Imms na shunithe omiliyuna ya Finland: Ompangu

N GOKA a li nale omupresidende gwehangano lyomaudhano lyedhina Namibian Football Association Immanuel (‘Imms’) Namaseb, okwa pewa elombwelo kOmpangu yopombanda kutya na kale a shunitha oshimaliwa shomiliyuna yimwe oshinkwanu mbali (N$1,2 million) lwaampoka kOmbelewa yOmukalelipo gwaFiniland.

Omupanguli Nate Ndauendapo okwa gandja elombwelo ndika kutya Namaseb na kale a shunitha oshimaliwa shoondola/N$1 179 253 shoka sha li sha nuninwa okukwatha miinima yi na sha noHI-AIDS, oothigwa nosho wo uunona mboka wuli moluhepo. Okwa popiwa ngeyi mOmpangu yoPombanda kutya oshimaliwa shoka osha li sha pewa okampani ye yedhina Multi Purpose Consultancy ndjoka ya li yi na oku totapo oproyeka yokuungaunga niinima yi na sha noHIV-AIDS nosho wo noothigwa nuunona mboka wu li moluhepo mOshitopolwa sha Hangwena.Okwa pewa wo elombwelo kutya na shunithe oshimaliwa shoka Ombelewa yOmukalelipo gwa Finlanda mu Namibia kwa tulwa iishoshela yoopelesenda omilongo mbali (20%).Namaseb okwa gandja wo omukanda kOmpangu moka ta popi kutya ye okwa li owala omuunganeki gwa Multi Purpose Consultancy, na ke na nokuli oongunga dhOmbelewa yOmukalelipo gwa Finland dhoshimaliwa shoondola/N$1 179 253.Ta ti nomapopyo ngoka a ningilwa, kage shi goshili.Nando ongaaka, Ompangu oya zimine omapopyo ga Seija Kinni-Huttenen gwa Finland kutya Namaseb ota kambadhala owala okulaateka oshinima.Iihokolola mbyoka ya li ya tokolwa mOmpangu ndjika omwedhi gwa zi ko, oya li ya tameke konima sho kwa monika kutya opwa fa pwa longwa uulingilingi melongitho lyoshimaliwa shopropyeka ndjoka lwopehulilo lyomumvo 2005, oonzo ndhoka dhi li popepi noproyeka ndjoka tadhi popi ngaaka.Omuunganeki gwooprograma mOmbelewa yOmukalelipo gwa Finland, Elise Heikkenen, okwa popi mEtiyali lyoshiwike shika kutya oya li ya ningi omakonakono kombinga yelongitho lyiiniwe yoproyeka yedhina Farmer Field & Life Schools.Ta ti shika oya li ye shi ningi konima sho ya koneke kutya ihaya mono oolopota dhi li nawa melongitho lyiiniwe yoproyeka ndjoka.Oya li yi ikwatelela kwaashoka hashi ithanwa Food And Agriculture Organisation (FAO) nohayi longo oomeme mboka ye li ooyene yomagumbo nohaya tonatele oothigwa nnaanona mboka ye li moluhepo.Oproyeka nee ndjika yedhina Farmer Field & Life Schools, oya li nee yi na okulonga kohi ya Multi Purpose Consultancy.”Mr Namaseb okwa li e ya nomapopilo omawanawa okuzilila ku FAO ngoka a li a longo naye tango, nomolwashoka, otwa ningi etokolo okuyambidhidha Oproyeka ye,” Heikkenen ta popi ngaaka.”Ashike nee sho twa dhimbulula ngeyi kutya opu na elongithonayi lyiinima, otwa ningi nee etokolo lyokuya kOmpangu.”Elongithonayi ndika olya kwatelamo nee elongithonayi lyiihauto, omaindilo giimaliwa ya pitilila momalweendo, elongitho lyoshimaliwa shaali paveta okufuta oongunga dhokampani ye yilwe, nosho tuu, Heikkenen ta koleke ngaaka.Ombelewa yOmukalelipo gwa Finland oya gandja oshimaliwa shoondola/N$1 470 840 ku Namaseb ongomuunganeki gwoproyeka, noshimaliwa shoka osha li nee sha nuninwa okulongithwa muule woomwedhi hamano.Nando ongaaka, osha fa shi li ngeyi kutya Namaseb okwa longitha po owala oshimaliwa shoka muule woomwedhi mbali sigo ndatu nando nee iilonga yimwe oya longelwe ngaa, Heikkenen ta popi.Momukando ngoka gwa pewa Ompangu, Namaseb okwa ndopa okugandja efatululo lya yela kutya oshimaliwa shoka okwe shi longotha naanaa ngiini.Heikkenen okwa popi ngeyi kutya inaya yelelelwa naanaa ga yela ngele Namaseb oteke ya shunithila tuu oshimaliwa shoka shoondola/N$1 1779 253.Oselula ya Namaseb oya li tayi monika ya pata mEtiyali, na ina vula nokuli okumonika opo andola a gandje okomenda ye moshinima shika.Okwa popiwa ngeyi mOmpangu yoPombanda kutya oshimaliwa shoka osha li sha pewa okampani ye yedhina Multi Purpose Consultancy ndjoka ya li yi na oku totapo oproyeka yokuungaunga niinima yi na sha noHIV-AIDS nosho wo noothigwa nuunona mboka wu li moluhepo mOshitopolwa sha Hangwena.Okwa pewa wo elombwelo kutya na shunithe oshimaliwa shoka Ombelewa yOmukalelipo gwa Finlanda mu Namibia kwa tulwa iishoshela yoopelesenda omilongo mbali (20%).Namaseb okwa gandja wo omukanda kOmpangu moka ta popi kutya ye okwa li owala omuunganeki gwa Multi Purpose Consultancy, na ke na nokuli oongunga dhOmbelewa yOmukalelipo gwa Finland dhoshimaliwa shoondola/N$1 179 253.Ta ti nomapopyo ngoka a ningilwa, kage shi goshili.Nando ongaaka, Ompangu oya zimine omapopyo ga Seija Kinni-Huttenen gwa Finland kutya Namaseb ota kambadhala owala okulaateka oshinima.Iihokolola mbyoka ya li ya tokolwa mOmpangu ndjika omwedhi gwa zi ko, oya li ya tameke konima sho kwa monika kutya opwa fa pwa longwa uulingilingi melongitho lyoshimaliwa shopropyeka ndjoka lwopehulilo lyomumvo 2005, oonzo ndhoka dhi li popepi noproyeka ndjoka tadhi popi ngaaka.Omuunganeki gwooprograma mOmbelewa yOmukalelipo gwa Finland, Elise Heikkenen, okwa popi mEtiyali lyoshiwike shika kutya oya li ya ningi omakonakono kombinga yelongitho lyiiniwe yoproyeka yedhina Farmer Field & Life Schools.Ta ti shika oya li ye shi ningi konima sho ya koneke kutya ihaya mono oolopota dhi li nawa melongitho lyiiniwe yoproyeka ndjoka. Oya li yi ikwatelela kwaashoka hashi ithanwa Food And Agriculture Organisation (FAO) nohayi longo oomeme mboka ye li ooyene yomagumbo nohaya tonatele oothigwa nnaanona mboka ye li moluhepo.Oproyeka nee ndjika yedhina Farmer Field & Life Schools, oya li nee yi na okulonga kohi ya Multi Purpose Consultancy.”Mr Namaseb okwa li e ya nomapopilo omawanawa okuzilila ku FAO ngoka a li a longo naye tango, nomolwashoka, otwa ningi etokolo okuyambidhidha Oproyeka ye,” Heikkenen ta popi ngaaka.”Ashike nee sho twa dhimbulula ngeyi kutya opu na elongithonayi lyiinima, otwa ningi nee etokolo lyokuya kOmpangu.”Elongithonayi ndika olya kwatelamo nee elongithonayi lyiihauto, omaindilo giimaliwa ya pitilila momalweendo, elongitho lyoshimaliwa shaali paveta okufuta oongunga dhokampani ye yilwe, nosho tuu, Heikkenen ta koleke ngaaka.Ombelewa yOmukalelipo gwa Finland oya gandja oshimaliwa shoondola/N$1 470 840 ku Namaseb ongomuunganeki gwoproyeka, noshimaliwa shoka osha li nee sha nuninwa okulongithwa muule woomwedhi hamano.Nando ongaaka, osha fa shi li ngeyi kutya Namaseb okwa longitha po owala oshimaliwa shoka muule woomwedhi mbali sigo ndatu nando nee iilonga yimwe oya longelwe ngaa, Heikkenen ta popi.Momukando ngoka gwa pewa Ompangu, Namaseb okwa ndopa okugandja efatululo lya yela kutya oshimaliwa shoka okwe shi longotha naanaa ngiini.Heikkenen okwa popi ngeyi kutya inaya yelelelwa naanaa ga yela ngele Namaseb oteke ya shunithila tuu oshimaliwa shoka shoondola/N$1 1779 253.Oselula ya Namaseb oya li tayi monika ya pata mEtiyali, na ina vula nokuli okumonika opo andola a gandje okomenda ye moshinima shika.