo hoka otayi shi enditha ngiini.