Ina shi puka okuganena uukwashilyo woSwapo: Mensah-Williams

E FOLO Margaret Mensah-Williams, ngoka e li oshilyo shongundo yoSwapo mOlaata yOpashigwana, oshiwike shika okwa popi kutya kapu na epuko lyasha ngele ongundu yawo oya hala iilyo yayo ayihe yi ninge egano.

Mensah-Williams okwa pula kutya omolwashike sha talika ko shu uka ngele Aapresidende, Oominista niilyo yOparliamende tayi ganithilwa iilonga, ihe ina shi yuka kiilyo yoSwapo? “Omolwashike kashi li paundemokoli, ngele ou li oshilyo shehangano nowa itaala omilandundunge, omalalakano nomakankameno galyo e to ningi egano wi iyuthe komilandu dhalyo? Uupyakadhi ou li peni?,” Mensha-Williams ta pula ngaaka. Shika okwe shi popi mOlaata yOpashigwana mEtityali lyoshiwike shika, pethimbo ta yamukula koshinyolwa sha holokele mOshifo shika mOmaandaha tashi popi kutya ongundu tayi pangele yoSwapo oya fa yi ikwata uukwashili wiilyo yayo, noya pulanda nokuli ngeyi kutya iilyo ayihe yoSwapo nayi ninge egano.Mensah-Williams okwa ti ngele opu na Aakwaswapo yamwe ye li ompinge nopulanda ndjika, “oye na ngiika shoka taya holeke.Ngele ito tsu kumwe noshinima, kutya nee omondjokana moka hamu ningwa egano, oho hengana.”Okwa ningwa nee omukanda ngoka tagu ka udhidhwa koshilyo kehe nokugu shaina – moka omuntu ta ka pulwa a ninge egano lyokulongela opaati muushili mombepo yuukumwe noyuuhailwa.Oshilyo kehe otashi ka udhitha ofooloma ndjika, noshi na wo oku udhitha mo onomola yokakalata kuukwashilyo.Iitya yimwe oya kuthwa owala momagano ngoka haga ningwa kOominista dhOkabinete yi li ngaashi yi li.Omushangwa nguka, ngoka gu li miikaha yoThe Namibian otagu ningi iilyo ayihe yoSwapo yi ninge egano kutya otayi ka longela Swapo, iikondo ye nosho wo okwiiyutha komilandu nokomalombwelo gaanambelewa yoSwapo.Shika otashi ningwa paitulomo nosho wo muukwashili wokulalakanena omilandu nEkotampango lyoSwapo.Amushanga-Ndjayi gwoSwapo Ngarikutuke Tjiriange ngoka e li wo Oministeli yOonakulwa aakuluntu, okwa koleke omushangwa nenge tutye ofooloma yegano ndika.Shika okwe shi popi mOlaata yOpashigwana mEtityali lyoshiwike shika, pethimbo ta yamukula koshinyolwa sha holokele mOshifo shika mOmaandaha tashi popi kutya ongundu tayi pangele yoSwapo oya fa yi ikwata uukwashili wiilyo yayo, noya pulanda nokuli ngeyi kutya iilyo ayihe yoSwapo nayi ninge egano.Mensah-Williams okwa ti ngele opu na Aakwaswapo yamwe ye li ompinge nopulanda ndjika, “oye na ngiika shoka taya holeke.Ngele ito tsu kumwe noshinima, kutya nee omondjokana moka hamu ningwa egano, oho hengana.”Okwa ningwa nee omukanda ngoka tagu ka udhidhwa koshilyo kehe nokugu shaina – moka omuntu ta ka pulwa a ninge egano lyokulongela opaati muushili mombepo yuukumwe noyuuhailwa.Oshilyo kehe otashi ka udhitha ofooloma ndjika, noshi na wo oku udhitha mo onomola yokakalata kuukwashilyo.Iitya yimwe oya kuthwa owala momagano ngoka haga ningwa kOominista dhOkabinete yi li ngaashi yi li.Omushangwa nguka, ngoka gu li miikaha yoThe Namibian otagu ningi iilyo ayihe yoSwapo yi ninge egano kutya otayi ka longela Swapo, iikondo ye nosho wo okwiiyutha komilandu nokomalombwelo gaanambelewa yoSwapo.Shika otashi ningwa paitulomo nosho wo muukwashili wokulalakanena omilandu nEkotampango lyoSwapo.Amushanga-Ndjayi gwoSwapo Ngarikutuke Tjiriange ngoka e li wo Oministeli yOonakulwa aakuluntu, okwa koleke omushangwa nenge tutye ofooloma yegano ndika.